"Thaaliyola"

"കേരളം എന്നും ദൈവത്തിന്റെ സ്വന്തം നാട് "

2011-10-22T08:23:00.000-07:00

പടിഞ്ഞാറ് അറബി കടലും, കിഴക്ക് പശ്ചിമഘട്ടവും, ഇതിനിടയില്‍ വനമേഖല, വന്യ മൃഗസങ്കേതങ്ങള്‍, വെള്ളച്ചാട്ടങ്ങള്‍, നദികളുടെ കളകളാരവം, കായലിന്റെ ഓളപ്പരപ്പുകള്‍. തെങ്ങ്, കുരുമുളക്, ഏലം, നെല്ല്, കശുവണ്ടി ഒപ്പം എന്നും ആര്‍ക്കും അനുയോജ്യമായ കാലാവസ്ഥയും; ഇത്രയും ആയപ്പോള്‍ ലോകത്തിലെ പത്തു സ്വര്‍ഗങ്ങളില്‍ ഒന്ന് ദൈവത്തിന്റെ സ്വന്തം നാടായ നമ്മുടെ കേരളം എന്നതില്‍ അത്ഭുതപെടാന്‍ എന്തിരിക്കുന്നു.

പുരാതന സംസ്കാരവും നാണ്യവിളകളുടെ കച്ചവടവുമായി ബന്ധപെട്ടു ലോകത്തിലെ വിവിധ ഭാഗങ്ങളില്‍ നിന്നും കേരളത്തിലേക്ക് യാത്രികര്‍ എത്തി. ഗ്രീക്ക്, റോമന്‍, അറബികള്‍, ഡച്ച് , ഫ്രഞ്ച്, ബ്രിട്ടീഷ്‌കാര്‍ എന്നിങ്ങനെ ഒരു നീണ്ട നിര തന്നെ കേരളത്തില്‍ എത്തിയപ്പോള്‍ ദൈവം കനിഞ്ഞു നല്‍കിയ പ്രകൃതി സൌന്ദര്യം കേരളത്തിനെ ഒരു വിനോദ സഞ്ചാര കേന്ദ്രമാക്കി മാറ്റി. കേരളത്തിന്റെ പ്രകൃതി മനോഹാരിതയും തനതു കലാ രൂപങ്ങളും കേരള തനിമയെ വിളിച്ചറിയിക്കലായി. ഒപ്പം ടൂറിസം മേഖലക്ക് അനന്ത സാധ്യതകളും. ഈ സാധ്യതകള്‍ നമ്മുടെ സമ്പത്ത് വ്യവസ്ഥയില്‍ തന്നെ വന്‍ മുന്നേറ്റം നടത്തി.

1986 -ല്‍ ടൂറിസം വ്യാവസായിക പദവി ലഭിച്ച കേരളം "ദൈവത്തിന്റെ സ്വന്തം നാട് " എന്നാ പദവി സ്വീകരിച്ചതോടെ ടൂറിസം മേഖലയില്‍ വന്‍ കുതിച്ചു ചാട്ടം തന്നെ ഉണ്ടായി. എന്നും ഇപ്പോഴും നല്ലതിനെ രണ്ടു കയ്യും നീട്ടി സ്വീകരിച്ച മലയാളിക്ക് വിദേശ വിനോദ സഞ്ചാരികളെ ആകര്‍ഷിക്കാന്‍ നമ്മുടെ മലയോര മേഖലകളും, കായലുകളും ബീച്ചുകളും, നിറഞ്ഞ പ്രകൃതി രാമനീയതയും ഒരു അനുഗ്രഹമായി. കൂട്ടത്തില്‍ ആയുര്‍വേദത്തിന്റെ കൈപുണ്യവും.

മൂന്നാര്‍, വയനാട്, നെല്ലിയാമ്പതി, വാഗമണ്‍, പൊന്മുടി കൂടാതെ നാഷണല്‍ പാര്‍ക്കുകളും വന്യമൃഗ സങ്കേതങ്ങളും ടൂറിസം പാതയെ വികസിപ്പിക്കാന്‍ കഴിഞ്ഞു. 1498 -ല്‍ വാസ്കോ ഡ ഗാമ കാല്‍ കുത്തിയ കാപ്പാട് ബീച്ച് മുതല്‍ ഇന്നും വിദേശികള്‍ നിറഞ്ഞൊഴുകുന്ന കോവളം ബീച്ച് വരെ ടൂറിസം കേന്ദ്രങ്ങളായി. 'കിഴക്കിന്റെ വെനീസും', 'അറബിക്കടലിന്റെ' റാണിയും', തിരുവിതാംകൂറിന്റെ ആഡ്യത്വവും ഇവിടെ എത്തുന്ന ഇതു സഞ്ചാരികളെ ആണ് തിരികെ പോകാന്‍ പ്രേരിപ്പിക്കുന്നത്. കേരള സംസ്കാരം ഉറങ്ങുന്ന ബേക്കല്‍ കോട്ട മുതല്‍ ശ്രീ പദ്മനാഭന്റെ അനന്തപുരി വരെ ടൂറിസം മേഖലക്ക് നീണ്ട സാധ്യതകള്‍. വിനോദ സഞ്ചാരികളെ ആകര്‍ഷിക്കാന്‍ കഥകളി, ഓട്ടംതുള്ളല്‍, മോഹിനിയാട്ടം, തെയ്യം, പടയണി, ചാക്യാര്‍കൂത്ത് എന്നിങ്ങനെ തനതു കലാരൂപങ്ങള്‍. ആനകളെ അണി നിരത്തുന്ന പൂരങ്ങള്‍, വ്യത്യസ്തമായ ആചാരങ്ങളും ഐതീഹ്യങ്ങളും നിറഞ്ഞ ഉത്സവങ്ങള്‍, ജലമാര്‍ഗം കെട്ടുവള്ളം, വള്ളംകളി എന്നിങ്ങനെ പോകുന്ന ദൈവത്തിന്റെ സ്വന്തം നാട്ടില്‍ ഇനിയും ഏറെ ദൂരം വികസനം എത്തിക്കാന്‍ കഴിഞ്ഞിരുന്നെങ്കില്‍ നമ്മുടെ സമ്പത്ത് വ്യവസ്ഥ എവിടെ എത്തുമായിരുന്നു.

ആഗോള നിലവാരത്തിലുള്ള ടൂറിസം കേന്ദ്രമാക്കി കേരളത്തെ മാറ്റണം എന്ന ടൂറിസം മന്ത്രിയുടെ പ്രസ്താവന സാധ്യമായാല്‍ ഏതൊരു കേരളീയനും ദൈവത്തിന്റെ ഏറ്റവും അടുപ്പം ഉള്ള ആളെന്ന് അഹങ്കരിക്കാം. പക്ഷെ അതിനു മുന്‍പ് കേരളത്തിലെ ഇന്നത്തെ റോഡുകള്‍ തോടുകളായി തുടര്‍ന്നാല്‍ "ദൈവത്തിന്റെ സ്വന്തം നാട് " എന്ന് പുകഴ്ത്തി പാടുന്ന വിനോദ സഞ്ചാരികള്‍ നമ്മുടെ കേരളത്തിലേക്ക് വരാന്‍ ഒന്ന് അറക്കില്ലേ?

മാലിന്യ മുക്ത കേരളം എന്നുറക്കെ പറയുമ്പോള്‍ റോഡുകളും തോടുകളും തീരങ്ങളും പ്ലാസ്റ്റിക്‌ ചവറിനാല്‍ മലകള്‍ തീര്‍ക്കുന്നു. റോഡുകള്‍ റോഡുകളായി തന്നെയും മാലിന്യമുക്ത കേരളം വാക്കുകളില്‍ നിന്നും പ്രാവര്‍ത്തികമായാല്‍ കേരളം എന്നും "ദൈവത്തിന്റെ സ്വന്തം നാട് " തന്നെ. ടൂറിസം മേഖലക്ക് നമ്മുടെ സമ്പത്ത് വ്യവസ്ഥയെ എവിടെയെങ്കിലും ഒക്കെ എത്തിക്കാന്‍ കഴിയും എന്നതും ഉറപ്പു.

"മറഞ്ഞു പോയ രാജഹംസം"

2011-08-19T09:10:00.000-07:00

സന്തോഷത്തില്‍ സ്വയം മറന്ന സ്വപ്നമായും ,

പ്രണയത്തില്‍ വികാര തരളിത നൊമ്പര മായും

സങ്കടങ്ങളില്‍ ആശ്വാസ തലോടലായും, കാറ്റായി ആടിവന്നും,

കവിളില്‍ തലോടിയും,നെഞ്ജോടു ചേര്‍ത്ത് പിടിച്ച "രാജഹംസം"

പറന്ന്... പറന്ന്...പറന്നു.............അങ്ങ് അപ്പുറത്തെ ലോകത്തിലേക്ക്‌ ............

കെ.കരുണാകരന്‍ വിടവാങ്ങി.........

2010-12-23T06:47:00.000-08:00

മുന്‍ മുഖ്യമന്ത്രിയും,മുതിര്‍ന്ന കോണ്‍ഗ്രസ്സ് നേതാവും ആയ കെ.കരുണാകരന്‍ അന്തരിച്ചു.

നാലു തവണ മുഖ്യമന്ത്രിയും, ഒരുവര്‍ഷത്തോളം കേന്ദ്രമന്ത്രിയായും പ്രവര്‍ത്തിച്ച കെ. കരുണാകരന്‍ കഴിഞ്ഞ അര ദശകത്തോളമായി കേരളത്തിലെ വലതു പക്ഷ രാഷ്ട്രീയത്തിന്റെ അജന്‍ഡ നിശ്ചയിച്ചിരുന്നു..

കേരള രാഷ്ട്രീയത്തിന്റെ അതികായകന്‍റെ സംസ്കാരം ക്രിസ്ത്മസ് ദിനത്തില്‍ തൃശൂര്‍ മുരളീ മന്ദിരത്തില്‍ നടക്കും.പ്രീയ പത്നി കല്യാണിക്കുട്ടിയമ്മയുടെ ശവകുടീരത്തിനു സമീപം ആയിരിക്കും കരുണാകരന് ചിതയോരുക്കുക.

"ഹിരോഷിമ ദിനം"

2010-08-06T07:48:00.000-07:00

ആഗസ്റ്റ്‌ - 6 " ഹിരോഷിമ ദിനം " മനുഷ്യ രാശിക്കുമേല്‍ അമേരിക്ക നടത്തിയ

മാപ്പര്‍ഹിക്കാത്ത ക്രൂരത.

ഹിരോഷിമയില്‍ മരിച്ചവരുടെയും, ജീവശ്ശവങ്ങള്‍ ആയ മനുഷ്യ രാശിയുടെയും, മരിക്കാത്ത ഓര്‍മ ഹൃദയത്തില്‍

നൊമ്പരം ആവുന്നെങ്കില്‍ അമേരിക്കന്‍ അധിനിവേശം മനുഷ്യ രാശിയില്‍ നിന്നും മാപ്പര്‍ഹിക്കില്ല.

2010-08-01T08:41:00.000-07:00

മലയാള മാധ്യമ ചക്രവര്‍ത്തി

"കെ എം .മാത്യുവിനു ആദരാഞ്ജലികള്‍"

"കഥാന്തരം"

2010-07-31T10:34:00.000-07:00

അവന്‍ എന്ത് ചെയ്യണമെന്നു ചിന്തിച്ചുകൊണ്ടിരിക്കുംപോളാണ് സൈബര്‍ വലയിലൂടെ സന്‍ജരിച്ഛലോ  എന്നോര്‍ത്തത്.ലോഗിന്‍ ചെയ്ത നിമിഷങ്ങള്‍ക്കകം ഒരു ചൂണ്ടയുടെ കൊളുത്തില്‍ കുരുങ്ങി അതില്‍നിന്നും രക്ഷ പെട്ടതിന് മുന്‍പ് തന്നെ മറ്റൊരു ചൂണ്ടയില്‍ കുടുങ്ങി.ശ്വാസം മുട്ടി മരിക്കും എന്നു മനസിലായപ്പോള്‍ എങ്ങനെയോ കെട്ട് പൊട്ടിച്ചു കരയിലേക്ക് ചാടി.കുറച്ചു നേരത്തെ പിടച്ചിലിന് ശേഷം വീണ്ടും വെള്ളത്തിലിറങ്ങി നീന്താന്‍ തുടങ്ങി ഇത്തവണ ചൂണ്ട കൊളുത്തുകളില്‍ ഒന്നും തന്നെ സ്പര്‍ശിക്കരുത് എന്നു തീരുമാനിച്ചുറച്ചുതന്നെയാണ് യാത്ര.
          അപ്പോഴതാ മറ്റൊരാശയം .ഒരു ചുണ്ടയില്‍ സ്വയം അങ്ങ് കൊരുത്താലോ...?എന്ത് സംഭവിക്കും .സംബവിക്കണ്ടത് തന്നെ സംഭവിച്ചു.അധികം താമസിക്കാതെ ഒരു മീന്‍ ചൂണ്ടയില്‍ കുരുങ്ങി. പരസ്പരം ഐമാരിയത് ഒരു ആയുസ്സിന്റെ വിശപ്പയിരുന്നോ...? എന്താണ് സംഭവിക്കുന്നത്‌ എന്നറിയാതെ രണ്ടു മീനുകളും പരസ്പരം പകച്ചുനിന്നുപോയി .ഇനി എന്താണ്... ???
           കൈയ്യിലും,ബാഗിലും ,മേശയിലും ഇടയ്ക്കിടെ ഇരുന്നു ചിരിക്കുകയും,ചിലക്കുകയും, കരയുകയും ചെയ്യുന്ന കുട്ടിയുടെ അക്കങ്ങള്‍ വലയിലൂടെ പരസ്പരം കൈമാറി .പിന്നീടങ്ങോട്ട് ഒരു ഉത്സവമായിരുന്നു.കുട്ടികള്‍ ഇടയ്ക്കിടെ അവിടെയും ഇവിടെയും ഇരുന്നു കരഞ്ഞു ,ചിലച്ചു,ചിരിച്ചു .
            അവള്‍ ചോദിച്ചു ,ഇനിഎന്നാണ് ഒരു കൂടിക്കാഴ്ച. കാഴ്ച്ചയില്‍ എന്തിരിക്കുന്നു എന്‍റെ മല്‍സ്യകന്യകേ..........?അരാജകവാദിയായ മത്സ്യം പറഞ്ഞു .എന്നാല്‍ അവള്‍ നിര്‍ത്താന്‍ തയ്യാറായില്ല അവള്‍ കുട്ടിയെ നോവിച്ചു കൊണ്ടേയിരുന്നു .കുട്ടി കൂടുതല്‍ കൂടുതല്‍ ഉച്ചത്തില്‍ കരഞ്ഞു.ഇനി ഇപ്പോള്‍ എന്ത് ചെയ്യും ?അരജകവാധി മത്സ്യം പറഞ്ഞു "പുഴയ്ക്കു കുറുകെ ഉള്ള പാലത്തിലെ പാളങ്ങള്‍ക്ക് മുകളിലൂടെ ഞാന്‍ ചിറകു മുളപ്പിച്ചു തരാം . നീ അവിടെ കാത്തുനില്‍ക്കണം ".തീര്‍ച്ചയായും.. അവള്‍ പറഞ്ഞു .....എനിക്ക് ഉറക്കം വരുന്നില്ല .."അല്ല മത്സ്യങ്ങള്‍ ഉറങ്ങാറുണ്ടോ   ?ആര്‍ക്കറിയാം.മനുഷ്യന്‍ ഉറങ്ങുന്നുണ്ടോ എന്നു ശ്രദ്ധിക്കാന്‍ തന്നെ നേരമില്ല.പിന്നെയാണ് മത്സ്യങ്ങള്‍..ആ പോ വേറെ പണിയില്ലേ ..?
           അവന്‍ പുഴ ചാടി പാലത്തിലുള്ള പാളത്തിലൂടെ ഇടയ്ക്കിടെ ചിരിക്കുകയും,ചിലക്കുകയും കരയുകയും ചെയ്യുന്ന കുട്ടികളുമായി പറന്നു തുടങ്ങി .കുട്ടി കരഞ്ഞും ,ചിരിച്ചും, ചിലച്ചും കൊണ്ടിരുന്നു .ഇടയ്ക്കിടെ അവള്‍ ചോദിച്ചു നീ ടൂത്ത് ബ്രഷ് എടുത്തിട്ടുണ്ടോ? ടൂത്ത് ബ്രഷോ......?അരാജകവാദി മത്സ്യങള്‍ ക്കെന്തിനാ ബ്രഷ് .അരാജകവാദികള്‍ പല്ല് തെയ്ക്കാറില്ല.,അല്ല മത്സ്യങ്ങള്‍ പല്ല് തേയ്ക്കാറൂണ്ടോ ? അങ്ങനെയെങ്കില്‍ എന്ത് ഉഒയോഗിച്ചു പല്ല് തെയ്ക്കും .ഓ....തെയ്ക്കുകയോ, തേക്കതിരിക്കുകയോ എന്ത് പണ്ടാരമെങ്കിലുംആവട്ടെ ...
          അവന്‍ ഉച്ചത്തില്‍ കൂവി പാലവും കടന്നു പുഴകള്‍ക്കും വീടുകള്‍ക്കും മുകളിലൂടെ യാത്ര തുടര്‍ന്നു.അവന്‍റെ കുട്ടി വീണ്ടും ചിരിച്ചും ചിലച്ചും,കരഞ്ഞും അവനെ അനുഗമിച്ചു . എന്ത് ചെയ്യും ? അരാജകവാദി മത്സ്യം പറഞ്ഞു, അതെ എനിക്കൊന്നു കുളിക്കണം തൂ ..മത്സ്യങ്ങള്‍ കുളിക്കുകയോ ??അല്ല മത്സ്യങ്ങള്‍ കുളിക്കരുണ്ടോ ?ആര്‍ക്കറിയാം അവള്‍ പറഞ്ഞു ,കുളിച്ചോളൂ,കുളിച്ചോളൂ..പക്ഷേ കുളിചില്ലങ്കിലും പല്ല് തേയ്ക്കണം.ഇപ്പോള്‍ അരാജകവാദി പാളത്തിലൂടെ പതിവിലും വേഗത്തില്‍ കുതിക്കുകയാണ്,, അവള്‍ അതാ അടുത്ത് എത്താറായിരിക്കുന്നു .ഹൃദയമിടിപ്പ്‌ കൂടുന്നുണ്ടോ? അതോ നിലച്ചുവോ?
           ഇപ്പോള്‍ അവന്‍റെ ചിന്ത അവളെ കുറിച്ച് സങ്കല്പിച്ചുള്ള രൂപത്തെ കുറിച്ച് മാത്രം .അല്ല മത്സ്യത്തിന്റെ രൂപം എങ്ങനെയായിരിക്കും .അത് അറിയാവുന്നതല്ലേ പിന്നെ എന്തിനോരാശങ്ക.വെറുതെ ഒരു കൌതുകം . ഏതിനം മത്സ്യം ആയിരിക്കും കണ്ടു തന്നെ അറിയണം.എന്തായാലും അവള്‍ അതാ കടവില്‍ കാത്തി നില്‍ക്കുന്നുണ്ട് . നേരത്തെ ചൂണ്ടയില്‍ കുരുങ്ങിയപ്പോള്‍ മനസ്സില്‍ തോന്നിയ അതെ രൂപം തന്നെ ..അരാജകവാദി വേഗത കൂട്ടി.അവന്‍ കുതിച്ചു.അവളെ കണ്ടതിന്റെ ആകാംഷയില്‍.അവന്‍ അറിയാതെ ഇരു കൈയ്യുകളും ഉയര്‍ത്തി പിടിച്ചു ചാടി അവളോട്‌ പറഞ്ഞു............. koooiiiiiii ..........ഇതാ ഇതാണ് നിന്‍റെ അരാജകവാദി "അതെ നിന്‍റെ അരാജക വാദി നീ കണ്ടു മുട്ടിയിരിക്കുന്നു "എങ്ങനെ ഉണ്ടു ? അപ്പോള്‍ അവളുടെ മുഖം വിളറി വെളുത്തിരുന്നു ..അല്ല മത്സ്യത്തിന്റെ മുഖം വിളറി വെളുക്കുകയോ? അങ്ങനെ സംബവിക്കരുണ്ടോ ..?അല്ല അങ്ങനെ സംഭവിച്ചാല്‍ തന്നെ എന്ത്? വിട് എന്‍റെ ആശാനെ ...കഥയില്‍ ചോദ്യമില്ലാന്നെ..അവള്‍ തല താഴ്ത്തി. നെടുവീര്‍പ്പിട്ടു കൊണ്ടു അരജകവാടിയെ ക്കാതുനിന്ന കടവില്‍ നിന്നും തിരികെ നീന്തി .നീന്തലിനിടയില്‍ അവള്‍ സ്വയം പറഞ്ഞു മ്ഹും ,അരാജകവാദിയാനത്രേ..അരാജകവാദി .ഛെ,..വൃത്തികെട്ടവന്‍ ഹ..ഹ..ഹ..!!!???

2010-07-31T04:59:00.000-07:00

"മോഡേണ്‍ മമ്മി"

കരയുന്ന കുഞ്ഞിനേ പാലുള്ളൂ ............അതുക്കെ പണ്ട്..

"ഈ കുട്ടുവിന്‍റെ ഒരു കാര്യം"

2010-07-22T09:18:00.000-07:00

     ബൌ..ബൌ ..ബൌ....ഹോ ഇന്ന് അമാവാസിയാണല്ലോ..എന്താ ഈ പട്ടി ഇങ്ങനെ നിര്‍ത്താതെ കുരക്കുന്നത് .നാശം ഉറങ്ങാന്‍ സമ്മതിക്കുന്നില്ല. ഈ കുട്ടു പട്ടിക്കു നന്നായി അറിയാവുന്നതാണല്ലോ ചന്ദ്രനെ എന്നും കാണാന്‍ കഴിയില്ല എന്നും,എന്നും തിളങ്ങാറില്ല എന്നും.മാസത്തില്‍ മൂന്നോ,നാലോ ദിവസം മാത്രമുള്ള തിളക്കം ഓര്‍ത്തിട്ടാണോ.....ഇതെല്ലം പലതവണ പറഞ്ഞു കൊടുത്തതാണ്..രാത്രി ഇങ്ങനെ ഉറങ്ങാന്‍ സമ്മതിക്കാതെ കുരയ്ക്കണം എങ്കില്‍ എന്തോ മുന്നറിയിപ്പാണ്.അതാണ് വല്ലാതെ ഓരിയിടുന്നതും.എവിടേയോ എന്തോ സംഭവിക്കാന്‍ പോകുന്നു.ഈ അപകടം എന്നു കേള്‍ക്കുമ്പോള്‍ തന്നെ ഭയമാണ് മനസ്സിന്.

     എനിക്ക് നല്ല ഓര്‍മ്മയുണ്ട് ,അപ്പുറത്തെ വീട്ടിലെ അങ്കിള്‍ കിളിമാനൂരില്‍ നിന്നും താമസം മാറിവന്നപ്പോള്‍ഒപ്പം കൊണ്ടുവന്നതാണ്‌ ഈ കുട്ടു എന്ന പട്ടിയെ ,പണ്ടൊക്കെ ഈ വര്‍ഗത്തെ ദൂരെ കണ്ടാലെ അറപ്പായിരുന്നു. പക്ഷേ കുട്ടു വന്നതോടെ അത് മാറി. കുഞ്ഞായിരുന്ന കുട്ടുവിനു ഇടയ്ക്കു സ്പൂണില്‍ പാല് കോരി കൊടുക്കുമായിരുന്നു.അതിന്റെ സ്നേഹസം , എന്റമ്മോ..... തെരുവ് നായ്ക്കളെ കാണുംപോളാണ് ഇവന്റെ ഭാവം കാണണ്ടത്.നല്ല അനുസരണ ആണങ്കിലും ആ ഒരു കാര്യത്തില്‍ ഇവന്‍ വയലന്റാവും .പോട്ടന്നേ വിട്ടേരെ എന്നു പറഞ്ഞാല്‍ മര്യാദക്ക് കൂട്ടില്‍ കയറി ഇരിപ്പാ..മറ്റുള്ള നായി കുട്ടികളെ പോലെ അല്ല കാര്യം പറഞ്ഞാല്‍ മനസ്സിലാവും.
     ഒരിക്കല്‍ ഇവനൊരു അബദ്ധം പറ്റി ഒരു ദിവസം ഉച്ചക്ക് യാദ്രിചികമായി തെരുവില്‍ പോയി. അപ്പോളെന്താ കുറെ തെരുവ് നായ്‌കൂട്ടങ്ങള്‍ ഒരു ഭക്ഷണപൊതി എവിടെനിന്നോ കൊണ്ടുവന്നു.അതിന്റെ പുറത്തു കുത്തിമറിഞ്ഞു കടികൂട്ടുകയാണ്.അപ്പോളാണ് നമ്മുടെ കുട്ടു അവിടെ എത്തിയത്.കഥ മാറിയില്ലേ ,തെരുവ് നായ്ക്കള്‍ കുട്ടുവിനു നേരെയായി.ഈ നായ്‌ ക്കൂട്ടങ്ങള്‍ക്ക് അറിയില്ലല്ലോ ഈ പൊതിച്ചോറും കുട്ടുവും ആയിയാതൊരു ബന്ധവും ഇല്ലാന്ന്. കഷ്ടം,പാവം .
   ഓ സമയം പാതിരാത്രിയായി.ഞാന്‍ കുട്ടുവിന്റെ സാഹസങ്ങള്‍ ഓര്‍ത്തു കിടക്കുവാ .. നേരം പുലരാന്‍ ഏതാനും മണിക്കൂറുകള്‍....ഉറങ്ങട്ടെ നാളെ ആ കുട്ടികളുടെ അടുത്തേക്ക്‌ പോകണ്ടതാണ്. അനാഥാലയത്തിലെ കുട്ടികളെ കാണാതിരിക്കാന്‍ എനിക്കാവില്ല..ഓണത്തിനു കുട്ടികള്‍ക്കുള്ള വസ്ത്രവും,ഭക്ഷണത്തിനു ഉള്ള സാധനങ്ങളും.നാളെ എത്തിക്കാം എന്നു ഞാന്‍ അവരോടു പറഞ്ഞിട്ടുണ്ട്. എത്ര കരയണ്ട എന്നു കരുതിയാലും ചിന്നു മോളെ കാണുമ്പോള്‍ സങ്കടം വരും. അവളെ എങ്ങനെ അനാഥാലയത്തില്‍ ഉപേക്ഷിച്ചു പോയി അവളുടെ ........?
     ജോലി തിരക്കിനിടയില്‍ ഇടയ്ക്കു കിട്ടുന്ന ആശ്വാസം അവരാണ്.

     എന്താ കുട്ടു ..രാത്രി മുഴുവന്‍ കുരയായിരുന്നല്ലോ ..എന്തുപറ്റി ..?ചന്ദ്രന്‍ മാസത്തില്‍ രണ്ടു മൂന്ന് ദിവസം മാത്രമേ തിളങാറുള്ളൂ എന്നു പറഞ്ഞിട്ടുല്ലതാണല്ലോ.നീ മണ്ടത്തരങ്ങള്‍ കാണിക്കാരില്ലല്ലോ..................
     അപ്പോള്‍ കുഞ്ഞു അറിഞ്ഞില്ലേ ഇന്നലെ രാത്രി നമ്മുടെ കുട്ടു ചെകുത്താനെ കണ്ടു കുരച്ചതാ .അതെങ്ങനെ..?തന്നെ ,രാത്രിയില്‍ നമ്മുടെ തൊടിയിലെ രാഘവന്‍ മരിച്ചു പോയി. ഓ അത് ശെരി.
     കുട്ടുവിനെ തുറന്നു വിടണ്ട.അവിടെ,അവിടെ കുറെ പട്ടികള്‍ക്ക് പേ ഇളകി.കത്തി ജ്വലിച്ചു നില്‍ക്കുന്ന സൂര്യനെ ഇപ്പോള്‍ നിലത്തെറക്കും എന്ന മട്ടാ.പാവം പട്ടികള്‍.അവര്‍ക്കറിയില്ലല്ലോ സൂര്യനോട കളിക്കുന്നതെന്ന്.ദൈവമേ പാവങ്ങളുടെ ഒരവസ്ഥയെ....ഏതോ ഒരു നായ്‌ പേ പിടിച്ചു ഈ തെരുവില്‍ എത്തി.ഗതി മാറിയില്ലേ ഈ തെരുവിലെ എത്ര നായ്ക്കള്‍ക്ക് പേ ആയന്നോ ..ഇത് കണ്ടു നില്ക്കാന്‍ വയ്യ ,ഭയങ്കര അപകടമാ ....
     ഓ പഞ്ചായത്തില്‍ നിന്നും ആള് വന്നു,ആശ്വാസമായി.ആളുകളെ ഉപദ്രവിക്കും മുന്‍പ് എന്തായാലും ....
     എന്താ കുട്ടു നീ ഇങ്ങനെ അന്തം വിട്ട് നില്‍ക്കണേ ?പിടികിട്ടിയില്ലേ കാര്യങ്ങള്‍ ."ബൌ ,ബൌ ബൌ " ഓഹ വീണ്ടും കുര , എന്താ അവിടെ ...ഓ ചന്ദ്രനെ കണ്ടിട്ടാ...നമ്മുടെ മീന്‍കാരന്‍ ചന്ദ്രനെ..

     .എന്നും കാണുന്നതല്ലേ മീന്‍കാരന്‍ ചന്ദ്രനെ.പിന്നെ എന്താ.?അതെ നമ്മുടെ മീന്‍കാരന്‍ ചന്ദ്രന്‍ ഇട്ടിരിക്കുന്നതെ സില്‍ക്കിന്റെ ഉടുപ്പാ.. ഓ ആ തിളക്കം കണ്ടാണോ നമ്മുടെ കുട്ടു കുറച്ചത്

"എന്‍റെ മാധ്യമ പഠനം"

2010-07-22T09:14:00.000-07:00

(ഭാഗം 4)

     അനുഭവങ്ങള്‍ എഴുതിയപ്പോള്‍ സത്യം പറഞ്ഞാല്‍ നല്ല ഒരു മൂടായിരുന്നു. പക്ഷേ ഇപ്പോള്‍ ഓരോന്ന് എഴുതണമല്ലോ എന്നോര്‍ത്തപ്പോള്‍ എനിക്ക് തന്നെ അറപ്പു. എന്ത് ചെയ്യാന്‍ അത്ര നല്ല അനുഭവങ്ങളല്ലേ നമ്മുടെ EJ ക്ലാസ്സിലെ.
     സത്യം പറഞ്ഞാല്‍ എനിക്ക് ചിരിക്കാനാണ് തോന്നുന്നത്, ഒപ്പം നമ്മുടെ "പറയിപെറ്റ പന്തിരുകുലത്തിലെ അട്ടയുടെ കഥയും ഓര്‍മ വരുന്നു. അപവാദങ്ങള്‍ നല്ലതാണ്. നമുക്ക് അട്ടയെ വാങ്ങാം. എത്ര വേണം എന്നു നമ്മള്‍ തീരുമാനിക്കും....... ഇപ്പോള്‍ തന്നെ ഓരോരുത്തരുടെ നെഞ്ചിടുപ്പ് കൂടി. ഹ ഹ അട്ടയോ, എനിക്കോ, അളിയാ.... പിന്നെ നിനക്കല്ലേ.. എന്തായാലും എനിക്കില്ല എന്നു ഒരു കൂട്ടര്‍, പാവം എന്ത് ചെയ്യാന്‍...മുട്ടയിട്ടു പെരുകാതിരുന്നാല്‍ മതിയായിരുന്നു...."
     ക്ലാസ്സിലെ ഓരോരുത്തരെയും പറയാതെ വയ്യ. കാരണം എല്ലാവരും വെത്യസ്തരും മിടുക്കരും ആണല്ലോ. അപ്പോള്‍ പിന്നെ എന്തിനു മാറ്റി നിര്‍ത്തണം. A യില്‍ തുടങ്ങി V യില്‍ അവസാനിക്കുന്ന കുറച്ചു അംഗസംക്ക്യകള്‍ ഉള്ള ഈ ക്ലാസ്സില്‍ ആദ്യമൊക്കെ ഓരോരുത്തരെയും മനസ്സിലാക്കാന്‍ പെട്ട പാടേ..... ഇത്ര ചെറു പ്രായത്തിലെ എത്ര തന്ത്ര ശാലികളാണിവരില്‍ പലരും. ഓ .. അത് കൊണ്ടാണല്ലോ....
     എന്‍റെ ദൈവമേ .... നമ്മുടെ ചാമിംഗ് എന്നു വിശേഷിപ്പിക്കുന്ന അശ്വതി, സൂക്ഷിച്ചോ കേട്ടോ, ഞാനൊന്ന് നോക്കിയാല്‍ മതി എന്‍റെനക്ഷത്രം എന്താണന്നു അറിയുമോ? മര്യാദക്കായാല്‍ നിനക്കൊക്കെ നല്ലത്. മ്ഹും അല്ല പിന്നെ.... "അശ്വതിയും ലെക്ഷ്മിയും പിന്നെ ഞാനും" എന്നു പറയുന്ന നമ്മുടെ ആര്യ.... പാവം മിടുക്കി കുട്ടി. പലപ്പോഴും ആര്യയെ സമ്മതിക്കണം എന്നുക്ലാസ്സില്‍ ഒരാളെങ്കിലും പറയും, കാര്യം മറ്റൊന്നുമല്ല അശ്വതി എന്ന ചങ്ങാതിയുടെ കൂടെ.................. സാറേ ഒരു സംശയം, അത് പിന്നെ ഉമ്മന്‍ ചാണ്ടിയുടെ അമ്മായിയച്ഛന്റെ മോളുടെ മക്കളില്ലേ, അവരുടെ അമ്മ ഉമ്മന്‍ചാണ്ടിയുടെ ഭാര്യയാണല്ലോ...... അപ്പൊ പിന്നെ ....എന്താണ് ഈ അനു ചോദിക്കുന്നത്. ഒന്നും മനസ്സിലായില്ല. എന്ത്ചെയ്യാം ബുദ്ധി വേണംബുദ്ധി. നമ്മുടെ അനുപ്രിയയുടെ ഒരുകാര്യം. മറ്റുള്ളവരെ ഉപദ്രവിക്കാന്‍ പുള്ളിക്കാരിക്ക് അറിയില്ല. സ്വന്തം കാര്യം സിന്താബാദ്‌. മാസ്റ്റര്‍ ബ്ലാസ്റ്റെര്‍ , അതൊരു കൊച്ചു മിടുക്കന്‍ ഒന്നുമല്ല നല്ല മിടുക്കന്‍ തന്നെ . ആരെയും മൈന്ടും ഇല്ല . അപ്പോള്‍ പിന്നെ അസൂയാലുക്കള്‍ അധികമാവുന്നതില്‍ അതിശയിക്കാന്‍ ഇല്ല ..
     ഇനിയല്ലേ നമ്മുടെ "തങ്കകുടം"സ്വയം പറയുമ്പോള്‍ അരുള്‍ ലാല്‍ , അരുണ്‍ ലാല്‍ എന്നാണ് കേട്ടോ . അമ്മോ ഒരു മഹാ സംഭവം തന്നെ . പക്ഷേ ഏതുകാര്യത്തിലാണ് എന്നു മാത്രം ചോദിക്കരുത് . ആശാന്‍ ആണ് കേട്ടോ ആശാന്‍ കഴക്കൂട്ടത്തെ മാത്രമല്ല നമ്മുടെ E J യിലെയും എന്നാണ് നമ്മുടെ അപ്പുകുട്ടന്റെയും തോഴരുടെയും വയ്പ്പ് . ഭാവം കണ്ടാല്‍ ഇപ്പോള്‍ എല്ലാത്തിനെയും അടിച്ചു മലര്‍ത്തും എന്നാ. എവടെ...... ഒറ്റക്കായാല്‍ കാണാം ഹ ഹ ഹ .
     ഇനി നമ്മുടെ ബിനു അത് എന്ത് പറയാനാ . ക്ലാസ്സിലെ അതിഥി എന്നു പറയുന്നതായിരിക്കും ശെരി . വല്ലപ്പോളും വന്നങ്കില്‍ ആയി . രൂപം പോലെ തന്നെ ഒരു പാവം . എനിക്കവയ്യ സാറെ നാട്ടില്‍നിന്നും വന്നതെയുള്ളു ഹോര്‍ലിക്സ് കുടിക്കാന്‍ മറന്നു പോയി . എനിക്ക് അനങ്ങാന്‍ പോലും വയ്യ നമ്മുടെ ആരോഗ്യ സ്വാമി ടിന്നി . ചുറ്റും എന്ത് നടന്നാലും അയ്യോ സാറേ ഞാന്‍ ഇപ്പൊ വന്നതേയുള്ളൂ ഇതൊന്നും ആരും എന്നോട് പറഞ്ഞില്ല . "ഞാന്‍ ദീപ്തിഷ് കൃഷ്ണ സ്വദേശം മലപ്പുറം "ഞാന്‍ ഇങ്ങനെയ. വെത്യസ്തത തോന്നിക്കും പുള്ളിക്ക് പക്ഷേ ഒരു കാര്യം പെട്ടെന്നൊന്നും പിടികൊടുക്കില്ല കുറച്ചു രഹസ്യ സ്വഭാവം ആണന്നു സ്വയം ഒരു തോന്നല്‍. പിന്നെ കോഴ്സ് കഴിഞ്ഞാലും ഇല്ലങ്കിലും ഞാന്‍ ജേര്‍ണലിസ്റ്റ് തന്നെ എന്നാണ്‌ ഭാവം.
     ഈ ചുറ്റുവട്ടത്ത് എന്താണ് എങ്കിലും എനിക്ക് നോ പ്രോബ്ലം. ഇവരെ ഒന്നും കണ്ടിട്ടല്ലല്ലോ ഞാന്‍ , മനസ്സിലായില്ലേ നമ്മുടെ ഇവാന്ജലിന്‍ വേഷത്തിലും രൂപത്തിലും ഭാവത്തിലും ഒട്ടും കൂസലില്ലാത്ത ഒരു ബ്ലോഗി . നന്നായി ഏഴുതും.. ശെരിക്കും പറഞ്ഞാല്‍ ഈ പോളിസി തന്നെ യാണ് നല്ലത് അല്ലേ .ഓ ഞാന്‍ കരുതി അവളെ തേയ്ക്കാന്‍ ആര്‍ക്കും പറ്റില്ലാന്നു .നല്ല കഥ തന്നെ അതും നമ്മുടെ ക്ലാസ്സില്‍ ..അതിനു വേണ്ടി മാത്രം ബിരുദം എടുത്തു നില്‍ക്കുമ്പോഴാ....
     ഹ ഹ എന്തായിത് . നീ എന്താ ഇങ്ങനെ ?എന്നെ നോക്കു എന്തെല്ലാം പ്രശ്നങ്ങളാ .എന്നിട്ട് ഞാന്‍ അതിനെയൊക്കെ നോക്കാറ് പോലുമില്ല . നീ എന്താ കൊച്ചു കുട്ടികളെ പോലെ .നിനക്കു കേള്‍ക്കണോ ....? ആരാണന്നു മനസ്സിലായില്ലേ നമ്മുടെ ഇബ്നുമോന്‍ . പേരിനൊപ്പം നാല് വാല് ഉണ്ടങ്കിലും ...എന്ത് പറയാനാ ഈ പാവത്താനെ .. ഒടുക്കത്തെ വായനയാണ് കേട്ടോ അതറിയണമെങ്കില്‍ കുറച്ചു സമയം ഒന്നു സീരിയസ്സായി സംസാരിച്ചാല്‍ മതി .......ഹോ , എന്തൊരു ആകാംഷ അളിയാ ഇനി എന്നെ പറ്റി എന്താ എന്നു ഒന്നു നോക്കട്ടെ ... അതെ അങ്ങനിപ്പോള്‍ സുഖിക്കണ്ട ബാക്കി പിന്നെ .........

തുടരും

"അടയാളം"

2010-07-20T04:30:00.000-07:00

ഒരു അടയാളമല്ലേ ചോദിച്ചുള്ളൂ ഞാന്‍
അതും, ഒന്നു തൊട്ടാല്‍
ആഴത്തില്‍ പതിയുന്ന
എന്‍റെയീ ചുട്ടുപഴുത്ത നെഞ്ചില്‍...........
.................

ഏറ്റവും തീക്ഷണമായി
നിന്‍റെ മുദ്രയൊന്നു പതിപ്പിച്ചുകൂടെ ......
ഒന്നുമോര്‍ക്കാതെ വിരലോടിക്കുമ്പോള്‍
നിന്നെ ഓര്‍ക്കാനെന്നപോലെ...!!!???
(അനാര്‍ക്കിസ്റ്റ്)

"വിശ്വാസം"

2010-07-20T04:08:00.000-07:00

         ഞാന്‍ കവികളെ വിശ്വസിച്ചു,
               ഞാന്‍ കബളിക്കപെട്ടു.
         ഞാന്‍ സംഗീതം ഇഷ്ടപ്പെട്ടു
                എന്‍റെ കേള്‍വി നഷ്ടപെട്ടു
         ഞാന്‍ സൌന്ദര്യ ആരാധകയായിരുന്നു
                 എന്‍റെ കണ്ണുകള്‍ കറുത്തുപോയി
           ഓര്‍മ്മകള്‍ എന്‍റെ ചേതനയില്‍
                  നിലയ്ക്കാത്ത കുത്തിനീറലുകളാകുന്നു
           ഇപ്പോള്‍ ഞാന്‍ എന്‍റെ ശബ്ദവും നഷ്ടപ്പെട്ടതറിയുന്നു
                   ഇനി ഞാന്‍ എന്ത് ചെയ്യുമെന്ന് ആരായിരിക്കും തീരുമാക

"ഞാന്‍"

2010-07-18T01:44:00.000-07:00

"ഞാന്‍ നിന്‍റെ തീവണ്ടി വേഗങ്ങള്‍ക്ക്

അടിയില്‍പ്പെട്ടു, അലിഞ്ഞില്ലാതായൊരു
കിതപ്പ് മാത്രമായിരുന്നു.....
പകല്‍ വണ്ടിയുടെ താളങ്ങളില്‍
നീ ഓടി മറഞ്ഞത് എന്‍റെ
ഹൃദയത്തിലെ അജ്ഞാതമായ
ഏതോ ചുരത്തിലൂടെ ആയിരുന്നു."

(അനാര്‍ക്കിസ്റ്റ്)

ഇനിമുതല്‍ ജൂലൈ 18 നെല്‍സണ്‍ മണ്ടേലയ്ക്കു സ്വന്തം

2010-07-18T01:40:00.000-07:00

ദക്ഷിണാഫ്രിക്കന്‍ സ്വാതന്ത്ര്യ സമര സേനാനി . 27 വര്‍ഷം ജയില്‍ വാസം അനുഭവിക്കുമ്പോഴും തികഞ്ഞ മനുഷ്യസ്നേഹിയായി നിലകൊണ്ട വ്യക്തിത്തം. "സ്വാതന്ത്ര്യത്തിലേക്കുള്ള ദൂരം"നിറം കറുപ്പായതിന്‍റെ പേരില്‍ ഒരു കുഞ്ഞും ദുരിതം അനുഭവിക്കാന്‍ പാടില്ല എന്നു പറഞ്ഞ നെല്‍സണ്‍ മണ്ടേല ഭൂമിയില്‍ വന്നിട്ട് ഇന്ന് 92 വര്‍ഷം തികയുന്നു . ഇനി മുതല്‍ ജൂലൈ 18 അന്താരാഷ്ട്ര മണ്ടേല ദിനം.

"പ്രതീകാത്മകം"

2010-07-17T23:10:00.000-07:00

ചോദ്യങ്ങളുടെ ഒരു സമുദ്ര മായിരുന്നു
നീ എനിക്ക്.......................................
ഞാനാകട്ടെ,ഉത്തരങ്ങള്‍ മാത്രമേ നിന്നോട് പറഞ്ഞിട്ടുള്ളൂ .
ഞാന്‍ ഉത്തരങ്ങളായി നിവര്‍ന്നു നില്‍ക്കുമ്പോള്‍
എന്‍റെ ചോദ്യങ്ങളില്‍ നിന്‍റെ സമുദ്രത്തിനെ ആഴം
കൂടുന്നത് ഞാന്‍ അറിയുന്നു............................
(അനാര്‍ക്കിസ്റ്റ്)

"അവള്‍ പറഞ്ഞത്................"

2010-07-17T22:48:00.000-07:00

ഒരു മഴയുള്ള സായന്തനത്തില്‍ വെറുതെ തോന്നിയ ഒരു കൌതുകം. ഓര്‍കൂട്ടും, ഫെയിസ് ബുക്കും, ബ്ലോഗും മാറി മാറി കളിച്ചു കൊണ്ടിരിക്കവേ ഒരു അജ്ഞാത ചങ്ങാതിയുടെ വരികള്‍ മഴത്തുള്ളികളായി പതിച്ചു. ആദ്യം പകച്ചു നിന്നങ്കിലും ഭയപ്പെടലിന്‍റെ താളങ്ങളോടെ പതുക്കെ പറഞ്ഞു മഴയെ എനിക്കിഷ്ട്ടമായി......

മൗനമായി സന്ദേശങ്ങള്‍ കൈമാറുമ്പോള്‍ ബ്ലോഗിലെ മറുപടിയില്‍ ഒതുങ്ങുംപോഴും എപ്പോളോ വചാലരാവാന്‍ കൊതിച്ചിട്ടവാം ഒരിക്കല്‍ ചോദിച്ചു...നിന്‍റെ ശബ്ദം മധുരമാണോ...? , എനിക്കറിയില്ലല്ലോ.

നിന്‍റെ മുഖം സുന്ദരമാണോ.....? അതും എനിക്കറിയില്ലല്ലോ . അവള്‍ ധര്‍മ്മ സങ്കടത്തിലായോ ... ഒരിക്കല്‍ മാത്രം ഒന്നു നിന്‍റെ ശബ്ദം കേട്ടിരുന്നെങ്കില്‍ എന്നായി . ഏയ്‌, എന്‍റെ അച്ഛന്‍ അടിക്കും , ഞാന്‍ നല്ലകുട്ടിയാണ് . ഇല്ല, നിലാവ് വസന്തത്തെ കൂട്ട് കൂടിയാല്‍ ഭൂമി എന്താ ചെയ്യുക. ആനന്ദിക്കും അത്രതന്നെ. നീ എന്‍റെ നല്ല ചങ്ങാതിയാണ് അപൂര്‍വങ്ങളില്‍ ഒന്നു. ഒരു നേര്‍ത്ത തണുപ്പ് എന്‍റെ മാറിലേക്ക്‌ വീശി.... പ്രഭാതത്തിലെ സൂര്യന്‍റെ കുഞ്ഞു രശ്മികള്‍ തണുപ്പിന്‍റെ മാറാല വകഞ്ഞു മാറ്റി നെഞ്ചില്‍ കുത്തിയപ്പോള്‍ അല്പം ആശ്വാസം. ഗസല്‍ പോലെ മധുരമാണ് നിന്‍റെ ശബ്ദം. മഴ പോലെ കുളിരാണ് നിന്‍റെ വരികള്‍.....

നിന്‍റെ തംബുരു മീട്ടുമ്പോള്‍ അല്ലാതെ എനിക്ക് ഉറങ്ങാന്‍ കഴിയുന്നില്ല. എന്തിനാ നീ ഇത്ര അകലത്തു നില്‍കുന്നെ, ഒന്നു വന്നൂടെ.... ഒരിക്കല്‍ മാത്രം മതി. ഇല്ല എനിക്ക് വരാന്‍ പറ്റില്ല.. എന്‍റെ അച്ഛന്‍ മരിച്ച കാര്യം ഞാന്‍ നിന്നോടെ പറഞ്ഞതല്ലേ... എന്നിട്ടും എന്താ നീ ഇങ്ങനെ എന്നെ മനസ്സിലാക്കാതെ.... ഈ സ്നേഹം ഇങ്ങനെ പോട്ടെ. നിന്‍റെ സ്നേഹം, ആത്മാര്‍ഥത എത്ര വരെ പോകും എന്നു നോക്കട്ടെ.... ഒടുവില്‍ ഞാന്‍ തന്നെ പറയാം.

പിന്നെ നിനക്കു കേള്‍ക്കണോ. ഞാന്‍ തികച്ചും ഒരു വൃത്തി ശൂന്യനാണ് കേട്ടോ, അലസന്‍, 5 അടി പോലും ഉയരം ഇല്ലാത്ത, കുളിക്കാത്ത, പല്ലുതെക്കാത്ത എന്‍റെതായ വഴികളിലൂടെ മാത്രം സഞ്ചരിക്കുന്ന ഒരു വൃത്തി കേട്ടവന്‍. എന്തേ കാണണോ നിനക്കെന്നെ... എങ്കില്‍ കണ്ണടച്ച് ധ്യാനിചോളൂ ... എത്ര മധുരമാണ് നിന്‍റെ ഓടക്കുഴല്‍ നാദം .....

എനിക്ക് ഭ്രാന്തു പിടിക്കുന്നു. നിന്നെ എനിക്ക് കണ്ടേ പറ്റൂ . വരുമോ... കുളിക്കാതെ, പല്ലുതേക്കാതെ വൃത്തി കെട്ടവനായി, അലസനായി തന്നെ.

അല്ലെങ്കില്‍ എന്തൊക്കെയ സംഭവിക്കുക എന്നറിയുമോ? വേണ്ട ഇന്ന് തന്നെ ഞാന്‍ വരാം. കൂരിരുട്ടാണ്, നേരം വെളുക്കാന്‍ ഇനിയും എത്ര നാഴികകള്‍.... എന്തൊരു മഴയാണിത്..... കാത്തിരുന്നു പെയ്ത മഴ... ഈ മഴയ്ക്ക് തണുപ്പില്ല. കുളിരില്ല. ദയനീയത നിഴലിക്കുന്ന ചൂടായിരുന്നു. .. എന്തേ ഇങ്ങനെ. തീവണ്ടിയുടെ ചൂളം വിളികള്‍ കാതോടടുക്കുംപോള്‍ ആകാംഷ നഷ്ടപെട്ടുവോ? ആദ്യമായി കാണാന്‍ പോകുന്ന വികാര വിചാരമൊന്നും എന്തേ തോന്നിയില്ല. എനിക്കറിയാം . ഞാന്‍ കണ്ടതാണ് പലതവണ. ചൂടുള്ള ഷേക്ക്‌ ഹാന്‍ഡും , നിറയുന്ന കണ്ണുകളും, തിമര്‍ക്കുന്ന ബഹളങ്ങളും ഇല്ലാത്ത കൂടികാഴച്ചയില്‍.. ഒരു ചെറിയ സംശയം ചോദിച്ചോട്ടെ? നിനക്കെന്നോടെ പ്രണയം ആണോ? ഏയ്‌ എന്‍റെ അച്ഛന്‍ അടിക്കും. ഇല്ല പ്രണയം ഇല്ല. പിന്നെ നീ എന്‍റെ ചങ്ങാതിയോ? അല്ല അതിനുമപ്പുറം ഏതോ ആണ്. എനിക്കറിയില്ല. ഈ മഴയത് എന്നോടിങ്ങനെ ചോദിച്ചാല്‍ എനിക്ക് ഭ്രാന്താവും, ഞാന്‍ പോകുന്നു.

           പക്വത ഇല്ലാത്ത ചിന്തകളും ആവേശങ്ങളും എന്ത് ചെയ്യണം എന്നറിയാതെ ഉഴലുംപോള്‍ വീണ്ടും തീവണ്ടിയുടെ ചൂളം വിളികള്‍....... കുസൃതി കാട്ടി ഓടി അകലുമ്പോള്‍ തമാശയായി കണ്ടിരുന്നുവോ? പോകാന്‍ പറ്റുമോ അവള്‍ക്കെന്നെ വിട്ട്....    ഏയ്‌ ഒരിക്കലും ഇല്ല. എല്ലാം ചിലന്തി വലകലിലൂടെ കാണും പോലെ അവ്യെക്തം.   ഈ മഴയെ ഞാന്‍ ശപിക്കും. എനിക്ക് വേണ്ട, ഇഷ്ടമല്ല ഈ മഴയെ. നശിച്ച മഴ ഒന്നും കാണാന്‍കഴിയുന്നില്ല. എന്‍റെതംബുരുവിലെ കമ്പികള്‍ പൊട്ടാന്‍ കണ്ടസമയം, ഒടകുഴളിലാകെ വെള്ളം കയറി. എന്താ ചെയ്ക. ഭ്രാന്താണ്..... മുഴു ഭ്രാന്താണ്...   എനിക്കാരുമില്ല അവളെന്നെ പറ്റിച്ചു.   ഞാന്‍ .......   ഞാന്‍ ...
     "നിന്‍റെ തീവണ്ടി വേഗങ്ങള്‍ക്ക്

      അടിയില്‍പ്പെട്ടു, അലിഞ്ഞില്ലാതായൊരു
      കിതപ്പ് മാത്രമായിരുന്നു.....
      പകല്‍ വണ്ടിയുടെ താളങ്ങളില്‍
      നീ ഓടി മറഞ്ഞത് എന്‍റെ
      ഹൃദയത്തിലെ അജ്ഞാതമായ
      ഏതോ ചുരത്തിലൂടെ ആയിരുന്നു....................."
നീ എന്താ ആലോചിക്കണേ? അല്ല നീ കരയുകയാണോ..? എന്ത് പറ്റി നിനക്കു? ഞാന്‍ .... ഞാന്‍... ഓര്‍കുകയായിരിന്നു അവള്‍ പറഞ്ഞത്................

"എന്‍റെ മാധ്യമ പഠനം"

2010-07-17T10:59:00.000-07:00

(ഭാഗം മൂന്ന്)

" എങ്ങനെയുണ്ട് കുട്ടികളെ ക്ലാസോക്കെ......? എല്ലാവര്‍ക്കും ഏതെങ്കിലും വിഷയത്തില്‍ ബുദ്ധിമുട്ട് വല്ലതും ഉണ്ടോ....?" ക്ലാസ്സിന്റെ അന്തരീക്ഷം, അറിയാന്‍ സാജന്‍ സാറിന്റെ ഇടയ്ക്കിടെ ഉള്ള ആഗമനം. എന്നാണ്‌ സാറിന്റെ ക്ലാസ്സ്‌? ഉണ്ടാവുമായിരിക്കും. ഓ സാര്‍ ചോദിച്ചല്ലോ ഏതെങ്കിലും വിഷയത്തില്‍ ബുദ്ധിമുട്ട് വല്ലതും ഉണ്ടോ എന്നു. അങ്ങനെ ചോദിച്ചാല്‍ എന്ത് പറയാന്‍. കൂട്ടത്തില്‍ പാട് ന്യൂ മീഡിയ ആണ് എന്നു തോന്നി.

തിങ്കളാഴ്ച ആയാല്‍ N P സാര്‍. ഉഷാറാണ് രാവിലെ. എന്‍റെ കാര്യമാണേ... സാറ് വലിയ തമാശക്കാരനോന്നുമല്ല. മൊത്തത്തില്‍ പറഞ്ഞാല്‍ രാവിലെ അക്ഷരങ്ങളുടെ ഒരു 'അഴിച്ചു പണി' എന്നു വേണേല്‍ പറയാം. ഇനി 11.30 ആയാലാണ്‌ രസം ന്യൂ മീടിയായുമായി അനില്‍ സാറിന്റെ വരവ്. പിന്നെ കുറെ പേര്‍ക്ക് വെള്ളത്തിനടിയില്‍ നീന്തി കളിക്കാനാണ് ഇഷ്ടം. പെട്ടന്ന് നോക്കിയാല്‍ കാണാത്ത ഒരു കുളവും അവിടെ ഉണ്ടല്ലോ. (ചായക്കട)

അനില്‍ സാര്‍ ഒരു പാവം ആണോ? അതോ ഇതൊന്നും ശ്രദ്ധിക്കാത്തതാവാം... വേണമെങ്കില്‍ പഠിച്ചാല്‍ മതി.... മുങ്ങി കളിക്കുന്നവര്‍ കളിച്ചോട്ടെ ....... വല്ലപ്പോഴും അനുഭവിക്കുന്ന ആ സര്‍ഗ്ഗവേദനയും , അതിലൂടെ പിറന്നുവീഴുന്ന കുഞ്ഞു , കുഞ്ഞു സൃഷ്ടികളും ബ്ലോഗ്‌ എന്ന സംഭവത്തിലൂടെ മറ്റുള്ളവര്‍ കാണാനും, അഭിപ്രായങ്ങള്‍ അറിയിക്കാനും തുടങ്ങിയപ്പോളുള്ള ആ സന്തോഷം എങ്ങനെയാ അതൊക്കെ പറയുക . എത്രമാറിയിരിക്കുന്നു നമ്മള്‍ ഓരോത്തരും . കൊള്ളാം ആദ്യത്തെ സങ്കടം മാറിക്കിട്ടി.ഇപ്പോള്‍ ന്യു മീഡിയ പാടല്ല രസമായി ... അങ്ങനെ തിങ്കള്‍ ആഴ്ച്ച കഴിഞ്ഞു.

ഇന്ന് ഇനി P K സാറാണ്. ക്ലാസ്സില്‍ ഓരോരുത്തരുടെയും 'മാനറിസം' അപ്പാടെ മാറ്റും സാര്‍. ഓ അത് പറഞ്ഞപ്പോള്‍ ആണ് ഓര്‍ത്തത്‌. "ഈ നൂറു രൂപ നോട്ടില്‍ ആരുടെ തലയാണ് കുട്ടികളെ?" നമ്മുടെ മഹാത്മാ ഗാന്ധി അല്ലെ ഇത്. " ഓ നിങ്ങള്ക്ക് അറിയാം അല്ലേ.......... 'എങ്ങനെ സാധിക്കുന്നു നിങ്ങളെ കൊണ്ടു ഇതൊക്കെ?' സമ്മതിക്കണം.........." . എന്നെ സംബന്ധിച്ചു സത്യം പറഞ്ഞാല്‍ സാറിന്റെ കളിആക്കല്‍ ആദ്യമൊക്കെ ഒരു പേടി ആയിരുന്നു. അടുത്തത്‌ എന്നെ ആയിരിക്കും എന്ന കരുതല്‍.

ബുധനാഴ്ച ആയാലോ എന്താണന്നറിയില്ല കുറച്ചു ഉത്തരവാദിത്വം കൂടുതലാണ് ഇന്ന് എന്നു തോന്നിപ്പോകും .മറ്റൊന്നുമല്ല ജോസ്കറിയ സാറിന്‍റെ ക്ലാസ്സില്‍ ഇരിക്കണമെങ്കില്‍ പത്രം വായിക്കാതെ നിവര്‍ത്തിയില്ല. അതിനിടയില്‍ ഓരോരുത്തരുടെയും പ്രത്യേക വിഷയത്തിനു മേലുള്ള സംവാദവും. അതിനൊരു വിഷയം ഇല്ലാതെ ചെന്നാല്‍ കുറച്ചിലല്ലേ. പിന്നെ ഗൌരി ദാസന്‍ സാര്‍, സാറിന്‍റെ കാര്യം പറഞ്ഞാല്‍ നിരീക്ഷണത്തിന്റെ കാര്യത്തില്‍ സാര്‍ കഴിഞ്ഞേ ഉള്ളു. സാറിന്‍റെ വാക്കുകളില്‍ അരിച്ചു മാറ്റാനോ അളന്നു വയ്ക്കാനോ ഒന്നും ഇല്ല. എല്ലാം വേണ്ടത് മാത്രം.

ഓ ഇന്ന് അലാറം നേരത്തെ അടിച്ചു. രാവിലെ 6.15 നു ഇറങ്ങിയാല്‍ പോര. ഇന്ന് നമ്മുടെ എസ്‌. ബിജു സാറിന്‍റെ ക്ലാസ്സാണ്. സാറിന്‍റെ തീരുമാനത്തില്‍ മാറ്റം ഇല്ലല്ലോ. കൃത്യം 9 മണിക്ക് ക്ലാസ്സില്‍ വരണം. കഴിയാത്തവര്‍ വരണ്ട. സാറിന് അതെ പറ്റൂ. കരുനാഗപ്പള്ളി അല്ല ഗോകര്‍ണം ആയാലും നമ്മുടെ സാറിന് നോ പ്രോബ്ലം. ഇന്ന് പിന്നെ മലബാറിനെ അശ്രയിച്ച്ചിട്ടു കാര്യം ഇല്ല. വ്യാഴാഴ്ച രാവിലെ SRM , KPN , KALLADA ഒരു ശീലമാക്കി കൃത്യത പാലിച്ചു. എനിക്ക് പഠിച്ചെ പറ്റൂ. ഞാന്‍ അതിനു എന്ത് ത്യാഗവും ചെയ്യാന്‍ തയാറുമാണ് എന്നു ഇടക്ക് ഞാന്‍ ഓര്‍മിച്ചു. ഒരു നല്ല ജേര്‍ണലിസ്റ്റ് ആവണം എന്ന അതിയായ മോഹം, പലതും മറക്കുക തന്നെ ചെയ്തിട്ടാണ് എന്‍റെ ഓരോ ദിവസവും ക്ലാസിലെക്കുള്ള വരവ്.

പ്രതീക്ഷിക്കാത്ത ഒരു വിഷയം ആയിരുന്നു സത്യം പറഞ്ഞാല്‍ ക്യാമറ. തെരുവിയം സാറിന്‍റെ ക്യാമറ ക്ലാസ് ആദ്യം ഒക്കെ ചമ്മല്‍ എന്നു വേണേല്‍ പറയാം. എങ്ങനെയാ ശരിയാവുമോ ആവോ? എന്ന ഉള്‍ ഭയം. പക്ഷേ സാര്‍ കൊള്ളാം. അതൊക്കെ പൊളിച്ചടുക്കി തന്നില്ലേ. അധ്യാപകരുടെ പട്ടികയില്‍ നിന്നും ചങ്ങാതിയോടുള്ള ഇടപഴകലിലൂടെ സാര്‍ ക്യാമറ പരിശീലിപ്പിക്കുംപോള്‍ എങ്ങിനെയും ക്യാമറ പഠിക്കണം എന്ന ആഗ്രഹം വര്‍ധിച്ചു. ഓരോ ക്ലാസ്സ്‌ കഴിയുമ്പോഴും തരുന്ന അസൈന്‍മെന്റുകള്‍ കൂടെ കൂടെ ക്യാമറയിലുള്ള ആത്മ വിശ്വാസം കൂട്ടി.

ആദ്യമായി ആഗസ്റ്റ്‌ മൂന്നാം തീയതി ക്ലാസ്സില്‍ വന്ന ഞാനാണോ ഇന്ന്. ഇത്രയും ക്ലാസ്സുകള്‍ കഴിഞ്ഞപ്പോള്‍ തന്നെ ഒരുപാട് മാറി. ചില ബോറന്‍ ചിട്ടകളും, രീതികളും വഴിമാറി, അടുക്കി പെറുക്കിയ സമയങ്ങള്‍ മാത്രമായി ചുരുങ്ങി.

ആഴ്ചയില്‍ എല്ലാ ദിവസവും പ്രധാനം തന്നെ എങ്കിലും, ഇന്ന് സുപ്രധാനം എന്നു തന്നെ എന്നാണ് പറയേണ്ടത്. ഇന്നലെ വരെയുള്ള ക്ലാസ്സിന്റെ സ്റ്റൈല്‍ അല്ലല്ലോ ഇന്ന്. എല്ലാവരും മര്യാദ കുട്ടികള്‍. ശ്വാസം വിടില്ല, എന്തൊരു ശ്രദ്ധയാണ് . മോട്ടുസൂജി താഴെ വീണാല്‍ കേള്‍ക്കാം. ഓരോരുത്തരുടെയും കൃത്യ നിഷ്ടയോ പറയണ്ട. വെള്ളം പിടിച്ചെടുക്കാന്‍ കാത്തിരിക്കുന്ന ഉണങ്ങിയ സ്പോഞ്ച്‌ പോലെയാണ് മിക്കവരും. ഒന്നിനോടും ആരോടും ഉപമിക്കാന്‍ ഈ ക്ലാസിനു കഴിയില്ല. ഏറ്റവും, ... ഏറ്റവും മികച്ച ക്ലാസ്സ്‌ NRS ബാബു സാറിന്റെ തന്നെ. ഈ പ്രപഞ്ചത്തില്‍ എന്താണ് സാറിന് അറിയാത്തത്. മിതമായ ഭാഷയിലൂടെ, ശാന്തമായ ശൈലിയിലൂടെ തഴുകി തലോടുന്ന രണ്ടു മണിക്കൂര്‍. വളരെ ശ്രദ്ധാ പൂര്‍വ്വം.......... സാറിന്‍റെ ക്ലാസ്സ്‌ കഴിഞ്ഞാലോ നല്ലൊരു പ്രയത്നം തന്നെ വീട്ടില്‍ ചെന്ന് നടത്തണം. എങ്കിലേ സാറിന്‍റെ അസ്സൈന്മെന്റുകള്‍ നന്നാക്കാന്‍ പറ്റൂ. ഒരുപാട് തിരച്ചില്‍ വേണ്ടി വരും സാറിന് ഉത്തരം നല്‍കാന്‍. നമ്മുടെ കുറവുകള്‍ നമ്മള്‍ തിരിച്ചറിയുന്നതും ഇവിടെ യാണ്. എത്ര നിമിഷങ്ങള്‍ വെറുതെ കളഞ്ഞു പോയി എന്നു പിറകോട്ടു ചിന്തിക്കുന്നതും.... ഒരുപാട് നല്ല വ്യക്തികളില്‍ നിന്നും ബാബു സാറിനെ പറ്റി ഒരുപാട് കേട്ടിട്ടുണ്ട്. പക്ഷേ ഒരു കാന്തിക പ്രഭാവം ഈ വലിയ മനുഷ്യനില്‍ നിന്നും പകര്‍ന്നു തരുമ്പോള്‍ LKG മുതല്‍ ബാബു സാര്‍ പഠിപ്പിച്ചിരുന്നെങ്കില്‍ ഞാനിപ്പോള്‍ എവിടെ എത്തിയേനെ.

വീഡിയോ പ്രൊഡക്ഷന്‍ ഒരു പ്രധാന വിഷയം തന്നെ എന്നു കൂടെ കൂടെ ഓര്‍മിക്കുന്ന ക്ലാസ്സ്‌ നമ്മുടെ ബൈജു ചന്ദ്രന്‍ സാറിന്‍റെ അല്ലേ എന്നു ചോദിച്ചാല്‍ തന്നെ തന്നെ എന്നു ഉത്തരം. എന്താണ് വീഡിയോ പ്രൊഡക്ഷന്‍? വീഡിയോ പ്രോടക്ഷനും അപ്പുറം ഒരു ജീവിതം തന്നെ സാറ് ക്ലാസ്സെടുക്കും. "നിങ്ങള്‍ക്ക് ഇപ്പോഴും അബോധാവസ്ഥയാണല്ലോ, ഈ ഭൂമിയില്‍ എന്ത് നടന്നാലും നിങ്ങള്‍ അറിയില്ലല്ലോ. പാവം കുട്ടികള്‍ എന്ന സാറിന്‍റെ കൂടെ കൂടെ ഉള്ള പുകഴ്ത്തല്‍......... ഓരോ ക്ലാസ് കഴിയുമ്പോഴും സാറിനായി 5 കിലോ കര്‍പ്പൂരം മാറ്റിവയ്ക്കണം എന്ന അരുണ്‍ ലാലിന്റെ കമന്റും, ശരിക്കും രസം എങ്കിലും ഒരുപാട് കാര്യങ്ങള്‍ പഠിച്ചു. ഒരുപാട്.വ്യത്യസ്തരായ അധ്യാപകരുടെ വ്യത്യസ്തമായ

ക്ലാസുകള്‍ ഒരു പകുതി കഴിയുമ്പോള്‍ പുതിയ അധ്യാപകരുടെ ആഗമനവും, ചങ്ങാതിമാരുടെ വിശേഷങ്ങളും പറഞ്ഞാല്‍ തീരാതെ തുടരുന്നു.......

(തുടരും)

"ഒരുപാട് സ്വപ്നങ്ങളുമായി ചിറകടിച്ചുയര്‍ന്നപ്പോള്‍!"

2010-07-17T10:34:00.000-07:00

ഹൃദയം നിറയെ സ്നേഹവും കൈകുമ്പില്‍ നിറയെ മധുരവുമായി ഉടയവരെ മാറോടു ചേര്‍ക്കാനായി പറന്നപ്പോള്‍ ഇത് കൈയെത്തും ദൂരത്തു അവസാനിച്ചുവോ.................

"എന്‍റെ മാധ്യമ പഠനം"

2010-07-11T10:10:00.000-07:00

സ്മിത എസ്‌ ദേവി                                        (ഭാഗം2)

      വ്യത്യസ്തരായ അധ്യാപകര്‍ കൂടെ കൂടെ ലകഷ്യ ബോധത്തെ ഉണര്‍ത്തി. ആരുടെ ക്ലാസ്സാണ് മോശം എന്നു ചോദിച്ചാല്‍ ഉത്തരമില്ല. ഐ.ജെ.ടി എന്ന ഈ വലിയ വൃക്ഷത്തില്‍ നിറയെ തേന്‍ കിനിഞ്ഞ പൂക്കള്‍ ആണന്നു എനിക്ക് തോന്നിയത് അപ്പോഴാണ്‌.വിവിധ വര്‍ണ ചിറകുകളുമായി എവിടെനിന്നോക്കെയാണ് തേന്‍ ശേഖരിക്കാന്‍ ചങ്ങാതി തേനീച്ചകള്‍ പറന്നെത്തിയിരിക്കുന്നത്............അങ്ങ് മലബാര്‍ മുതല്‍ ഇങ്ങു തെക്കന്‍ തിരുവിതാംകൂര്‍ വരെ... എല്ലാവരും വ്യത്യസ്തര്‍ തന്നെ . രസമുണ്ട് ക്ലാസ്സില്‍. എത്ര ശൈലികള്‍, അഭിരുചികള്‍ ,എല്ലാം അനുഭവിക്കുക എന്നുവച്ചാല്‍ ചെറിയ കാര്യമാ.......? പലതരം കഴിവുകളിലും, ഒരുപടി മുന്നിലാണ് ഓരോരുത്തരും. പ്രായത്തിന്റെ കാര്യമെടുത്താലോ അതും പലതട്ടില്‍. ആദ്യം എല്ലാം നിശബ്ദമായി കൌതുകത്തോടെ നോക്കി. ഉള്ളില്‍ പലപ്പോഴും ചോദിച്ചു, എങ്ങനെ ഇടപഴകണം ഇവരോടെല്ലാം. അടുത്തെങ്കിലും തൊടാന്‍ ശ്രമിച്ചില്ല എന്നു പറയുന്നതാവും ശെരി.
      ആദ്യത്തെ ആഴ്ചകള്‍ പിന്നിട്ടപ്പോള്‍ ക്ലാസ്സിന്റെ ചിട്ടകള്‍ കര്‍ശനമാക്കി. കൃത്യം രാവിലെ 9. 30 നു തന്നെ ക്ലാസ്. വ്യാഴാഴ്ചയുടെ കാര്യത്തില്‍ മാത്രമേ മാറ്റമുള്ളൂ. അത് അല്പം കൂടി നേരത്തെ 9 മണിക്ക്. പക്ഷേ എന്‍റെ ചങ്ങാതി കൂട്ടര്‍ക്ക് അതൊരു ബുധിമുട്ടല്ലല്ലോ. ഭൂരി ഭാഗവും തിരുവിതാംകൂറിന്റെ പലഭാഗങ്ങളില്‍ ഉള്ളവര്‍. പിന്നെ ദൂരത്തു നിന്ന് പറന്നു വന്നവരോ ഓരോ സദനത്തെ ആശ്രയിക്കുന്നവര്‍. ദിവസേന ദീര്‍ഘ ദൂരം പറന്നെത്തുന്ന രണ്ടു പേര്‍ ഞങ്ങളായി, ഞാനും ഇവാന്‍ജലിനും.
       ഓരോ ദിവസവും കൃത്യനിഷ്ഠ കൈ വെടിയാതെ നോക്കാന്‍ ശ്രദ്ധിക്കും. ചിലപ്പോള്‍ മാത്രം ട്രെയിന്‍ ചതിക്കും. ഓ....... അത് പറയാന്‍ ഞാനങ്ങു മറന്നു. എന്‍റെ യാത്രയെ പറ്റി പറഞ്ഞില്ല അല്ലെ. അത് ചെറിയ ഒരു സാഹസം എന്നു വേണേല്‍ പറയാം കേട്ടോ. വീട്ടില്‍ നിന്നും പ്രസ്സ്‌ ക്ലബ്ബില്‍ എത്താന്‍ 2.30 മുതല്‍ 3 മണിക്കൂര്‍ വരെ ട്രെയിന്‍ യാത്ര. ദിവസം 6 മണിക്കൂര്‍ എനിക്ക് ട്രെയിന്‍ യാത്രയില്‍ നഷ്ടം . നഷ്ടംഎന്നു പറയാന്‍ പറ്റില്ല. പല പുതിയ കാര്യങ്ങള്‍ വായിക്കാനും നല്ല വ്യക്തി ബന്ധങ്ങള്‍ ഉണ്ടാക്കാനും ആ സമയം ചിലവഴിക്കാന്‍ ശ്രമിക്കും. എന്നും ക്ലാസ് കഴിഞ്ഞു ട്രെയിന്‍ സമയം കണക്കാക്കി വീട്ടില്‍ എത്തുമ്പോള്‍ സമയം രാത്രി 7 മണി. പിന്നെ അസൈന്‍മെന്റു കള്‍ കാണുമല്ലോ . അത് കഴിഞ്ഞു ഉറക്കമാകുമ്പോള്‍ രാത്രി 1 മണി മിക്കവാറും. വീണ്ടും പുലര്‍ച്ചെ 4 മണിക്ക് ഉണര്‍ന്നാല്‍ മാത്രമേ കൃത്യ സമയം പാലിക്കാന്‍ 6.15 ന്‍റെ മലബാര്‍ എക്സ്പ്രസ് കിട്ടുകയുള്ളൂ.
       "നിനക്കു ഹോസ്റ്റ്ലില്‍ താമസിച്ചുകൂടെ. എന്തിനാണിങ്ങനെ പാട് പെടുന്നത്.?" നിങ്ങള്ക്ക് അറിയാമല്ലോ എന്‍റെ വ്യക്തി പരമായ കാര്യങ്ങള്‍ കുറെയൊക്കെ . ഇനി അതിലേക്കു കാട് കയറണോ ? വേണ്ട.
എന്തൊരു കത്തിയാണിത്. ക്ലാസ്സില്‍ വിശേഷം ഒന്നും ഇല്ലേ.. ? ഉണ്ടല്ലോ... അതല്ലേ പറയാനുള്ളത്...... എന്ത് രസമാണ് നമ്മുടെ ക്ലാസ്സ്. എല്ലാവരും പാവങ്ങള്‍ ആണ്. എല്ലാവരും!... പക്ഷേ ഒരു കുഴപ്പമേയുള്ളൂ "വിശ്വാസം അതല്ലേ എല്ലാം" എന്ന പരസ്യ വാചകം ഇവിടെ കടമെടുക്കാന്‍ പറ്റില്ല. ഓ അപ്പോഴേക്കും നിങ്ങള്‍ പിണങ്ങിയോ.? വേണ്ടന്നെ നമ്മളെന്തിനു മറ്റുള്ളവരെ വിശ്വസിക്കണം നമ്മളാരും കല്യാണ്‍ ജൂവലേഴ്സ്സിന്റെ മക്കളല്ല. ഇവിടെ എത്തിയതും അതിനല്ല. പിന്നെയോ.....
       "മോഹങ്ങളും, സ്വപ്നങ്ങളും പെറ്റു പെരുകുമ്പോള്‍ അലസതയെ മണ്ണിട്ട്‌ മൂടി ഓരോ ദിവസവും ചുറുചുറുക്കോടെ മുന്നോട്ടു പോകാന്‍", വരും വര്‍ഷങ്ങളിലെ പുത്തെന്‍ മാധ്യമ ലോകത്തെ പുതിയ ആശയങ്ങളാണ് നമ്മളൊക്കെ ..... ദൈവമേ കൊതിയാവുന്നു എത്ര എത്ര മാതൃകകളാണ് മനസ്സില്‍ നിറയെ ...............
(തുടരും)

2010-07-08T06:33:00.000-07:00

ജൂലൈ 8 നും ഒരു അനുസ്മരണ സമ്മേളനം. പെരുമണ്‍ വാസികള്‍ക്ക് ഒരു ഓര്‍മ്മപ്പെടുത്തല്‍ ആ ദുരന്തം ഇന്നലത്തെ പോലെ....അങ്ങനെ പെരുമണ്‍ ദുരന്തത്തിനു 22 വയസ്സായി .പക്ഷേ ഇപ്പോളും മരിച്ച 105 പേരില്‍ 17 പേരുടെ ആശ്രിതര്‍ക്ക് ഒരു ചില്ലിക്കാശു പോലും നല്‍കാന്‍ ഇന്ത്യന്‍ റെയില്‍വേ ഓര്‍ത്തില്ല .1988 ജൂലൈ 8 ബംഗലൂരില്‍ നിന്നും കന്യാകുമാരി യിലേക്ക് പോകുവായിരുന്ന ഐലന്റ്റ്‌ എക്സ്പ്രസ്സ്‌ അഷ്ടമുടിക്കായലില്‍ മുങ്ങിത്താഴുംപോള്‍ പൊലിഞ്ഞു പോയത് 105 പേരുടെ ജീവന്‍. ഇന്നും പലവര്‍ണ്ണത്തിലുള്ള അരുളി പൂക്കള്‍ എല്ലാ ജൂലൈ 8 നും സ്മൃതി മണ്ഡപത്തില്‍ ചാര്‍ത്തുമ്പോള്‍ വാഗ്ദാനങ്ങള്‍ പുതുക്കും ,പക്ഷേ നാളെ ആയാല്‍ അത് കായലിന്‍റെ ഇളം കാറ്റിലെ ഓളങ്ങളില്‍ തത്തിക്കളിച്ചു ദൂരേയ്ക്ക് പോകും ..വീണ്ടും അടുത്ത ജൂലൈ 8 വരെ...

2010-07-05T03:43:00.000-07:00

സഹിക്കാവുന്നതിലും അപ്പുറം ഈ വേട്ടയാടല്‍ . പാവം പ്രവാചകന്‍ ഇത് അറിയുന്നുവോ? കേരളം എന്തൊരു അപരിഷ്കൃതം.

"തിരുനല്ലൂരിന്‍റെ ഓര്‍മയ്ക്ക്"

2010-07-05T03:36:00.000-07:00

താമരയിലയില്‍ ഇറ്റു വീണ ആകാശ നീലിമയുടെ ഒരു തുള്ളി പോലെ എന്നും ഓര്‍മിക്കാന്‍ പ്രേമം മധുരമാണ്, ധീരമാണ് എന്നു പറഞ്ഞ പ്രിയ കവി. അഷ്ടമുടി കായലിന്‍റെ അരുമ സന്തതിയായി ജീവിച്ച പ്രശസ്ത കവി ശ്രീ തിരുനല്ലൂര്‍ കരുണാകരന്‍ മരിച്ചിട്ട് ഇന്ന് ( 5 .7 .2010 ) നാല് വര്‍ഷം.

മലയാളത്തിലെ ഏറ്റവും മനോഹര കാവ്യങ്ങളില്‍ ഒന്നായ റാണിയും. താഷ്കണ്ട്, ഒരു മഹായാനത്തിന്റെ പര്യവസാനം, മേഘ സന്ദേശത്തിന്റെ മലയാളം പരിഭാഷ, മലയാള ഭാഷയുടെ പരിണാമം, സിദ്ധാന്തങ്ങളും വസ്തുതകളും എന്നു തുടങ്ങി മലയാളത്തിനു എന്നും ഓര്‍മിക്കാന്‍ വയലാര്‍ പുരസ്കാരം ഉള്‍പടെ നിരവധി പുരസ്കാരര്‍ഹാനായ തിരുനല്ലൂര്‍ കരുണാകരന്‍ എന്ന വലിയ കവിയെ മലയാളികള്‍ക്ക് മറക്കാന്‍ കഴിയില്ല.

"കാക്കികള്‍ കൈകോര്‍ത്താല്‍"

2010-07-04T02:43:00.000-07:00

പൊതുനിരത്തിലെ ഓട്ടോയില്‍ വിശ്വാസം ഇല്ലാത്തതിനാലാണോ ജനങ്ങള്‍ പ്രീ പെയിഡ് ഓട്ടോയെ ആശ്രയിക്കുന്നത്?......

സുരക്ഷിതത്വവും, വിശ്വാസവും അടിവരയിട്ടുറപ്പിക്കാന്‍ പാവം ജനങ്ങള്‍ കാക്കിക്കുള്ളിലെ നിയമ പാലകരെ അമിതമായി വിശ്വസിക്കുന്നതിനാലാകാം തമ്പാനൂരിലെ യാത്രക്കാര്‍ പ്രീ പെയിഡ് ഓട്ടോയെ ആശ്രയിക്കുന്നത്. അവിടെയും ചുണ്ണാമ്പ് കലക്കി പശുവിന്‍ പാലാക്കുന്നത് പാവം ജനങ്ങള്‍ അറിയുന്നില്ലല്ലോ, അതോ അറിയാത്തതായി നടിക്കുന്നതാണോ?? ഇന്ദന വില അടിക്കടി വര്‍ധിക്കുമ്പോള്‍ ഓട്ടോക്കാരുടെ സ്വഭാവവും അടിക്കടി മാറുന്നു. പക്ഷേ നിശ്ചിതമായ ബില്‍ അടിച്ചു പോകേണ്ട സ്ഥലത്ത് പോകാന്‍ യാത്രക്കാര്‍ പോലീസിനെ ആശ്രയിക്കുമ്പോള്‍ മുന്‍ കൂടി ചാര്‍ജടിച്ചു സുരക്ഷിതത്വവും, കൃത്യതയും ഉറപ്പിക്കുന്നു. പക്ഷേ ഇവിടെയും ഒരു ഒത്തുകളി ഉള്ളകാര്യം പുറത്തുള്ള ഓട്ടോക്കാര്‍ തന്നെ പറയുന്നു. അനുഭവങ്ങള്‍ ഒന്നു രണ്ടു തവണയായാല്‍ ശ്രദ്ധിക്കാതെ പോട്ടെ എന്നാവാം. എന്നും ആവര്‍ത്തിച്ചാല്‍ പാവം ജനങ്ങള്‍ എന്ത് ചെയ്യും????

"അഭയം തേടുന്നവന്‍"

2010-07-03T09:59:00.000-07:00

നീ ഒരു അഭയാര്‍ഥി
തണുപ്പുള്ള രാത്രികളില്‍
മോക്ഷപ്രപ്തിയുടെ പുതപ്പിന് തപ്പുന്നവന്‍

കാലത്തിന്‍റെ വൃക്ഷ ശിഖരത്തില്‍-

ഇണക്കിളിയെ നഷ്ടപ്പെട്ട ആണ്‍ കിളി

കാലത്തിന്‍റെ കണക്കു പുസ്തകത്തില്‍

ഇടമില്ലാത്തവന്‍....

നിന്‍റെ സംഗീതം കാലത്തിന്‍റെ
വിലാപ ഗീതങ്ങള്‍,
നിന്‍റെ ഭക്ഷണം, സാഗരമാം നഗരത്തിലെ
ഓടയിലെ വല്ലതും
നിന്‍റെ സ്വപ്‌നങ്ങള്‍ ദ്വാരം വീണ
തകര പാത്രത്തിലെ ഒരിറ്റു വെള്ളം
മാത്രമായി പോവുകയാണ്.............

2010-07-02T10:28:00.000-07:00

അങ്ങനെ പുതിയൊരു ആഗസ്റ്റ്‌ മൂന്നാം തീയതി ആയി .വീണ്ടും പുതുമയുടെയും വ്യത്യസ്ഥതയുടെയും 10 മാസങ്ങളെ താലോലിക്കാന്‍ ചുവന്ന കസേരകളും തയ്യാറായി .പുത്തന്‍ ശബ്ദ കോലാഹലങ്ങള്‍ക്കായി നമ്മുടെ ക്ലാസ് ചുമരുകളും ...പാവം ജൂലൈ 2 . വിങ്ങലുകളോടെ ആണോ ആവോ വിടപറഞ്ഞത്‌ .ഓ എന്തിനു ?എന്തൊക്കെ ആയിരുന്നു കാട്ടികൂട്ടിയത് .എല്ലാം എല്ലാവരുടെയും ശരികള്‍ മാത്രം ..എപ്പോഴെങ്കിലും ഓര്‍മിക്കുമോ ഈ ശരികളെ.......? 5 വര്‍ഷങ്ങള്‍ക്കു ശേഷം കാണുമ്പോള്‍ നമ്മളൊക്കെ എന്തായി ,ആരായി ,എങ്ങനെയായി ,എവിടെയായി ...അന്നങ്കിലും നിഷ്കളങ്കമായി ചിരിക്കാന്‍ കഴിഞ്ഞെങ്കില്‍ ദൈവമേ .............
സ്മിത {ej}

"എന്‍റെ മാധ്യമ പഠനം"

2010-06-26T21:38:00.000-07:00

സ്മിത s ദേവി                  അനുഭവങ്ങള്‍ പങ്കുവെക്കാന്‍ ഇഷ്ടമാണ് എല്ലാവര്‍ക്കും. പ്രത്യേകിച്ച് നല്ല അനുഭവങ്ങള്‍ ആണങ്കില്‍ പറയണ്ട. ഈ ഭൂമിയില്‍ എല്ലാം സുഖവും സന്തോഷവും, മാത്രമായിരുന്നെങ്കില്‍ നമ്മളൊക്കെ ബോറടിച്ചു ചത്തു പോയേനെ.... ഒരിക്കല്‍ നമ്മുടെ പീ. കെ. സാര്‍ ക്ലാസ്സില്‍ ചോദിച്ചു സ്മിത എന്തിനാണിങ്ങനെ സങ്കടങ്ങള്‍ എഴുതി പിടിപ്പിക്കുന്നത് എന്നു. സാറ് ചിലപ്പോള്‍ മറന്നേക്കാം, എന്‍റെ ചങ്ങാതിമാരായ നിങ്ങളും ചോദിച്ചു. സാരമില്ല സാരമില്ല വചനങ്ങള്‍ ഒരുപാട് കേട്ട് ഞാന്‍ ആശ്വസിച്ചു. പിന്നെയൊരിക്കലും ഞാന്‍ നിങ്ങളെ ബോറടിപ്പിക്കാന്‍ ശ്രമിച്ചിട്ടില്ല. പഴയതൊന്നും ഓര്‍ക്കാനും............ പക്ഷേ, പരീക്ഷയ്ക്കിനി ദിവസങ്ങളെയുള്ളൂ. അതിനിടയില്‍ ഒരിക്കല്‍ കൂടി ഞാന്‍ നിങ്ങളെ ബോറടിപ്പിച്ചോട്ടെ എന്‍റെ പ്രിയ ചങ്ങാതിമാരെ.....
2010 മെയ്‌ 31 തിങ്കളാഴ്ച രാവിലെ ഞാന്‍ നമ്മുടെ ക്ലാസില്‍ നിന്നും പടികളിറങ്ങി താഴേക്കു വരുമ്പോള്‍ നോട്ടീസ് ബോര്‍ഡിന് അരികില്‍ നിന്ന് രതീഷേട്ടന്‍ പറഞ്ഞു "ആദ്യമായിട്ടാണ് ഇങ്ങനെ ഒരു സംഭവം", ഒന്നും മറുപടി പറയാന്‍ എനിക്കായില്ല. എനിക്ക് സങ്കടവും തോന്നിയില്ല. ഞാന്‍ സമാധാനിച്ചു. എന്‍റെ കുറേ ചങ്ങാതിമാര്‍ സന്തോഷിക്കുകയല്ലേ, അത് മതി. ഇവിടെ ഒറ്റപ്പെട്ട ചോദ്യങ്ങള്‍ വളരെ കുറവാണ്. കാരണം ഞാന്‍ മനസ്സിലാക്കിയത് എല്ലാവര്ക്കും എല്ലാം അറിയാമല്ലോ, പിന്നെ എന്തിനു അലങ്കാരചോദ്യങ്ങള്‍. ഒന്നു രണ്ടു പേര്‍ ഒന്നും അറിയാതെ റെഡിയോയിലൂടെ ആട്ടം കാണുന്ന പാവങ്ങളും നമ്മുടെ ക്ലാസ്സിലുണ്ട്.
                 അതുപോട്ടെ ..... ആദ്യമായി പ്രവേശന പരീക്ഷ എഴുതുവാന്‍ വന്നപ്പോള്‍ പ്രവേശനം കിട്ടുമോ എന്ന ആശങ്ക. ഒപ്പം ജീവിതത്തിലെ ഒരു ലക്ഷ്യത്തിലേക്കുള്ള സ്വപ്നവും. പരീക്ഷ കഴിഞ്ഞു ഇറങ്ങുമ്പോള്‍ ആശങ്ക കുറെ മാറി. അവിടെ പരിചയ പെട്ടവരിലും ഈ ആശങ്ക തന്നെ എന്നു അറിഞ്ഞപ്പോള്‍. പിന്നെ പ്രതീക്ഷയുടെ ദിവസങ്ങള്‍ ആയി................
അങ്ങനെ 2009 ആഗസ്റ്റ്‌ 1 ശനിയാഴ്ച വന്നു. പേടി, ബഹുമാനം, ആദരവ്, ഭക്തി ഇതെല്ലാമായി ഫോര്‍ത്ത് എസ്റ്റെറ്റു ഹാളിന്റെ വാതില്‍ക്കല്‍ എത്തുമ്പോള്‍ ക്രിയാത്മക ചിന്ത മാത്രം മനസ്സില്‍. ഭയത്തോടെ, ബഹുമാനത്തോടെ ചെരുപ്പ് പുറത്തിട്ടു വാതില്‍ തുറന്നു അകത്തു കയറി. "ഗുഡ് ആഫ്ടെര്‍ നൂണ്‍ സാര്‍" എന്നു പറയുമ്പോള്‍ വീണ്ടും ആശങ്ക. തൊട്ടു മുന്‍പേ ഇന്റര്‍വ്യൂ കഴിഞ്ഞു വന്ന മഞ്ജുവിന്റെ വിവരണം ഒരുനിമിഷം ഓര്‍ത്തു. "അകത്തിരിക്കുന്ന സാറന്മാര്‍ ചുറ്റിക്കും, എന്നോട് എന്തൊക്കെ ചോദിച്ചെന്നു അറിയാമോ? ഒറ്റയ്ക്ക് അകത്തു കയറുന്നതാണ് നല്ലത്". ശരി ...
"ഇരിക്ക് കുട്ടി", പിന്നെ എന്തോ ഞാന്‍ ദൈവത്തെ നേരില്‍ കണ്ട സന്തോഷമായിരുന്നു എനിക്ക്. ഇതാണ് N R S ബാബു സാര്‍ ഒപ്പം സാജന്‍ സാറും. ചിട്ടകള്‍ പറഞ്ഞു തന്നു. എല്ലാം കേട്ട് പുറത്തിറങ്ങുമ്പോള്‍ ഉള്ളില്‍ സന്തോഷത്തിന്റെ കണ്ണീര്‍ കണങ്ങള്‍ തിങ്ങി. അവിടെ ആദ്യമായി പരിചയപ്പെട്ട മുഖം എന്‍റെ ദേശക്കാരി ആണന്നു അറിഞ്ഞപ്പോള്‍ വീണ്ടും സന്തോഷം.... മടക്കയാത്രയില്‍ അവളെയും ഒപ്പം കൂട്ടി. നാളെ ഒരു ദിവസം കഴിഞ്ഞാല്‍ പിന്നെ തിങ്കളാഴ്ച ആയി 3-ആം തീയതി. അന്ന് മുതല്‍ ഇതാണ് പുതിയ ലോകം. തുടക്കം നന്നായി. തിങ്കളാഴ്ച ക്ലാസ്സില്‍ വന്നു. ഇത് വെറും ലോകമല്ല. വെത്യസ്ത ലോകം തന്നെ . പിന്നെ അങ്ങോട്ടുള്ള ദിവസങ്ങള്‍ പിന്നിടുമ്പോള്‍ ആഹ്ലാദത്തിനും, ആവേശത്തിനും ശക്തി കൂടി. സ്വപ്നങ്ങള്‍ക്ക് ചിറകുകള്‍ വച്ചു. വെറും ചിറകുകള്‍ അല്ല വര്‍ണച്ചിറകുകള്‍. പുത്തെന്‍ പ്രതീക്ഷകളും, സ്വപ്നങ്ങളും! വീഴാതെ നടക്കാന്‍ ശ്രദ്ധിച്ചു തുടങ്ങി.
              ബാല്യകാലം മുതല്‍ എത്ര സ്കൂളുകള്‍ , കോളേജുകള്‍, അധ്യാപകര്‍, സുഹൃത്തുക്കള്‍.... പക്ഷേ, ഞാനിപ്പോള്‍ എവിടെയാണ്. എന്‍റെ ആനന്ദം വര്‍ധിച്ചു. ഒരുപാട് സങ്കടങ്ങള്‍ക്ക് നടുവില്‍ ശാന്തമായ ആകാശത്തിലേക്ക് നോക്കി, നക്ഷത്രങ്ങളെ നോക്കി,

"വ്യര്‍തമാം ജീവിത നൗകയില്‍ ഏകയായി
മൃത്യുവിന്‍ വിഷ ഗന്ധം ശ്വസിക്കുവാന്‍
മാത്രകള്‍ എണ്ണി കഴിയുന്നു ഞാന്‍ മരണമേ
ഇനിയും എത്താത്തത് എന്ത് നീ ........?"

            എന്നുറക്കെ തേങ്ങിയിട്ടുണ്ട്. എന്തൊരു മണ്ടത്തരങ്ങള്‍ ആയിരുന്നു അതൊക്കെ..... എപ്പോഴോ ക്രിയാത്മകമായി ചിന്തിക്കാന്‍ ദൈവം എന്നെ തോന്നിപ്പിച്ചതിനാലാകാം ഞാനിപ്പോള്‍ എന്‍റെ സ്വപ്ന ലോകത്ത് എത്തപ്പെട്ടത് എന്നോര്‍ത്ത് സന്തോഷിച്ചു.
പുതിയ ഓരോ അധ്യാപകര്‍ വരുമ്പോഴും ക്ലാസ് കഴിയുമ്പോഴും ആത്മ വിശ്വാസം വര്‍ധിച്ചു.
(തുടരും)

"ദി സണ്‍ ബീഹൈന്ട് ദി ക്ലൌട്സ്"

2010-06-26T07:29:00.000-07:00

സ്വയം ഭരണത്തിനും, സ്വാതന്ത്ര്യത്തിനും വേണ്ടി പോരാടുന്ന ടിബറ്റന്‍ ജനതയുടെ ജീവിതവും, ടിബറ്റന്‍ ആത്മീയ നേതാവ് ദലൈലാമയുടെ നിലപാടുകളും ഋതു സരിന്‍ എന്ന സംവിധായകനിലൂടെ "ദി സണ്‍ ബീഹൈന്ട് ദി ക്ലൌട്സ്"- ലൂടെ ആവിഷ്കരിച്ചപ്പോള്‍ സത്യാഗ്രഹ സമരങ്ങളുടെ ഊര്‍ജ്ജവും സന്നദ്ധതയും ഗന്ധിജിയോടെ ചേര്‍ത്ത് വായിക്കാനും, ഗാന്ധിജിയെ ഓര്‍മിക്കാനും സാധിച്ചു.

ഒരു രാജ്യത്തിന്‍റെ ഭരണവും, സ്വാതന്ത്ര്യവും വ്യക്തമായ കാഴ്ചപ്പാടിലൂടെ തന്നെ പ്രദര്‍ശിപ്പിച്ചു. ഈ ഡോകുമെന്‍ടറിയിലെ ദ്രിശ്യങ്ങള്‍ പലതും ഓര്‍ത്തിരിക്കാന്‍ കഴിയുന്നത്‌ തന്നെ. ലോകത്തിലെ ഏറ്റവും ഉയരം കൂടിയ റെയില്‍വേ ടിബറ്റിലൂടെ കടന്നു പോകുമ്പോഴും, ദലൈലാമയുടെ ഔദ്യോഗിക വസതിയായ പോട്ടാല പാലസ്സും നല്ല ദ്രിശ്യവിഷ്കാര്ങ്ങളായി എന്നു തന്നെ പറയാം.

സംവിധാനം, നിര്‍മാണം:- ഋതു സരിന്‍
ക്യാമെറ :- ഗ്രഹാം ഡേ, ജെയ്മി ഗ്രാസ്ടെന്‍, സ്റ്റീവന്‍ മക്ഗ്രാത്ത്

ഒരു മഴുവിന്റെ ദൂരം മാത്രം

2010-06-26T07:24:00.000-07:00

പരിസ്ഥിതി സമരങ്ങളുടെ ദൃശ്യചരിത്രകാരന്‍ എന്നു ഒരിക്കല്‍ കൂടി ഉറക്കെ പറയാന്‍ ഒരു കൂട്ടായ്മയുടെ പിറവിയായി ഒരു മഴുവിന്റെ ദൂരം ദ്രിശ്യങ്ങളായി നമുക്ക് മുന്നില്‍ എത്തിയപ്പോള്‍ 1948 ല്‍സൈലന്റ് വാലി ദേശീയ ഉദ്യാനമായി പ്രഖ്യാപിക്കപെട്ടന്കിലും അതിന്റെ ആവാസ വ്യവസ്ഥയെ ഭീഷനിപ്പെടുത്തികൊണ്ട് പാത്രക്കടവ് പദ്ധതി നടപ്പാക്കാനുള്ള സര്‍കാരിന്റെ ശ്രമവും, അതിനെതിരെ ഉണര്‍നെഴുനേറ്റ പരിസ്ഥിതി പ്രവര്‍ത്തകരും... "സൈലന്‍റ്റ്വാലി" എന്നതിന് പകരം "പാത്ര കടവ്" എന്ന നാമകരണ-ത്തിലൂടെ സര്‍ക്കാര്‍ പദ്ധതിക്ക് സംവിധായകരായ പിബാബുരാജും, സി. ശരത് ചന്ദ്രനും മറുപടി കൊടുത്തത് " ഒരു മഴുവിന്റെ ദൂരം മാത്രം"

സാമൂഹിക പരിസ്ഥിതി പ്രശ്നങ്ങള്‍ക്ക് സഖാക്കള്‍ മുഷ്ടി ചുരുട്ടുമ്പോള്‍ മുഷ്ടി ചുരുട്ടിയ ക്യാമറയുമായി ഈ ചങ്ങാതിമാര്‍ ഇനിയും ഒരുപാട് ദൂരം സഞ്ചരിക്കാന്‍ കഴിഞ്ഞിരുന്നെങ്കില്‍ ഡോകുമെന്‍റ്ററികളുടെ വസന്ത കാലം ഉണ്ടായേനെ.............

സംവിധാനം :- പി ബാബുരാജ്, സി ശരത് ചന്ദ്രന്‍

കനവ്‌

2010-06-26T07:00:00.000-07:00

അകാലത്തില്‍ അന്തരിച്ച പ്രശസ്ത ഡോകുമെന്ററി സംവിധായകന്‍ സി. ശരത് ചന്ദ്രനെ അനുസ്മരിക്കാന്‍ കിട്ടിയ നിമിഷങ്ങളായിരുന്നു "കനവും, ഒരു മഴുവിന്റെ ദൂരം മാത്രവും" ഒക്കെ. ബദല്‍ വിദ്യാഭ്യാസത്തിന്റെ സന്ദേശവും ആയി വയനാട്ടില്‍ കെ.ജെ ബേബി നടത്തിയിരുന്ന കനവ്‌ എന്ന വിദ്യാലയത്തെ കേന്ദ്രീകരിച്ചു എടുത്ത ഈ ഡോകുമെന്ടറി വയനാട്ടിലെ ആദിവാസി കുട്ടികളെ വിദ്യാഭ്യാസം ചെയ്യിക്കാനും, സ്വയം പര്യാപ്തമാകുന്നതിനും വേണ്ടി കനവിലെ വേറിട്ട കാഴ്ചകളും ആയിട്ടായിരുന്നു. സാമൂഹികവും, മാനുഷികവും ആയ പ്രശ്നങ്ങളെ നിഷ്കളങ്കതയുടെ ആവിഷ്കാരമാക്കി മാറ്റി ഈ സംവിധായകന്‍.

സംവിധാനം: സി ശരത് ചന്ദ്രന്‍

"ദൈര്‍ഘ്യം ഉള്ള ഡോകുമെന്‍ട്രി വിഭാഗത്തില്‍ അക്കിത്തവും.."

2010-06-15T08:06:00.000-07:00

സംവിധാനം, സ്ക്രീന്‍ പ്ലേ: ജീ പ്രഭ
നിര്‍മാണം: ബാലകൃഷ്ണന്‍
സംഗീതം: കൈതപ്രം ദാമോദരന്‍ നമ്പൂതിരി, കൈതപ്രം വിശ്വനാഥന്‍ നമ്പൂതിരി

                കവിയും, സാമൂഹ്യ  പരിഷ്കര്‍ത്താവുമായ അക്കിത്തത്തെ ഒരു ആസ്ഥാന കവിയും, പിന്തിരിപ്പന്‍ കവിയും എന്ന വിളിപ്പേരില്‍ അറിയപ്പെടുമ്പോള്‍ ബ്രഹ്മത്തെ അറിയാവുന്നവന്‍ ആണ് ബ്രാഹ്മണന്‍, അങ്ങനെ എങ്കില്‍ ആര്‍ക്കും ബ്രാഹ്മണന്‍ ആകാം എന്ന സന്ദേശം. എന്തോ ഡോകുമെന്‍ട്രി വിഭാഗത്തില്‍ വളരെ അധികം അടുപ്പിച്ച ഒന്നായിരുന്നു ഇത്.
                സംഗീതവും ശബ്ദ മിശ്രണവും ഓരോ ദ്രിശ്യങ്ങള്‍ക്കും ജീവന്‍ നല്‍കി. ശരിക്കും പറഞ്ഞാല്‍   60 മിനിട്ടുകള്‍ അക്കിത്തത്തിന്റെ ജീവിതത്തോടും, കാലഘട്ടത്തോടും, ഗ്രാമത്തോടും ഒപ്പം ചേരുമ്പോള്‍ അറിയാതെ പോലും മനസ്സ് കൊണ്ടു 1500 വര്‍ഷം പഴക്കം ഉള്ള ആലിന്‍ ചുവട്ടിലും, മേളത്തൂര്‍ അഗ്നിഹോത്രിയിലെക്കും ഒക്കെ പോയി.
                കവിയുടെ കുട്ടിക്കാലം മുതല്‍ ബ്രാഹ്മണ്യ നിയമങ്ങള്‍ക്കു എതിരെ പോരാടിയ യുവത്വം, കവിതകള്‍ എഴുതുന്ന ശൈലി, തുടങ്ങുന്ന യാതാര്‍ത്ഥ്യം നിറഞ്ഞ   മനുഷ്യ ജീവിതം സമഗ്രമായി അവതരിപ്പിക്കാന്‍  സംവിധായകന്‍   ജീ പ്രഭ വളരെ അധികം ശ്രദ്ധിച്ചു  തന്നെ  ആവിഷ്കരിച്ചിരിക്കുന്നു . ദ്രിശ്യങ്ങള്‍ക്ക്   നിറവും  ജീവനും  നല്‍കുന്ന  കൈതപ്രത്തിന്റെ  സംഗീതം  കൂടി  ആയപ്പോള്‍  അകെ  കൂടി നല്ല  ഡോകുമെന്‍ട്രി എന്നു  പറയാതെ  വയ്യ . സത്യം  പറഞ്ഞാല്‍ എനിക്കും  ഡോകുമെന്‍ട്രി   എടുക്കുവാനുള്ള  ആഗ്രഹം  വര്‍ധിച്ചു .

IDSFFK

2010-06-15T07:34:00.000-07:00

3 -മത് അന്താരാഷ്ട്ര ഡോക്യുമെന്‍ട്രി, ഹ്രസ്വ ചിത്രമേള തിരുവനന്തപുരത്തു അരങ്ങേറുമ്പോള്‍ മലയാളത്തിന്റെ വിവിധ മേഖലയില്‍ നിന്നായി 57 ചിത്രങ്ങള്‍ പ്രദര്‍ശിപ്പിച്ചു. അതില്‍ 34 എണ്ണവും ഡോകുമെന്‍ട്രി, ഫിക്ഷന്‍, കാമ്പസ് ഫിക്ഷന്‍ എന്നീ വിഭാഗത്തില്‍ പെടുന്നു.

സാമുഹിക ബോധവും,തിരിച്ചറിവും, പ്രശ്നവല്‍കൃതമായ ജീവിത സാഹചര്യങ്ങളും, പച്ചയായി ദ്രിശ്യങ്ങളിലൂടെ ആവിഷ്കരിക്കുന്ന ഇത്തരം സംവിധായകരെ യാതൊരു പിന്തുണയും, പ്രശസ്തിയും ലഭിക്കാതെ പോകുന്നത് എന്തേ...എന്നു ചിന്തിച്ചു പോകുന്ന ദിവസങ്ങളായിരുന്നു. 2010 ജൂണ്‍ 11 മുതല്‍15 വരെ, ജനങ്ങളുടെ ഇടയിലേക്ക് ഇറങ്ങി ചെന്ന് വര്‍ഷങ്ങളോളം കഠിന പ്രയത്നം ചെയ്യുന്ന ഇത്തരം കഴിവുറ്റ സംവിധായകരെ സമൂഹം തിരിച്ചറിയാന്‍ വൈകുന്നൂ എന്നു ഓര്‍ത്തപ്പോള്‍ സമൂഹത്തോട് ഒരു സഹതാപം എന്നല്ലാതെ എന്ത് പറയാന്‍....

"മാറുന്ന സമരമുഖം"

2010-06-13T01:55:00.000-07:00

സമരം, സമരം, സമരം..... എവിടെ തിരിഞ്ഞാലും സമരം. എന്തിനു വേണ്ടി ഈ സമരം. അധ: ക്രിതന്റെയും, കീഴാളന്‍റെയും അവകാശങ്ങള്‍ നേടിയെടുക്കണോ .........?അല്ല, അധികാരത്തിന്‍റെയും, പണത്തിന്‍റെയുംലഹരി പിടിപ്പിക്കുന്ന വീഞ്ഞ് നുകരാന്‍ .....

                         മാറുന്ന സമരരൂപങ്ങള്‍, ധര്‍ണ, പിക്കെറ്റിംഗ്, സത്യാഗ്രഹം, ബന്തുകള്‍, ഹര്‍ത്താലുകള്‍, എന്നിവ വെറും ആചാര സമരങ്ങളും, ചടങ്ങുകളും ആയി ഒതുങ്ങുന്നു. നിരാഹാര സത്യാഗ്രഹ സമരങ്ങളുടെ ഊര്‍ജ്ജവും, സാധ്യതയും ഗാന്ധിജിയോട് ചേര്‍ത്ത് വായിച്ചവര്‍ വെറും സത്യാഗ്രഹ സമരങ്ങളാക്കി  ചുരുക്കുമ്പോഴും വിലക്കെടുക്കപ്പെട്ട അണികളുടെ സമരങ്ങളായി ഇന്നത്തെ സമരങ്ങള്‍ ചുരുങ്ങുന്നു.
                         ഒരു ദേശീയ പാര്‍ടിയില്‍ നിന്നടര്‍ന്നു മാറി കൊച്ചുകൊച്ചു രാഷ്ട്രീയ പാര്‍ടികളില്‍ കഞ്ഞിയും, ബിരിയാണിയും നല്‍കി അണികളെ കൂട്ടുന്ന അപഹാസ്യമായ കാഴ്ച വരെ നാം കണ്ടിരിക്കുന്നു. "ശത്രുവിന്റെ ശത്രുവിനെ മിത്രമാക്കുന്ന അധര്‍മ്മ ശാസ്ത്രത്തെ ഇപ്പോഴത്തെ സമര രീതിയെ സമര ആഭാസങ്ങള്‍ എന്നല്ലാതെ എന്ത് വിശേഷിപ്പിക്കാന്‍!"   ഇന്ത്യന്‍ ഉത്പാദന ക്ഷമതയെ തടസ്സപ്പെടുത്തുന്ന ഹര്‍ത്താല്‍, ബന്ദ്‌, ആഘോഷങ്ങള്‍ ഉല്‍പ്പാദനം വര്‍ധിപ്പിച്ചു കൊണ്ടുള്ള ജപ്പാനിലെ സമര രീതി കണ്ടു ലജ്ജിച്ചിരുന്നെങ്കില്‍............
                      കാലിക സമരങ്ങള്‍ക്ക് കാലിക മാറ്റം ഉണ്ടാവാതെ ആചാര സമരങ്ങളാല്‍ വിരസത ഉളവാക്കുമ്പോള്‍, പരിശോധനാ രീതികള്‍ ഇല്ലാത്തതും, പുന:പരിശോധന ഇല്ലാത്ത സമരങ്ങളും, ആവര്‍ത്തന വിരസത കൊണ്ടു കാലഹരണ പെട്ടു വരുമ്പോള്‍ ഭരണവും സമരവും അപഹാസ്യങ്ങള്‍ ഏറ്റു വാങ്ങുന്നു. അധികാരികളുടെ കണ്ണ് തുറപ്പിക്കാം  എന്ന വ്യാജേന ഒരേ പ്രസ്ഥാനത്തില്‍ തന്നെ സമരം ഉണ്ടാവുന്നു എന്നതും കാലവൈഭവം.
                      സ്വയം  വിമര്‍ശന സമരങ്ങള്‍ ഇല്ലാതെ സമരങ്ങളെ അടിച്ചേല്‍പ്പിക്കുന്ന മുദ്രാവാക്യങ്ങളുടെ വിവരക്കേടുകള്‍ മൂത്ത്  നരച്ചു, സമര പെന്‍ഷന്‍ വാങ്ങാനാണ് ശ്രമിക്കുന്നത്. പക്ഷേ നിരാഹാര സത്യഗ്രഹങ്ങള്‍ക്ക് വംശ നാശം  സംഭവിച്ചിരിക്കുന്ന  കാലഘട്ടത്തില്‍  തെലുന്ഗാനയിലെ നിരാഹാര സമരം ഇന്നും  അധികാരികള്‍ക്ക്  കീഴടങ്ങിയ  ചരിത്ര വിജയം തന്നെ.
                       "കാലാതിവര്‍ത്തിയും, ഹൃദയങ്ങളില്‍ ആവേശത്തിന്റെ തിരയിളക്കം സൃഷ്ടിക്കുന്നതും, ആശയ ഗര്‍ഭം പേറുന്ന മുദ്രാവാക്യങ്ങളാല്‍ മുഖരിതമായതും, ധര്‍മ്മം ശാസ്ത്രം സംസ്ഥാപിക്കുന്നതിനു വേണ്ടിയും ഈ കുരുക്ഷേത്ര ഭൂമിയില്‍ ഓരോ മനുഷ്യനും   അവനോടും, അവന്‍റെ വര്‍ഗ്ഗ ശത്രുവിനോടും സഹജീവികളുടെ ശബ്ദം സംഗീതമായി ആസ്വദിക്കുന്ന കാലത്തിന്റെ വരവിനായി ചെയ്യുന്ന പോരാട്ടങ്ങളുടെ ഉപജീവനമാണ് സമരം".
                        "സമരങ്ങള്‍ക്ക് ശ്രീ കൃഷ്ണനെ പ്പോലെ ധര്‍മ്മം സംസ്ഥാപിക്കാന്‍ കഴിഞ്ഞിരുന്നെകില്‍............. "
(സ്മിത)

"അഭയം തേടുന്നവന്‍"

2010-02-27T09:54:00.000-08:00

നീ ഒരു അഭയാര്‍തഥി....

തണുപ്പുള്ള രാത്രികളില്‍

മോക്ഷ പ്രാപ്തിയുടെ പുതപ്പിന്

തപ്പുന്നവന്‍.....

കാലത്തിന്റെ വൃക്ഷ ശിഖരത്തില്‍

ഇണക്കിളിയെ നഷ്ടപ്പെട്ട ആണ്‍കിളി

കാലത്തിന്റെ കണക്കു പുസ്തകത്തില്‍

ഇടമില്ലാത്തവന്‍.

നിന്റെ സംഗീതം കാലത്തിന്റെ
വിലാപഗീതങ്ങള്‍ .
നിന്റെ ഭക്ഷണം,സാഗരമാം
നഗരത്തിലെ ഓടയിലെ വല്ലതും.
നിന്റെ സ്വപ്‌നങ്ങള്‍ ദ്വാരം വീണ
തകര പാത്രത്തിലെ ഒരിറ്റു വെള്ളം
മാത്രമായി പോവുകയാണ്....

യാത്ര

2010-02-12T07:45:00.000-08:00

അകന്നു പോകുന്ന മേഘങ്ങളേ
നോക്കി ഞാന്‍ വെറുതെ ചോദിച്ചു
നിങ്ങളുടെ അവസാനമില്ലാത്ത യാത്ര
എവിടേയ്ക്കാണ്.......?

ഒരിക്കല്‍ നിങ്ങള്‍ ഈ യാത്രയില്‍

എന്നെയും കൂട്ടുമോ...?

എങ്കില്‍ എന്‍ ജീവിതം എത്ര ധന്യം.

മരണമില്ലാത്ത കാര്‍മേഘങ്ങളെ

ഒന്നു പറയൂ...........................

നിങളുടെ ഈ യാത്രക്ക്

അന്ത്യമുണ്ടോ............????????

തലക്കെട്ടില്ലാത്തവള്‍

2010-02-12T07:20:00.000-08:00

അവള്‍ യോഗ്യയാണ്.....എന്തുകൊണ്ടും..
ചിന്തകള്‍ കാടുകയറുമ്പോള്‍
അവയെ വെട്ടിക്കളയുവാന്‍ അവള്‍ക്കു
മൂര്‍ച്ചയുള്ള കത്തിയുണ്ട്‌.....
ഭാവനകള്‍ അളക്കുവാന്‍ അവള്‍ക്കു
മുഴക്കൊലുമുണ്ട്;
ഇരുട്ടില്‍ നിന്നും വെളിച്ചത്തിലേക്ക്
പോകുവാന്‍ അവളുടെ കൈയ്യില്‍
ടോര്‍ച്ചാനുള്ളതു;
വിജയത്തിന്റെ സോപാനത്തിലേക്ക്
കയറുവാന്‍ അവള്‍ക്കു ശക്തിയുണ്ട്.
വെറുതെ ഇരിക്കുമ്പോള്‍
ഒന്ന് സ്വപ്നം കാണാന്‍
അവള്‍ വെളുത്ത കണ്ണട ധരിക്കും
തെറ്റുകള്‍ പറ്റാതിരിക്കാന്‍
അവള്‍ കോപ്പിയടിക്കും
മറ്റാരുടെയോ ജീവിതം...........;

ഇരുട്ട്

2010-02-12T07:03:00.000-08:00

എന്‍ മരവിച്ച ചിന്തകളില്‍
വര്‍ണ്ണം കലര്‍ത്തിയതും നീയാണ്.
അറിവില്‍ പാല്‍പുഞ്ചിരിക്കു മറവില്‍
കേള്‍ക്കും തേങ്ങലുകള്‍,
നീ ആണന്നു അറിയുമ്പോള്‍.....
മയങ്ങി വീഴുന്നേറെ ജന്മങ്ങളിന്നു
നിന്‍ നീണ്ട മൗനത്തിലേക്ക്............

"ഉറക്കം"

2010-02-12T06:12:00.000-08:00

ചിലമ്പൊലിയില്‍ എന്‍ മനം ആര്‍ദ്രമായി.

കണ്ണുകള്‍ക്ക്‌ നിന്നെ കാണുവാന്‍ മോഹം

സ്വാര്‍ത്ഥയാല്‍ നിന്നെ തേടിയലഞ്ഞു.

എന്‍ജീവിതവും,ലോകവും നിന്‍മുന്‍പില്‍

മിത്യയാനന്നറിയാം.

മരണാനന്തരജീവിതം മിത്യ എന്നതിനാലും
തേടുന്നു ഞാന്‍ നിന്നെ.............
സുഖമായി ഉറങ്ങൂ നീ അവസാനയുറക്കം
എങ്കിലും ഞാന്‍ അറിയാതെ
എന്‍ ആത്മാവ് കേഴുന്നു,
നീ ഒരിക്കല്‍ കൂടി ഉണര്‍ന്നിരുന്നെങ്കില്‍.........!!!!!!!

2010-01-19T08:57:00.000-08:00

-കടന്നു പോയ ദാശാബ്ദത്തിലേക്ക് ഒരു തിരിഞ്ഞു നോട്ടം-

Y2K-യില്‍ തുടങ്ങി.......ആഗോളതാപനം, സാമ്പത്തികമാന്ദ്യം, ഭീകരതയ്ക്കെതിരായ യുദ്ധം, ഷോപ്പിംഗ്‌ മാളുകള്‍, സെല്‍ഫോണ്‍, ചിലവുകുറഞ്ഞ വ്യോമയാത്ര, പ്ലാസ്മ ടീവി, ഐപോട്, ബ്ലോഗിങ്ങ്, വംശരാഷ്ട്രീയം, എസ്.എം.എസ്, എന്നിങ്ങനെ ചന്ദ്രയാന്‍ വരെ .............................. മാറ്റത്തിന്‍റെ ദശാബ്ദം.

2000- ത്തില്‍

Y2K പ്രതിസന്ധിയുടെ നിഴലില്‍ ആരംഭിച്ച ദശാബ്ദം.

ജനസംഖ്യ നൂറു കോടി തികഞ്ഞു.
കര്‍ണ്ണം മല്ലേശ്വരി സിഡ്നി ഒളിമ്പിക്സില്‍ വെങ്കലം മെഡല്‍ നേടി.
ജാര്‍ഖണ്ഡ്- ഉം ചത്തീസ്ഗഡും പിറവി എടുത്തു.
ആജ്‌ തക് ഇരുപത്തിനാല് മണിക്കൂര്‍ വാര്‍ത്താ ചാനല്‍ ആരംഭിച്ചു.
ലാറ ദത്തയും, പ്രിയങ്ക ചോപ്രയും മിസ്‌ യൂണിവേഴ്സ്, മിസ്‌ വേള്‍ഡ് , കിരീടം കരസ്ഥമാക്കി.
ആസ്ട്രേലിയയിലെ സിഡ്നിയില്‍ വച്ചു ഒളിമ്പിക്സ് നടന്നു.
"കോന്‍ ബനേഗ ക്രോര്‍പതി" യുമായി അമിതാഭ് ബച്ചന്‍ ചരിത്രം സൃഷ്ട്ടിച്ചു.

2001- ല്‍

ഭീകരര്‍ വേള്‍ഡ് ട്രേഡ് സെന്‍റര്‍ ആക്രമിച്ചു. മരണം മൂവായിരം.
സ്വവര്‍ഗ്ഗ രതിക്കെതിരെ കോടതിയില്‍ ഹര്‍ജി ഫയല്‍ ചെയ്തു.
ഇന്ത്യയിലെ ജനസംഖ്യ 102 കോടി കവിഞ്ഞു.
ഭീകരര്‍ പാര്‍ലമെന്‍റ് ആക്രമിച്ചു.
സ്വതന്ത്ര ഇന്ത്യയിലെ ഏറ്റവും വലിയ ഭൂകമ്പം ഗുജറാത്തില്‍ (30000 പേര്‍ കൊല്ലപ്പെട്ടു)
മീരാ നായരുടെ "മണ്‍സൂണ്‍ വെഡിംഗ് " എന്ന ചിത്രത്തിന്‍റെ പ്രദര്‍ശനം വെനീസ് ചലച്ചിത്രോത്സവത്തില്‍.
ജിമ്മി വെയില്‍ ലാറി സെന്ജര്‍ വിക്കി പീഡിയ ആരംഭിച്ചു.
വിമാനങ്ങള്‍ റാഞ്ചി, അമേരിക്കയില്‍ ചാവേര്‍ പൈലറ്റുമാര്‍ നടത്തിയ ചരിത്രത്തിലെ ഏറ്റവും വലിയ ഭീകരാക്രമണം.
അഫ്ഗാനിസ്ഥാനിനും, ഇറാഖിനും 5295 അമേരിക്കന്‍ സൈനികര്‍ നഷ്ട്ടപെട്ടു.

2002 - ല്‍

എ പി ജെ.അബ്ദുല്‍കലാം രാഷ്ട്രപതിയായി.
റിലയന്‍സിന്റെ സ്ഥാപകന്‍ ധീരുഭായി അംബാനിയുടെ മരണം.
മാധ്യമ പ്രവര്‍ത്തകന്‍ ഡാനിയല്‍ പേളിനെ തട്ടിക്കൊണ്ടു പോയി പാകിസ്താനില്‍ വധിച്ചു.
ഡല്‍ഹി മെട്രോ ഉത്ഘാടനം ചെയ്തു.
ഇന്ത്യയില്‍ പ്രധാനമന്ത്രിയായി എല്‍ കെ. അദ്വാനി സ്ഥാനമേറ്റു.
ഗോധ്ര യില്‍ സബര്‍മതി എക്സ്പ്രെസ്സിനു തീവച്ചു.
സാര്‍സ് രോഗം ചൈനയില്‍ കണ്ടെത്തി.അതിവേഗം 37 രാജ്യത്തില്‍ പടര്‍ന്നു.
ഇന്ത്യയിലെ ആദ്യത്തെ കാലാവസ്ഥ ഉപഗ്രഹമായ മെറ്റ് സാറ്റ് ശ്രീഹരിക്കോട്ടയില്‍ നിന്നും വിക്ഷേപിച്ചു.

2003-ല്‍

നാസയുടെ കൊളംബിയ ഷട്ടില്‍ തകര്‍ന്ന്‌ കല്‍പ്പന ചാവ്‌ല യുടെ മരണം.
സെല്‍ഫോണ്‍ ഇന്‍കമിംഗ് കാളുകള്‍ സൗജന്യമാക്കി.
വിയറ്റ്നാമിലും,തായിലാന്ടിലും,പക്ഷിപ്പനി പ്രത്യക്ഷപ്പെട്ടു.
കൊല്‍ക്കത്തയില്‍ മതര്‍ തെരേസയെ വാഴ്ത്തപെട്ടവളായി പ്രഖ്യാപിച്ചു.
മുംബെ യില്‍ ഇരട്ട സ്ഫോടനം.
ലോകകപ്പ്‌ ഫൈനലില്‍ ഇന്ത്യ ആസ്ട്രേലിയ യോട് തോറ്റു.
ഇന്ത്യയില്‍ സാര്‍സ് രോഗം പടര്‍ന്നു.
അമേരിക്ക സദ്ദാംഹുസൈനെ കണ്ടെത്തി.
എവറസ്റ്റ് കീഴടക്കിയതിന്റെ 50 താം വാര്‍ഷികം ആഘോഷിച്ചു.
കൊലാലംപൂരില്‍ നടന്ന ആറാമത് ഏഷ്യക്കപ്പ് ഹോക്കി കിരീടം പാക്കിസ്ഥാനിനെ തോല്‍പ്പിച്ചു ഇന്ത്യ നേടി.( ധന്‍രാജ് പിള്ള ക്യാപ്റ്റന്‍ )

2004-ല്‍

ഇന്ത്യന്‍ മഹാസമുദ്രത്തില്‍ സുനാമി.12 രാജ്യംങ്ങളിലായി 2 ലക്ഷം പേര്‍ മരിച്ചു.
വനം കൊള്ളക്കാരന്‍ വീരപ്പന്‍ കൊല്ലപ്പെട്ടു.
മേജേര്‍ രാജ്യവര്‍ദ്ദന്‍ സിംഗ് രാത്തോടിനു ഒളിമ്പിക്സില്‍ വെള്ളി മെഡല്‍.
ഓര്‍കുട്ട് രൂപം കൊള്ളുന്നു.
ആണ്‍കുട്ടികളുമായി സത്യസായി ബാവയുടെ ലൈംഗിക ബന്ധത്തെ കുറിച്ചുള്ള രഹസ്യ വിവരങ്ങളുമായി' സീക്രട്ട് സ്വാമി 'എന്ന ഡോക്യുമെന്റ്രി ബി ബി സി പുറത്തു വിടുന്നു.
ഗ്രീസിലെ ഏതന്‍സില്‍ ഒളിമ്പിക്സ് നടന്നു

2005 -ല്‍

പാകിസ്താനില്‍ അദ്വാനി ജിന്നയെ പ്രകീര്‍ത്തിച്ചത് വിവാദമായി.
ഇന്‍ഡോ അമേരിക്ക ആണവക്കരാര്‍ ഒപ്പിട്ടു.
ഡല്‍ഹിയില്‍ കൂട്ട സ്ഫോടനം. 62 മരണം.
കുംഭകോണത്തില്‍ പ്പെട്ടു നട്‌വര്‍ സിംഗ് രാജിവയ്ക്കുന്നു.
മുംബെയില്‍ വെള്ളപ്പൊക്കം.
ഗോദ്രയില്‍ ഹിന്ദു തീര്‍തധാടകര്‍ കയറിയ തീവണ്ടി കത്തിച്ച ശേഷം ഗുജറാത്തിലെ മുസ്ലീം വിരുദ്ധ കലാപം.
സഭയില്‍ ചോദ്യം ചോദിയ്ക്കാന്‍ കൈക്കുലി പറ്റുന്നതായി കണ്ടു 11 എം പി മാരെ പാര്‍ലമെന്ടു പുറത്താക്കി.
HCL ചെലവ് കുറഞ്ഞ പേര്‍സണല്‍ കംപ്യൂട്ടര്‍ ഇറക്കി.
റൂപര്‍ മര്‍ഡോക് മൈ സ്പേസ് 580 ദശലക്ഷം ഡോളറിനു വാങ്ങി.
ഹരിത ഗൃഹ വാതകങ്ങള്‍ പുറം തള്ളുന്നതില്‍വ്യാവസായിക രാജ്യം ങ്ങള്‍ക്ക് നിര്‍ബന്ധിത പരിധിയുമായി ക്യോട്ടോ പ്രോട്ടോക്കോള്‍
ദേശിയ വിവരാവകാശ കമ്മീഷന്‍ രൂപികരിച്ചു.
ഭാര്യമാര്‍ കന്യകള്‍ ആയിരിക്കണം എന്നു ഭര്‍ത്താക്കന്‍ മാര്‍ പ്രതീക്ഷിക്കരുത് എന്നു പറഞ്ഞു നടി കുശ്ബുവിനെതിരെ തമിഴര്‍ അണിനിരക്കുന്നു.
ആസ്ട്രേലിയയും, ന്യൂസിലണ്ടും ആദ്യത്തെ ടി -20അന്തര്‍ദേശീയ മല്‍ത്സരംകളിച്ചു.

2006-ല്‍

സദ്ദാംഹുസൈനെ തൂക്കികൊന്നു.
ആണവകരാര്‍ ഉറപ്പിക്കാനായി ഇന്ത്യയിലേക്ക്‌ ബുഷിന്റെ വരവ്.
പക്ഷിപ്പനി പടര്‍ന്നുപിടിച്ചു.
മോണാലിസ എന്ന ഡാവിഞ്ചി ചിത്രം500 വര്‍ഷം ആഘോഷിച്ചു.
മുംബൈയില്‍ ലോക്കല്‍ ട്രെയിനില്‍ കൂട്ട സ്ഫോടനം.
ബോഫോഴ്സ് കേസ്സില്‍ ക്യത്രോചി കുറ്റ വിമുക്തനാവുന്നു.
ഉത്തരകൊറിയ ആദ്യത്തെ അണു പരീക്ഷണം നടത്തി.
H1.N1വൈറസ് ഇന്ത്യയില്‍.
നോക്കിയാ ചെന്നൈയില്‍ ഉല്‍പ്പാദനം ആരംഭിച്ചു.
റിലയന്‍സ് റിലയന്‍സ് ഫ്രഷ്‌ ചെയിനുമായി റീട്ടയില്‍രംഗത്തേക്ക്.
മെഡിക്കല്‍ വിദ്യാഭ്യാസ സ്ഥാപനങ്ങളിലെ ഒബിസി സംവരണ ത്തിനെതിരെ വിദ്യാര്‍ത്തികള്‍ സമരത്തില്‍.
ഹിന്ദു ദേവതകളെയും, ഭാരതാംബയേയും നഗ്നരാക്കി ചിത്രീകരിച്ചതില്‍ പ്രതിക്ഷേധിച്ച് എം.എഫ്. ഹുസൈന്റെ ചിത്ര പ്രദര്‍ശനത്തിനു നേരെ ഹിന്ദു അവകാശ സംരക്ഷകര്‍ ആക്രമണം നടത്തി.
ബാബാ രാം ദേവ് തൊഴില്‍ നിയമങ്ങള്‍ ലംഘിച്ചു എന്നു ബ്രിന്ദാകാരാട്ട് ആരോപണമുന്നയിച്ചു.

2007-ല്‍

ബേനസീര്‍ ഭൂട്ടോ വധിക്കപ്പെട്ടു.
സുനിതാ വില്യംസ് ബഹിരാകാശത്തു നടന്നു.
ഇന്ത്യ ടി-20ലോകകപ്പ്‌ നേടി.
നരേന്‍ കാര്‍ത്തികേയന്‍ എ ജി പി കാര്‍റെയിസ് വിജച്ചു.
കിരണ്‍ ദേശായിക്ക് മാന്‍ ബുക്കര്‍ പുരസ്കാരം.
രാജസ്ഥാനില്‍ സംവരണത്തിനായി ഗുജ്ജറുകളുടെ സമരം.
പ്രതിഭ പാട്ടീല്‍ ആദ്യ വനിതാ രാഷ്ട്രപതിയായി.
കിംഗ്‌ ഫിഷറും എയര്‍ഡക്കാനും ലയിച്ചു ചെലവ് കുറഞ്ഞ സര്‍വീസ് ആരംഭിച്ചു.
അല്‍ഗോറിനും,കാലാവസ്ഥ മാറ്റം സംബന്ധിച്ച് യു എന്‍ അന്തര്‍ദേശീയ പാനലിനും സമാധാനത്തിനും ഉള്ള നോബല്‍ സമ്മാനം ലഭിച്ചു.

2008-ല്‍

ചന്ദ്രയാന്‍ വിജയം.
ടാറ്റാ നാനോയുടെ വരവ്.
അഭിനവ് ബിന്ദ്രക്ക് ഒളിമ്പിക്സില്‍ സ്വര്‍ണ്ണം.
മുഷാറഫ് പ്രസിഡന്‍റ്റു പദം ഒഴിഞ്ഞു.
കേന്ദ്ര വിദ്യാഭ്യാസ സ്ഥാപനങ്ങളില്‍ 27 %OBC ക്യോട്ട സുപ്രീം കോടതി അംഗീകരിച്ചു.
LTTE തോക്കുധാരികള്‍ മുംബൈയില്‍ 165 പേരെ വധിച്ചു.
ആഗോള മാന്ദ്യം ഐ ടി യെ ബാധിച്ചു. പല കമ്പിനി കളും ജീവനക്കാരെ പിരിച്ചു വിട്ടു.
കാലാവസ്ഥാ മാറ്റം സംബധിച്ച് ദേശീയ കര്‍മ പദ്ധതി സര്‍ക്കാര്‍ പുറത്തിറക്കി.
പക്ഷിപ്പനിയുടെ ഒരു പുതിയ വകഭേദം ഇന്ത്യയില്‍ ആഞ്ഞടിച്ചു . പശ്ചിമബംഗാളില്‍ 1000 ക്കണക്കിന് കോഴികള്‍ രോഗബാദിതമായി കണ്ടെത്തി.
വന്‍ ബഹളത്തിനും, സദാചാര മുറവിളികള്‍ക്കും ഇടയില്‍ സിപ്ല എന്ന ഫാര്‍മസ്യുട്ടിക്കല്‍ കമ്പനി നേരിട്ട് വാങ്ങാവുന്ന ഗര്‍ഭ നിരോധന ഗുളിക പ്രചാരത്തില്‍ വന്നു.
ആദ്യത്തെ ഐ പി എല്‍ ഒരു വന്‍വിജയമായി മാറി.
ഗാംഗുലി യുടെയും ,കുംബ്ലെയുടെയും വിരമിക്കല്‍.
വത്തിക്കാന്‍ അല്‍ഫോന്‍സാമ്മയെ വിശുദ്ധഎന്ന് മാര്‍പാപ്പ വിളിച്ചു.
ചന്ദ്രയാന്‍ ചന്ദ്രനിലേക്ക്.
ചന്ദ്രനിലെ 1 മൂണ്‍ ഇംപാക്റ്റ് പ്രോബില്‍ ഉണ്ടായിരുന്ന ത്രിവര്‍ണ പതാക ചന്ദ്രനില്‍ പതിച്ചു.
രാഷ്ട്രപതി കെ ആര്‍ നാരായണന്റെ ഭാര്യയും സാമൂഹിക പ്രവര്‍ത്തകയും ആയ ഉഷാ നാരായണന്‍ അന്തരിച്ചു.
പാകിസ്താന്‍ പ്രസിഡന്‍ടു പര്‍വേഷ്‌ മുഷാറഫ് രാജി വച്ചു.
നേപ്പാളില്‍ രാജഭരണം അവസാനിച്ചു.

2009-ല്‍

എ ആര്‍ റഹുമാനും,റസൂല്‍ പൂക്കുട്ടിക്കും ഓസ്കാര്‍ അവാര്‍ഡ്.
സ്ലംഡോഗ് മില്ലിയനയറിന് എട്ടു ഒസ്കാറുകള്‍.
ഒബാമ അമരിക്കന്‍ ‍ പ്രസിടന്റായി.
വി. രാമകൃഷ്ണന് രസതന്ത്രത്തിനു നോബല്‍ സമ്മാനം.
സച്ചിന്‍ ടെന്‍തുല്‍ക്കാര്‍ ക്രിക്കറ്റില്‍ 20 വര്‍ഷംതികഞ്ഞു.
യു പി എ വീണ്ടും അധികാരത്തില്‍.
വ്യോമയാന വിപ്ലവം പൊട്ടിപ്പുറപ്പെട്ടു.
ലിബറാന്‍ കമ്മീഷന്‍ വാജ്‌പേയി അടക്കം 68 പേരെ ബാബറി മസ്ജിദ് കേസ്സില്‍ കുറ്റക്കാരെന്നു കണ്ടെത്തി.
മെക്സികോയില്‍ H1N1 പനിആദ്യമായി പ്രത്യക്ഷപ്പെട്ടു.
25 നും 40 നും ഇടയില്‍പ്രായമുള്ള 82 എം പി മാര്‍ ചരിത്രത്തില്‍ ആദ്യമായി.
ഡല്‍ഹിയില്‍ ഹൈക്കോടതി സ്വവര്‍ഗ്ഗ രതിക്കുള്ള നിരോധനം നീക്കി.
ശ്രീലങ്കന്‍ പട്ടാളക്കാരുമായുള്ള ഏട്ടുമുട്ടലില്‍ LTTE നേതാവ് വേലുപ്പിള്ള പ്രഭാകരന്‍ കൊല്ലപ്പെട്ടു.

IFFK 2009

2010-01-17T08:08:00.000-08:00

പതിനാലാമത് അന്താരഷ്ട്ര ചലച്ചിത്രമേള ഒരു നേര്‍കാഴ്ച:-

2009 ഡിസംബര്‍ 11 മുതല്‍ ഡിസംബര്‍ 18 വരെ നീണ്ടു നിന്ന ഈ ചലച്ചിത്ര മേള 13 തവണയും കടന്നുപോയത് എത്ര നിസ്സാരമായി ഞാന്‍ കണ്ടു. ഇന്നിപ്പോള്‍ പതിനാലാം തവണ എത്തിയിരിക്കുകയാണ്. ഈ അനന്തപുരിയില്‍ എനിക്കൊരു നവ്യാനുഭവമായി, അനുഭൂതിയായി, നേര്‍കാഴ്ചയായി മാറുന്നു ......

വ്യത്യസ്തമായ മനുഷ്യബന്ധങ്ങളുടെയും, വ്യത്യസ്തമായ സംസ്കാരങ്ങളെയും , യാതാര്‍ത്ഥ്യം നിറഞ്ഞ പ്രപഞ്ചത്തെയും , വ്യത്യസ്ത ശൈലികളെയും ആസ്വദിച്ചറിയാന്‍ ലോകസിനിമകളുടെ ജാലക വാതില്‍ തുറന്നു കൊണ്ട് അന്താരാഷ്‌ട്ര ചലച്ചിത്ര മേള അപരിചിതമായ ലോകസിനിമകളുടെ ലോകത്തേക്ക് അപരിചിതരായ ബുദ്ധിജീവികല്‍ക്കൊപ്പം നടന്നു നീങ്ങുമ്പോള്‍ ഓരോ സിനിമകളും സശ്രദ്ധം, സസൂഷ്മം വീക്ഷിക്കെണ്ടി വന്നു. ലോക സിനിമകളുടെ ശൈലി, സാങ്കേതികവിദ്യ , കണ്ണുകള്‍ക്കൊപ്പം ഹൃദയത്തിലും പതിക്കുമ്പോള്‍ അറിയാതെ മൂക്കത്ത് വിരല്‍ വച്ചു ചിന്തിച്ചുപോകുന്നു 'എന്തുകൊണ്ട് മലയാളത്തില്‍ ഇത്തരം സിനിമകള്‍ പിറവി യെടുക്കുന്നില്ല........??????

-ഈ ഡിസംബറിന്റെ തണുത്ത പ്രഭാതങ്ങളില്‍ഒരുപിടി ഓര്‍മകളും ആയി മനസ്സില്‍കോറിയിടാന്‍ ഇഷ്ടവും അനിഷ്ടവും നിറഞ്ഞ കുറച്ചു സിനിമകളുമായി ................

"ദി അതര്‍ ബാങ്ക്"

2010-01-17T06:23:00.000-08:00

രാജ്യത്തിന്‍റെ ആഭ്യന്തരപ്രശ്നങ്ങള്‍ ഓരോ വ്യക്തികളുടെയും ജീവിതത്തെ സ്വാധീനിച്ചെന്ന് വരാം. അത് പ്രത്യക്ഷമായിട്ട് അല്ലെങ്കിലും സംവിധായകന്‍ ജോര്‍ജുഒഷ്വലി കസാഖിസ്ഥാന്‍ ചിത്രമായ ' ദി അതര്‍ ബാങ്കിലൂടെ 'ദൃശ്യ വല്കരിക്കുന്നു.

അബ്ഖാസിയാന്‍ അഭ്യന്തര യുദ്ധത്തില്‍ പെട്ട് പലായനം ചെയ്ത അഭയാര്‍ഥികള്‍ആണ് പന്ത്രണ്ടു കാരനായ ടീടോയും, അവന്‍റെ അമ്മ കേറ്റോയും. ജീവിത മാര്‍ഗത്തിനായി വര്‍ക്ഷോപ്പില്‍ ജോലി ക്ക്പോകുന്ന ടിടോ, പണത്തിനായി കുട്ടി കൊള്ള സങ്കത്തില്‍ ചേരുന്നു . എന്നാല്‍ അതും പരാജയപ്പെടുന്നു. അവനെ നേരിടുന്ന പ്രശ്നങ്ങളെ വകവയ്കാതെ മോഹങ്ങളും പ്രതീക്ഷകളുമായി മുന്നേറുമ്പോള്‍ അമ്മയ്ക്ക് ഒരു കാമുകന്‍ ഉണ്ടെന്ന തിരിച്ചറിവും, അബ്ഖാസിയയില്‍ തിടരുന്ന തന്‍റെ അച്ഛനെ തേടിയുള്ള അവന്‍റെ യാത്രയും,അതിനിടയില്‍ അവന്‍ നേരിടുന്ന യാതാര്‍ത്യങ്ങളും, തിരിച്ചറിവുകളും, മനുഷ്യന്‍റെ ക്രൂര വിനോദങ്ങളും, വൃത്തികേടുകളും, മനുഷ്യത്വത്തിനു യാതൊരു പരിഗണനയും നല്‍കുന്നില്ല.

ഒടുവില്‍വീണ്ടും നിരാശനാവുന്നു നമ്മുട ടിടോ. അവന്‍റെ അച്ഛന്‍ മറ്റൊരു വിവാഹം കഴിച്ചിരിക്കുന്നു. ഇത് പല സംസ്കാരങ്ങളെയും തുറന്നു കാട്ടുന്നു. നിഷ്കളങ്കനായ ടിടോ യുടെ ഹൃദയ വേദന വെറുമൊരു ഫെസ്റ്റിവല്‍ ചിത്രമായി നീക്കി വക്കാനല്ല ..... സമൂഹത്തിന്‍റെ മുഖങ്ങളെയും, മനുഷ്യത്വതെയും ദ്രിശ്യവല്കരിക്കുക ആണ് , ഓരോ സീനിലും.

സംവിധായകന്‍:- ജോര്‍ജു ഒഷ്വലി

സ്ക്രീനിംഗ് ഡേറ്റ് :-ഡിസംബര്‍ പന്ത്രണ്ടു

"സ്വീറ്റ് റഷ്"

2010-01-17T05:47:00.000-08:00

സഫലമാവാത്ത പ്രണയത്തിന്റെ സൂക്ഷ്മവും, ഹൃദയ സ്പര്‍ശിയും ആയ കഥ. മധ്യ വയസ്കയായ മാര്‍ത്തയെ ബാദിച്ചിരിക്കുന്ന മാരകമായ രോഗത്തെ കുറിച്ച് ഡോക്ടറായ ഭര്‍ത്താവ് അവളെ അറിയിക്കുന്നില്ല. 21 വയസ്സുകാരനായ ബോഗസ്സിനെ കണ്ടുമുട്ടുന്ന മാര്‍ത്ത അവനില്‍ ആകൃഷ്ടയാവുന്നു. പതിയെ ഒരു പ്രണയത്തിന്‍റെ ഗന്ധവും , നദി കരയിലെ പ്രണയ സമാഗമവും, അധികം നീണ്ടു നില്‍ക്കുന്നില്ല.

വ്യത്യസ്ത തലത്തിലുള്ള ഒരു ചിത്രമായി സ്വീറ്റ് റഷ് അനുഭവപ്പെട്ടു. പ്രപഞ്ച മനോഹാരിത മുഴുവനായി പകര്‍ത്തിയ ദ്രിശ്യാ വിഷ്കാരവും, ഓരോ ദ്രിശ്യങ്ങളും ഒരു രാജ്യത്തിന്‍റെ ശൈലിയും, സിനിമക്കുള്ളില്‍ ഒഴുകി നടക്കുമ്പോള്‍, ഇടയ്ക്കിടെ നായികയുടെ ഏകാന്തമായ കഥ പറച്ചില്‍ ചെറിയ ബോറടിപ്പിച്ചു എന്നതൊഴിച്ചാല്‍ സ്വീറ്റ് റഷ് നെ ഒരു നല്ല ചിത്രമായി കൂട്ടാം. സ്വീറ്റ് റഷ് തേടി പോകുന്ന കൊച്ചു നായകന്‍റെ മരണവും സിനിമക്കുള്ളിലെ സിനിമയും, മനസ്സിനെ മുറിപ്പെടുത്തി അവസാനിക്കുമ്പോഴും, നദിയും, നദിക്കരയും പ്രകൃതി ഭംഗിയും ചായാഗ്രാഹകനെയും, സംവിധായകനെയും വ്യത്യസ്തനാക്കുന്നു.

സംവിധാനം: ആന്‍ത്രിസ് വൈദ

സ്ക്രീനിംഗ് ഡേറ്റ് :- ഡിസംബര്‍ പതിമൂന്ന്

"എമ്പ്ടി നെസ്റ്റ്"

2010-01-17T05:13:00.000-08:00

അര്‍ജെന്റീനിയെന്‍ ജീവിത സാഹചര്യങ്ങളെ ഭാവ തീവ്രമായി അവതരിപ്പിക്കുകയായിരുന്നു ഡാനിയേല്‍ബെര്‍മാന്റെ 'എമ്പ്ടി നെസ്റ്റ്'. ദീര്‍ഘമായദാമ്പത്യംഎല്ലയിപ്പോളും പുതുമയു ള്ളതും,വൈകാരികതയും നിലനിര്‍ത്തുന്നതിന്റെ പ്രശ്നങ്ങള്‍. മധ്യ വയസ്കരായ ദമ്പതികളുടെ ജീവിത വിഹ്വലതകളെയും, ആകുലതകളെയും ശാന്തമായഒഴുക്കായി പ്രേക്ഷകരിലെത്തിക്കുന്നു ഈ ചിത്രം. മക്കള്‍ വീട് വിട്ടു പോവുമ്പോള്‍ രക്ഷിതാക്കള്‍ അനുഭവിക്കുന്ന ഏകാന്തതയും, ദുഖവും ആണ് എമ്പ്ടി നെസ്റ്റ്. ശരിക്കും പറഞ്ഞാല്‍ ഒഴിഞ്ഞ കിളികൂട്ടിലെ അവസ്ഥ.

എഴുത്തുകാരനായ ലിയനാര്‍ദോയുടെയും, ഭാര്യ മാര്‍ത്തയുടെയും ജീവിത യഥാര്‍ത്യങ്ങളുടെ വ്യത്യസ്തതയും, ഏകാന്തവും, ദൃശ്യ ബിംബങ്ങളുടെ മനോഹാരിതയും, ലിയനാര്‍ദോയുടെ സ്വകാര്യ വിഹ്വലതകളും, സൌന്ദര്യ പിണക്കങ്ങളും, അകല്‍ച്ചയും ഈ ചിത്രം അവതരിപ്പിക്കുന്നു. പറന്നു പോയ കുഞ്ഞിക്കിളികളെ ഓര്‍ത്ത് കൂട്ടില്‍ തനിച്ചിരിക്കുന്ന തള്ളക്കിളി, ലക്‌ഷ്യം ഇല്ലാതെ പറക്കുന്ന കളിപ്പാട്ടങ്ങള്‍, ചെറിയ അറിവിലേക്കുള്ള സന്‍ദേശങ്ങലാണ് . ലൈംഗീകതയും, സന്താനങ്ങള്‍ എന്ന കണ്ണികള്‍ക്കപ്പുറം ഇവരെ വീണ്ടും കൂട്ടി ഇണക്കുന്നതെന്ത് എന്ന ചോദ്യംപ്രേക്ഷകരില്‍ ബാക്കിയാക്കി ചിത്രം അവസാനിക്കുമ്പോള്‍ സ്വാര്‍ഥതയും, സ്നേഹവും ആണ് എല്ലാത്തിനും കാരണം എന്നു നാം വീണ്ടും ഓര്‍ക്കുന്നു.

സംവിധാനം:- ഡാനിയേല്‍ ബെര്‍മാന്‍

സ്ക്രീനിംഗ് ഡേറ്റ്:- ഡിസംബര്‍ പതിനൊന്ന്

"24 സിറ്റി"

2010-01-17T04:10:00.000-08:00

ചൈനയില്‍ ഗവണ്മെന്റ് ഉടമസ്ഥതയില്‍ ഉണ്ടായിരുന്ന ഒരു കൂറ്റന്‍ ആഡംബര കെട്ടിടമായി മാറിയതിന്റെ രാഷ്ട്രീയ സാമൂഹിക മാനങ്ങള്‍ ആണ് ഡോകുമെന്ററി ശൈലിയില്‍ ഒള്ള ഈ ചിത്രം കൈകാര്യം ചെയ്തത്.

മൂന്നു തലമുറ ഫാക്ടറി തൊഴിലാളികള്‍ കഥ പറയുന്നതിലൂടെ ചൈനയില്‍ കഴിഞ്ഞ അമ്പത് വര്‍ഷമായി സംഭവിച്ച ഭൌതീകവും, സാമൂഹികവും ആയ മാറ്റങ്ങള്‍ ഒരു ഒഴുക്കന്‍ രീതിയില്‍ പ്രേക്ഷകരില്‍ എത്തിക്കുകയായിരുന്നു "ജിയ ഷാന്ഗ് കെ " എന്ന ചൈനീസ് സംവിധായകന്‍.

ഓരോ കഥാപാത്രങ്ങള്‍ അവരുടെ അനുഭവങ്ങള്‍ പറയുന്ന രീതി പ്രേക്ഷകരില്‍, അഭിനെതാക്കാലോ, അതോ യഥാര്‍ത്ഥ അനുഭവസ്താരോ എന്നു സംശയം ഉളവാക്കുന്ന ഈ ചിത്രം കണ്ടു പൂര്‍ത്തീകരിക്കാന്‍ കുറച്ചധികം ക്ഷമിക്കെണ്ടി വന്നു. എന്തൊരു ബോറന്‍ സിനിമ എന്നു പറയുന്നതാവും ശരി.

സംവിധാനം: ജിയ ഷാന്ഗ് കെ
സ്ക്രീനിംഗ് ഡേറ്റ്: ഡിസംബര്‍ പതിമൂന്ന്.

"ട്രൂ നൂണ്‍"

2010-01-16T22:32:00.000-08:00

തീവ്രമായ സ്നേഹത്തിന്‍റെ ആഘോഷങ്ങ ള്‍ക്കിടയില്‍ മുള്‍വേലി കൊണ്ടു വിഭജിക്കു മ്പോള്‍ മനസ്സിന്‍റെ വേദന വിരഹത്തിന്‍റെയും, വിഭജനത്തിന്‍റെയും വേദനയായി മാറുന്നു.

താജിക്കിസ്ഥാനിലെ ഗയോണ്‍ ജില്ലയിലെ സീദി എന്ന ഗ്രാമമാണ് "സായി ഡോവ്" എന്ന റഷ്യന്‍ സംവിധായകന്‍ ട്രൂ നൂണിലൂടെ നമ്മളിലെത്തിക്കുന്നത്. U.S.S.R-നെ റഷ്യയും, താജികിസ്താനും, കസ്സാഖിസ്ഥാനുമായി വിഭജിച്ചപ്പോള്‍ നിഷ്കളങ്കമായ ഒരു ഗ്രാമവും, അവിടുത്തെ നിഷ്കളങ്കരായ ജനങ്ങളും മുള്‍ വേലികളുടെ അതിര്‍ത്തി വരംബുകളാല്‍ ഭാഗപ്പെട്ടു പോകുമ്പോള്‍ പാവം "നീലിഫര്‍" എന്ന സുന്ദരിക്കുട്ടിയും, അവളുടെ ഭാവിവരന്‍ (കാമുകന്‍) അസ്സീസ്സും വിഭജനത്തിന്‍റെ വേദന നുണഞ്ഞിറക്കുന്നു. ഒപ്പം ഈ ക്രൂരമായ ഭരണകൂടത്തിന്‍റെ ഇരകളായി മുള്‍ വേലികള്‍ക്കിരുവശത്താകുന്ന പാവം ഗ്രാമവാസികളും, ഭരണകൂടത്തി നെതിരെയുള്ള അവരുടെ ചെറുത്തു നില്‍പ്പുമാണ് "ട്രൂ നൂണ്‍" എന്ന സിനിമ. വിഭജനത്തിന്‍റെ വേദനയില്‍ ഉദിച്ച യഥാര്‍ത്ഥ വെളിച്ചം എന്നു പറയുന്നതാവും ശരി.

ഒന്ന് പോലെ കഴിഞ്ഞിരുന്ന ഗ്രാമവാസികളെ പെട്ടന്ന് വിരഹത്തിന്‍റെ തീരാ വേദനയിലേക്ക് തള്ളി-യിട്ടപ്പോള്‍ തകര്‍ന്നു വീണത്‌ കൊച്ചു കൊച്ചു ആശയങ്ങളും, നിശബ്ദമായഹൃദയ ഭാഷയും ആയിരുന്നു.

സിനിമകള്‍ എന്നും വെറും സമയം പോക്കു ആയി മാറുമ്പോള്‍ വെറും സാധാരണത്വത്തില്‍ നിന്ന് കൊണ്ടു തന്നെ മൃദുല ഭാഷയില്‍ പ്രേക്ഷകരില്‍ എത്തിക്കാന്‍ മറന്നു പോയില്ല നമ്മുടെ സംവിധായകന്‍ "സായി ഡോവും". ഭരണകൂടത്തെ അവഗണിച്ച്‌ ജാതിയുടെയും മതത്തിന്‍റെയും അതിര്‍ വരമ്പുകള്‍ തകര്‍ത്തെറിഞ്ഞു സ്നേഹമാണ് എന്‍റെ രാഷ്ട്രീയം, എന്‍റെ തത്വം, എല്ലാവരും സ്നേഹിക്കണം പരസ്പരം എന്ന സന്ദേശം ഉറക്കെ പറയുന്നു സംവിധായകന്‍. നല്ല സിനിമ എന്നു ട്രൂ നൂണ്‍ നെ ഉറക്കെ തന്നെ പറയാം.

"ട്രൂ നൂണ്‍"

സംവിധാനം :- സായി ഡോവ്

സ്ക്രീനിംഗ് ഡേറ്റ് :- ഡിസംബര്‍ പതിനാറ്

"ഷിറിന്‍"

2010-01-15T08:29:00.000-08:00

ഒരു വശത്ത് പീഡന പരമായ അനുഭവങ്ങളെ ക്രൂരമായും, പച്ചയായും "ആന്‍റി ക്രൈസ്റ്റ്" ലൂടെ ലാന്‍സ് വോണ്‍ ട്രയര്‍ അവതരിപ്പിക്കുമ്പോള്‍ ലളിതമായ ശൈലിയിലൂടെയും, പ്രമേയത്തിലൂടെയും പ്രേക്ഷകരിലെപ്രേക്ഷകരെനമ്മളില്‍ എത്തിക്കുന്നതാണ് അബ്ബാസ് കിരാസ്ടമിയുടെ 'ഷിറിന്‍'.

സിനിമയോടുള്ള കാഴ്ചപ്പാടുകള്‍ക്കു അധീതമായി അതി ലളിതമായി വിശേഷിപ്പിക്കുന്ന ഈ സിനിമ ഒരു ഡിജിറ്റല്‍ ക്യാമറ വെറുതെ പാന്‍ ചെയ്‌താല്‍ ഇങ്ങനെ ഒരു സിനിമ പിറവി എടുക്കും എന്നു മനസ്സിലായി. പന്ത്രണ്ടാം നൂറ്റാണ്ടില്‍ നിസ്സാമി ഗന്ജ്ജാമി രചിച്ച ഒരു പേര്‍ഷ്യന്‍ ത്രികോണ പ്രണയ കാവ്യമാണ് സിനിമക്കുള്ളിലെ സിനിമയായ ഷിറിന്‍. അര്‍മേനിയന്‍ രാജകുമാരിയായ ഷിറിന്‍റെ പ്രണയത്തിനു വേണ്ടി ദാഹിക്കുന്ന ഫര്‍ദാദ് എന്ന ശില്‍പ്പിയും ഖുസ്രോ എന്ന പേര്‍ഷ്യന്‍ രാജകുമാരനും തമ്മിലുള്ള ത്രികോണ പ്രണയ മത്സരമാണ് കഥാ വിഷയം. സിനിമക്കുള്ളിലെ ഈ സിനിമ ഘട്ടം ഘട്ടമായി പുരോഗമിക്കുമ്പോള്‍ ഇറാനിലെ യാഥാസ്ഥിതിക പ്രേക്ഷക സ്ത്രീകളുടെ മുഖത്തുണ്ടാവുന്ന വികാര പ്രകടനങ്ങള്‍ ആണ് ഈ ചിത്രത്തില്‍. 110 പ്രശസ്ത നടികള്‍ ആണ് ഈ ചിത്രത്തിലെ പ്രധാന കഥാപാത്രങ്ങള്‍. ഒരു സിനിമാ തീയേറ്ററില്‍ സിനിമ ആസ്വദിക്കുന്ന ഈ സ്ത്രീകളുടെ മുഖത്തു മിന്നി മറയുന്ന വിവിധ വികാരങ്ങളും അവരുടെ ഭാവനാലോകവും അതിലൂടെ ഷിറിന്‍ എന്ന കഥാ നായികയെയും നമ്മള്‍ മിനഞ്ഞെടുക്കുന്നു.

ശരിക്കും പറഞ്ഞാല്‍ കാഴ്ച്ചയെ തിരിഞ്ഞു നോക്കുന്ന ഒരു അവസ്ഥ, ഒപ്പം സുന്ദരികളായ ഇറാനി സ്ത്രീകളുടെ അഭിനയ-ത്തിന്റെ മോഹനമായ ഈ കാഴ്ച മുഴുവനായി സിനിമയെ ആസ്വദിക്കാന്‍കഴിഞ്ഞില്ല എങ്കിലും വ്യത്യസ്തത എന്നത് ശ്രദ്ധേയമാണ്. ചലച്ചിത്ര മേളയില്‍ ഷിറിന്‍ ഓര്‍ത്തിരിക്കാന്‍ കഴിയുന്ന ഒരു ചിത്രമായിരുന്നില്ല.

സംവിധാനം :- അബ്ബാസ് കിരാസ്ടമി
സ്ക്രീനിംഗ് ഡേറ്റ് :-ഡിസംബര്‍ പതിമൂന്ന്

"ആന്‍റിക്രൈസ്റ്റ്"

2010-01-12T10:00:00.000-08:00

ഈസിനിമയെ എങ്ങനെവിശേഷിപ്പിക്കാന്‍.....

എങ്ങനെ വിശദീകരിക്കാന്‍....... അറിയില്ല. എല്ലാം അതിരുകള്‍ക്കപ്പുറം.

ഒരുപാടു അസ്വസ്ഥതകളും, മരവിപ്പുകളും ബാക്കിയാക്കി ഓരോ ദൃശ്യങ്ങളും കണ്കൊനുകളില്‍ അവശേഷിപ്പിച്ചു "ആന്‍റി ക്രൈസ്റ്റ്" കടന്നു പോകുമ്പോള്‍ വെറും ഒരു പൈങ്കിളി അനുഭൂതിയായി ഈ ചിത്രം അവശേഷിക്കുന്നില്ല. വിശദീകരിക്കാനാവാത്ത ദൃശ്യങ്ങളിലൂടെ ദാരുണമായ പ്രമേയം 'ലാന്‍സ് വോണ്‍ ട്രയര്‍' മഹത്തരമായി ത്തന്നെ പ്രേക്ഷകരില്‍ എത്തിക്കാന്‍ മറന്നില്ല.

സിനിമ സങ്കല്പ്പംഗല്‍ക്കും അപ്പുറം ഇങ്ങനെയും ഒരു സിനിമ.വിചിത്രവും ഭയാനകവും ആയ ഒരു അവസ്ഥയിലേക്ക്

പ്രേക്ഷകരെ കൊണ്ടു എത്തിക്കുന്നു. സ്വന്തം കുഞ്ഞിന്‍റെ മരണശേഷം ഉണ്ടായ ആഘാതത്തില്‍ നിന്നും, മാനസിക പ്രശ്നംഗളില്‍ നിന്നും ഭാര്യയെ രക്ഷിക്കാനുള്ള ഒരു ഭര്‍ത്താവിന്‍റെ നിസ്സഹായ അവസ്ഥ ഒരു തെരാപ്പിസ്റ്റ്‌ ആയ അദ്ദേഹം ഒരു വിലക്കുകളെയും മാനിക്കാതെ ഭാര്യയെ പഴയ അവസ്ഥയിലേക്ക് കൊണ്ടു വരാന്‍ ശ്രമിക്കുന്നു. അതിനായി വനത്തിനുള്ളിലെ ഏദന്‍ എന്ന കൊച്ചു കുടിലിലേക്ക് കുറച്ചു കാലം ചിലവിടാന്‍ പോകുന്ന ഇവരെ ഭയാനകമായ അവസ്ഥയിലേക്ക് കൊണ്ടെതിക്കുകയാണ് ച്ഹയഗ്ര-ഹകാനും, സംവിധായകനും. ഒന്നേമുക്കാല്‍ മണിക്കൂര്‍ സമയം തിയേറ്ററില്‍ മാനസിക പിരിമുറുക്കം അനുഭവിക്കേണ്ടി വന്നപ്പോള്‍ വെറുതെ എങ്കിലും ഒരു നിമിഷം സംവിദായകനായ ലാന്‍സ് വോണ്‍ ട്രയെര്‍ ഒരു 'സാഡിസ്റ്റ് ' ആണോ എന്നു ചിന്തിച്ചു പോയി.

ഓരോസീനുകളും നെടുവീര്പുകളോടെ വീക്ഷിക്കുമ്പോള്‍ ഒരു തവണയെങ്കിലും അറിയാതെ എന്റെ ദൈവമേ എന്നു വിളിച്ചു പോകുന്ന ഒരു സിനിമ ചിത്രീകരിക്കാന്‍ കഴിയുക എന്നത് വിമര്‍ശനാത്മകം തന്നെ. ഇത് സംഭവീയമോ, അസംഭവീയമോ.........??? ഓരോ സംശയങ്ങള്‍ ബാക്കി നില്‍ക്കുന്നതരത്തിലുള്ള ഈ സിനിമ മനുഷ്യന്‍റെ ഭ്രാന്തമായ ആവേശവും, അവസ്ഥയും പച്ചയായി ആവിഷ്കരിക്കുക എന്നത് നിസ്സാരകാര്യമല്ല. ആത്മഹത്യയും, ബലാല്‍സംഘവും ദിനം പ്രതികൂടന്ന നമ്മുടെ സമൂഹത്തില്‍ നഗ്നതയും പീഡനവും, സ്വയംഭോഗവും, ലൈഗികതയും നിറഞ്ഞു നില്‍ക്കുന്ന സ്ക്രീനുകള്‍ . ഓരോദൃശ്യങ്ങളും അനുയോജ്യമാംവിതം ശബ്ദ മിശ്രണം. ഈ സിനിമയെ മോശമെന്നോ. നല്ലതെന്ന് പറയാന്‍ 'കണ്‍ഫ്യു-ഷന്‍തീര്‍ക്കണമേ എന്നു ഉറക്കെ പാടെണ്ടിയിരിക്കുന്നു.

സംവിധാനം:-ലാന്‍സ് വോണ്‍ ട്രയര്‍

"വിസ്പര്‍ വിത്ത് ദി വിന്‍ഡ്"

2010-01-10T03:11:00.000-08:00

കുര്‍ദിസ്ഥാന് ‍പട്ടാളക്കാരുടെ സംഘര്‍ഷങ്ങളെ അതിജീവിച്ച ജനങ്ങളുടെ വൈകാരികതയുടെ സ്പന്ധനമാണ് ഷഹ്രംഅലി 'വിസ്പേര്‍ വിത്ത് ദി വിന്‍ടി' ലൂടെ നമുക്ക് കാഴ്ചവച്ചത്. ഇവിടെ ജീവിതവും മരണവും പുറം തിരിഞ്ഞു മുന്നേറുമ്പോള്‍ കാറ്റ് ഒരു രാജ്യത്തിന്‍റെ,ജനത്തിന്‍റെ ശബ്ദമായി മാറുന്നതുംമനസ്സിന്‍റെ ഉള്‍കോണു കളില്‍ തണുപ്പിന്‍റെ അംശമായി അലയടിക്കുന്നതും സിനിമ കണ്ടിറങ്ങുമ്പോള്‍നമ്മള്‍ അറിയുന്നു. ഓരോ സീനുകളും നിറഞ്ഞ ഇഷ്ടത്തോടെ ആസ്വദിക്കാനും പുത്തന്‍ സംസ്കാരങ്ങളെ അനുഭവിക്കാനും കഴിഞ്ഞു എന്നുള്ളത് ഒരു വാസ്തവം തന്നെ

ഇറാഖിലെ കുര്‍ദിസ്ഥാന്‍ മേഖലയില്‍ ജോലി ചെയ്യുന്ന പോസ്റ്മാനു മന്ദമാരുതന്റെ സ്പന്ദനം പോലെ ഒരു നിയോഗം ലഭിക്കുന്നു. അവിടത്തെ കമാന്റെര്‍, തനിക്കു പിറക്കാനിരി-ക്കുന്നകുഞ്ഞിന്റെ ആദ്യത്തെകരച്ചില്‍ റിക്കോട്ചെയ്തു തനിക്കു കേള്‍ക്കണം എന്നു ആവശ്യപ്പെടുന്നു. കഥാനായകന്‍ മാം ബെല്പെന്‍ കമാന്റെരുടെ ആവിശ്യം ഒരു കടമയായി സ്വീകരിച്ചു സംഘര്‍ഷങ്ങളെ അതിജീവിച്ചു പിറന്നു വീഴുന്ന കുഞ്ഞിന്‍റെ ആദ്യ നിലവിളിശബ്ദം റെകോട്ചെയ്യാനായി ആ ഗ്രാമത്തില്‍ എത്തുമ്പോള്‍ വെറും ശൂന്യമായ ഒരു പ്രദേശം അദ്ധേഹത്തെ സ്വീകരിക്കുന്നു. എല്ലാവരെയും മറ്റെവിടെക്കോ പാലായനം ചെയ്തിരിക്കുകയാണ്. കമാന്ടെരുടെ ഭാര്യയെ അന്വേഷിച്ചുള്ള പോസ്റ്റ്‌ മാന്‍റെ യാത്ര ഒരു യുദ്ധം എങ്ങനെയാണ് നമ്മളെ ഒരു വൈകാരികതയില്‍ എത്തിക്കുന്നത് എന്നു കളംഗം ഇല്ലാതെയഥാര്‍ത്ഥ ഹൃദയവികാരതയോടെ തുടിക്കുന്ന ദ്രിശ്യങ്ങളായി "വിസ്പേര്‍ വിത്ത്‌ ദി വിന്ടു"മാറുമ്പോള്‍ അറിയാതെ എങ്കിലും നല്ല സിനിമ എന്നു പറയാതിരിക്കാന്‍ കഴിയില്ല.

പിറന്നുവീഴുന്ന കുഞ്ഞിന്‍റെ ആദ്യത്തെ കരച്ചില്‍ ഒരു രാജ്യത്തിന്റെ, ഒരു ജനതയുടെ പുനര്‍ജന്മമായി ചിത്രീകരിച്ചത് കൊണ്ടായിരിക്കാം..... ഒരു നല്ല ചിത്രം എന്നും ഒരു നാടിന്‍റെ നല്ല സംസ്കാരത്തിന്റെ നേര്‍ ചിത്രത്തെതുറന്നു കാട്ടുന്നു. നല്ല സിനിമകളില്‍ എന്നും പ്രകൃതി വഹിക്കുന്ന പങ്കു, അതിന്റെ ചിത്രീകരണ ശൈലി, വ്യത്യസ്തമായ ഓരോ സീനുകളും, പ്രകൃതി ഭംഗിയും ഇനിയെത്ര ചലച്ചിത്ര മേളകള്‍ കടന്നു പോകുമ്പോളും മനസ്സില്‍ മായാതെ അവശേഷിപ്പിക്കും............

സംവിധാനം: ഷഹ്രം അലി ദി

സ്ക്രീനിംഗ് ഡേറ്റ് : ഡിസംബര്‍ പന്ത്രണ്ട്

ഓര്‍മ്മ

2009-12-04T22:53:00.000-08:00

ഓരോ കിനാവിലും ആരുമറിയാതെ ,
ഓര്‍മ്മയില്‍നിന്നും ഊര്‍ന്നു പോകുന്നു
അവശേഷിക്കുന്ന മൗനത്തിന്റെ
കൂടുകളില്‍ നിന്നും
ആരവങ്ങളിലേക്ക് ...
അന്തതയിലേക്ക് .......
പക്ഷികള്‍ പറന്നു പൊങ്ങുന്നു ......

2009-12-04T22:44:00.000-08:00

വാക്ക്‌ :-എനിക്കും നിനക്കും ഇടയില്‍
           അകലമിടുന്ന നിര്‍ണ്ണായക രേഖ
           സൗഹൃദത്തിന്റെ മരണത്തിനും ,
           ജനനതിനുമുള്ള ഒറ്റമൂലി .
മൗനം:-വാക്കുകള്‍ വഞ്ചിച്ചപ്പോള്‍
            ഞാന്‍ മൗനിയായി.
സ്നേഹം:-എല്ലാവരെയും ആകര്‍ഷിക്കുന്ന
             കാല്‍പ്പനിക മുദ്രാവാക്യം .
            മാറാരോഗത്തിനുള്ള കിട്ടമരുന്നു.
വിശപ്പ്‌ :-പ്രപഞ്ച അത്ഭുതങ്ങളിലെ
             പ്രധമ സമസ്യ .
മതം :-ഹൃദയ വിശ്വാസം നഷ്ട്ട പെട്ടവരുടെ
         വിശ്രമ കേന്ദ്രം .
നിനക്കു ഞാന്‍ :-നീ എനിക്കെന്തോ ......
                      അത് തന്നെ
                      നാം പരസ്പരം കണ്ണാടിയാണ്
മരണം:-മരണമാണ് സുഖമെന്ന് ഒരുകൂട്ടര്‍
              ''അവര്‍ ഏകാന്തതയില്‍ ദുഖത്തിന്റെ തടവുകാര്‍ ''

''കാത്തിരിപ്പ്‌ ''

2009-12-04T22:11:00.000-08:00

   ഒരു വിട വാങ്ങലിനായി കൊതിച്ചു കൊണ്ടു .....
മൃത്യുവിന്‍ വിഷഗന്ധം തേടി മരണത്തെ ഞാന്‍
കാത്തിരുന്നു..ഒരിക്കല്‍.........................
''വ്യര്‍ത്ഥമാം ജീവിത നൗകയില്‍ ഏകയായി
മൃത്യുവിന്‍ വിഷ ഗന്ധം ശ്വസിക്കുവാന്‍
മാത്രകള്‍ എണ്ണി കഴിയുന്നു ഞാന്‍ മരണമേ .................
ഇനിയുമെത്താത്തതെന്തു നീ .......................?
           മറന്നു ഞാന്‍ എന്‍ അമ്മയെ
           പിറന്നോരെന്‍ കുലത്തെയും
           മണ്ണടിഞ്ഞു പോയൊരെന്‍
           രക്ത ബന്ധങ്ങളെയും,
            മരണമേ .................
            ഇനിയുമെത്താത്തതെന്തു നീ ............??
മരിച്ച ചിന്തതന്‍ ശവങ്ങള്‍ നാറുന്നു
മടുപ്പിന്റെ മാറാപ്പിനു ഏറുന്നു കനം
മടുത്തു ഞാന്‍ ഈ യുവത്വം
മരണമേ .............................
ഇനിയുമെത്താതതെന്തു നീ ...........???
       മൃത്യുവിന്‍ മുലപ്പാല്‍ നുകരുവാന്‍
       മാവ് മുറിച്ചു ചിതയൊരുക്കി ഞാനെന്‍
      മനസ്സും ഭാഗം വച്ചു കാത്തിരിക്കുന്നു
      മരണമേ ............................................
      ഇനിയുമെത്തതെന്തു നീ ...............????
''മൃത്യുവേ സ്മരിക്കുവോര്‍ വിഡ്ഢികള്‍ ''
എന്‍ ഓര്‍മ്മ തന്‍ താളിലാരോ കുറിച്ചിട്ടു
ആ താളും കീറിയെന്‍ചിതയിലേക്ക്
എറിഞ്ഞു ഞാന്‍ കാത്തിരിക്കുന്നു
മരണമേ ......................................
ഇനിയുമെത്താതതെന്തു നീ............?????
      വേനലന്നു,പെമാരിയോഴിഞ്ഞു
      കര്‍ക്കിടക വാവ് കഴിഞ്ഞു
      ബലി കാക്കയും പറന്നകന്നു
       കാലം ഉരുളുന്നു അന്തമായി
      മരണമേ .....................................
      ഇനിയുമെത്തതെന്തുനീ ...........??????????????????????
                               -സ്മിത-

"ഒടുവില്‍ നിന്നെ ഞാന്‍ അറിയുന്നു "

2009-11-29T02:26:00.000-08:00

ഒടുവില്‍ .......................................
ഓരോ സ്വപ്നങ്ങളുടെയും പിറകില്‍
വാരാര്‍ന്ന ജീവിതത്തില്‍
വര്‍ണ്ണ വാനികനായി
വിദ്രുമ വിഭൂഷിതനായി
നിന്നെ ഞാന്‍ കാണുന്നു ....
നിലാവിന്റെ പട്ടുടുത്ത
ഈ മണിസൗധത്തില്‍
തേങ്ങുന്ന യാമത്തില്‍
വണ്ടുകള്‍ മൂളുമ്പോഴും
ദുരന്തങ്ങള്‍ക്ക് അപ്പുറം
നിന്റെ ശാന്തി തീരം ഉണ്ടെന്നു
അറിയുന്നു ഞാന്‍ ................,,,,,,,,,,,

സ്മിത

"മനസ്സ് "

2009-11-29T02:10:00.000-08:00

"അറിയുമോ എന്റെ സഹയാത്രികയെ ........................ ഇവളാണ് എന്‍ സഹയാത്രിക ........"

എന്റെ ദുഖങ്ങളില്‍ എന്നും ഞാന്‍

മാത്രമായിരുന്നു എന്റെ സഹയാത്രിക.

പോട്ടിചിരിക്കേണ്ട സമയങ്ങളില്‍

ഞാന്‍ എന്റെ ഉള്ളില്‍ ആനന്ദത്തിന്റെ

മത്താപ്പൂക്കള്‍ കൊളുത്തി വിട്ടു.

ആത്മ സംഘര്‍ഷത്തിന്റെ കടുത്ത വേദനയില്‍

ഞാന്‍ എന്റെ മനസ്സിലെ ഏറ്റവും

വിശ്വസ്തയായ സുഹൃത്തായി .

തോല്‍വികള്‍ നല്‍കിയ കറുത്ത കരിമ്പടം

ഞാന്‍ എന്റെ മനസ്സിന്റെ കളിമുറ്റെത്തു

എന്റെ സ്വപ്‌നങ്ങള്‍ക്ക് മേയാന്‍ വിരിച്ചു കൊടുത്തു.

ആ സ്വപ്‌നങ്ങള്‍ പൂക്കാതെ എന്‍ മനസ്സിന്റെ

കാന്‍വാസില്‍ ഉരുകി ഒലിച്ചപ്പോള്‍

ഞാന്‍ എന്റെ ഉള്ളില്‍ അമ്മയായി.

പുത്തെന്‍ നക്ഷത്രങ്ങള്‍ എന്റെ മനസ്സിലെ

ആകാശത്തില്‍ വിരിഞ്ഞപ്പോള്‍ ഞാനെന്റെ മനസ്സിന്റെ

തിരശ്ശീലയില്‍ സത്യാ സത്യങ്ങള്‍ ഉരുക്കിയോഴിക്കുന്ന

സ്നേഹത്തിന്റെ ഗുരുവായ

തെറ്റുകളില്‍ നിന്നും, തെറ്റുകളിലേക്കുള്ള

നീണ്ട ഘോഷയാത്രയില്‍ ഞാന്‍ എന്റെ മനസ്സില്‍

സ്നേഹത്തിന്റെ അധികാരം ആജ്ഞ്ഞയാവുന്ന

അമ്മയെ സ്വപ്നം കണ്ടു.

മനസ്സിന്റെ വിളറിയ പിന്നാമ്പുറങ്ങളില്‍

നിസ്സംഗതയുടെ കറുത്ത കട വാവലുകള്‍

ചിറകടിച്ചപ്പോള്‍ ഞാനെന്‍ മനസ്സില്‍

ഗീതയും ഋഗ്വേദവും ശാന്തിയുടെ നിറദീപമാക്കി.

എന്റെ മനസ്സ് എന്നിട്ടും ദുരൂഹതയുടെ കനത്ത-

തിരശീലക്കു പുറത്തും എന്നും എനിക്കന്യമായി

കടിഞ്ഞാണ്‍ പൊട്ടി ചക്രങ്ങളുടെ ബന്ധങ്ങള്‍

നഷ്ട്ടമായ കുതിരവണ്ടിക്കാരന്റെ

അലറിക്കരയുന്ന പാവം മനസ്സ് മാത്രം.

എനിക്കെന്‍ മനസ്സില്‍ ഒരിക്കലും മരിക്കാത്ത സ്നേഹമായി ....

ആ സ്നേഹം എന്റെ മനസ്സുമായി ...........................

സ്മിത

''തീവ്രാനുരാഗം''

2009-11-22T03:39:00.000-08:00

ഇന്നലെ പൗര്‍ണമി ആയിരുന്നു.നിദ്ര അനുഗ്രഹിക്കാന്‍ മറന്നുപോയതോ,അതോ കുസൃതി കാട്ടിയതോ ......? അറിയില്ല ...നീയെനിക്ക് സൂര്യനോ, ചന്ദ്രനോ ......?നീയെന്നെ നിലാവെന്നു വിളിച്ചിട്ടുണ്ട് പലപ്പോളും,പക്ഷേ നിനക്കുതെറ്റി.ഞാന്‍ സൂര്യനാണ് .അത് ഞാന്‍ മനസ്സിലാക്കുന്നത് നീ അരികിലേക്ക് വരുമ്പോഴാണ് .നിന്റെ സാന്നിദ്യം സമ്മാനിക്കുന്ന തണുപ്പ് അനുഭവിച്ചു അറിയുന്നത്.അതെ !നിന്റെ സ്നേഹത്തിന്റെ ശീതലതയുല്കൊള്ളന്‍ എനിക്കാവില്ല.കാരണം എന്റെ പ്രഭാത രശ്മികളും ,തീക്ഷണതാപവും പോക്കുവെയിലും ലഭിച്ചില്ലഎങ്കില്‍........വേണ്ട കാര്‍മേഘത്തെ ഞാന്‍ ക്ഷണിക്കുകയാണ്‌.എന്നെ മറയ്ക്കട്ടെ പൂര്‍ണമായും;
   നിന്റെ സാമീപ്യം ഞാന്‍ ആഗ്രഹിക്കുന്നില്ല .കാരണം നീയെന്റെ പരാജയമാണ് എന്നെ തളര്‍ത്തിതനുപിച്ചിട്ടു നിന്റെ പരിഹാസച്ചിരി,അത് ഞാന്‍ കണ്ടിട്ടുണ്ട് പലവട്ടം.പക്ഷേ ആ പരിഹാസം എനികിഷ്ടമാണ് .എന്തെന്നാല്‍ സ്നേഹിക്കാന്‍ മാത്രമേ എനിക്കറിയു ......നിന്റെ മനസിന്റെ വലുപ്പം,വേദന ,അതെനിക്കരിയാമയിരുന്നു .മൗനത്തിന്റെ വാല്മീകത്തില്‍ അഭയംതേടുന്നതിന്റെ പിന്നില്‍ സ്വാര്‍ത്ഥ ലാഭങ്ങളുടെ ചതുരംഗകളികളാണ്.അതും നീ പഠിച്ചിടുണ്ടാവുമല്ലോ.ദുരുഹതകള്‍ അവശേഷിപ്പിക്കുക എന്റെ രീതിയാണ്‌എന്നു നീ തെറ്റിധരിച്ചു.അല്ല, നോക്കു ഇതെല്ലം മുകളിലുള്ള വിദ്വാന്റെ ചരടുവലികളാണ്.പരസ്പരം അളന്നു തൂക്കാനുള്ള പാവകളിപ്പിക്കള്‍.അത് നമുക്ക് എത്ര മധുരമുള്ള ഓര്‍മ്മകള്‍ സമ്മാനിച്ചു.ഒപ്പം വേദനയും...........പിണക്കങ്ങള്‍ നമ്മെ ശിശുക്കള്‍ ആക്കി.ഇണക്കങ്ങള്‍ പക്വതയും.നീയെനിക്കുവേണ്ടി ചെയ്ത ഓരോനന്മകളും എനിക്ക് തീരാത്ത വേദനകള്‍ ആണല്ലോ സമ്മാനിച്ചത്‌.അതിന്റെ ഉദ്വേശ ശുദ്ദിയെ ഞാന്‍ ഉള്കൊള്ളുന്നുണ്ടായിരുന്നു.പക്ഷേ ത്രാസില്‍ വേദനക്കയിരുന്നു പ്രാമുഖ്യം.അത് നമ്മുടെ കുറ്റമല്ല.സൂര്യന്റെ സാന്നിദ്യത്തില്‍ ചന്ദ്രന് അസ്ഥിതമില്ലല്ലോ ...തിരിച്ചും .
        എനിക്ക് പരാതിയില്ല.ഞാന്‍ നിന്നെ ശപിചിട്ടില്ല.കാരണം നിന്റെ സ്നേഹത്തിന്റെ ആഴമറിയാതെ നിന്നെ ഞാന്‍ വേദനിപ്പിച്ചു.പരിഹസിച്ചു .പകരം തരാന്‍ ഞാന്‍ അഭിനയിച്ചു.നീറുന്ന മനസ്സോടെ ...................................
ഈ അശരീരി കേള്‍ക്കു .. ''ബുദ്ധിയുള്ള വിഡ്ഢികള്‍ ''
                                      ''സൗഭാഗ്യമുള്ള ഭാഗ്യദോഷികള്‍''
ശരിയല്ലേ....പക്ഷേ ഇതിനെ നാം സ്വീകരിക്കെണ്ടിയിരിക്കുന്നു.കാരണം പൂര്‍ണതയുടെ അവസാന വാക്ക് മരണമാണ്,സര്‍വനാശം ആണ് .എങ്കിലും വസന്തം ഒരിക്കല്‍ ഭൂമിയെ സുന്ദരിയാക്കും...അല്ലങ്കില്‍ ഒരു നിയോഗം പോലെ ....ആ ദിനം സമാഗമം പിന്നീട് പെയ്ത മഴയുടെ തുല്യം കണ്ണീരു വീണു തണുതിട്ടോ ?
അതോ,ഗ്രഹണതിലോ ..............?..........??..........???
Smitha

2009-11-15T22:04:00.000-08:00

പ്രകൃതിയെ കാര്‍ന്നുതിന്നുന്ന വിഷച്ചുരുളുകള്‍ .....

മണ്ണിലും ജലത്തിലും വായുവിലും വിഷം നിറച്ചുകൊണ്ട് മലിനീകരണം സാന്ദ്രീകരിച്ച വിഷപര്‍വങ്ങളിലൂടെ കൊല്ലം ജില്ലയിലെ K M M L.....

ലാഭക്കൊതിയുടെ ക്രൌരങ്ങള്‍ ചവറയുടെ മണ്ണില്‍ വിതച്ചത് ഹൃദയശൂന്യതയുടെ വിഷവിത്തുകള്‍ ആണ്. മണ്ണിര പോലും

ഇല്ലാത്ത ഊഷരഭൂമിയായി ചവറയെ മാറ്റിയത് ലാഭാര്‍ത്തിയുടെ ഉദ്യോഗസ്ഥരോ ഭരണാധികാരികളോ രാഷ്ട്രീയക്കാരോ???

പരിസരവാസികളുടെ ആര്യോഗ്യത്തിനു ഭീഷണിയായി നില്‍കുന്ന 'കേരള മിനറല്‍സ് ആന്‍ഡ്‌ മെറ്റല്‍സ്‌ ലിമിറ്റഡ് " ന്‍റെ

മാലിന്യങ്ങള്‍ ഒരു നാടിനെ നശിപ്പിക്കുന്ന ഭീകരതയിലേക്ക് വളര്‍ന്നുകൊണ്ടിരിക്കുന്നു.

ആസിഡ്‌പൂളില്‍ കൂടി കിനിഞ്ഞിറങ്ങുന്ന ആസിഡ്‌ വെള്ളം ഭൂഗര്‍ഭ ജലത്തില്‍ നിന്ന് ചുറ്റും
ശുദ്ധജല ഉറവകളെയാകെ പുളിപ്പിച്ചുകളയുന്നു. ഒരിറ്റു ദാഹജലത്തിനു തൊണ്ട ഇടറുന്ന

ചവറയുടെ ദുരിതകാലം.ആസിഡ് റികവറി പ്ലാന്‍റില്‍ നിന്നും ടൈട്ടനിയം റെക്ട്രക്ലോറൈഡ് ടാങ്കില്‍ (ടിക്കില്‍ ടാങ്ക്)തുരുമ്പ്പിടിച്ചഗ്യാസ് പൈപ്പുകളില്‍

നിന്നും പടര്‍ന്നു നിറയുന്ന വിഷവായുവിന്റെ സാന്ദ്രത ഈ നാടിനെ രോഗതുരമാക്കുന്നു.

വര്‍ഷം 360 കോടി രൂപ വിറ്റുവരവുള്ള ഈ കമ്പനിയുടെ ഒരു ശതമാനം പോലും ക്ഷേമ പ്രവര്‍ത്തനങ്ങള്‍ക്കോ,മലിനീകരണ നിയന്ത്രനതിനോ ഉപയോഗിക്കപ്പെടുന്നില്ല.

മലിനികരണനിയന്ത്രണ ബോര്‍ഡ്‌ ഒരുനോക്കുകുത്തിയായ റബ്ബര്‍ സ്റ്റാമ്പ് മാത്രമാണ്.

വായുവും മണ്ണും ജലവും പരിപൂര്‍ണമായി മലിനീകരിച്ച മാനേജ്മെന്റിന് എതിരെ ഒരു പ്രോസികൂഷന്‍ നടപടിപോലുംഎടുക്കാനാവാത്ത മലിനീകരണബോര്‍ഡ്‌.
ക്ഷേമപ്രവര്‍ത്തനങ്ങള്‍ക്ക് എന്ന പേരില്‍ രാഷ്ട്രീയകാരന്റെ മടിശീലകളില്‍ നക്കാപിച്ച

കുത്തിനിറയ്ക്കുന്ന ഒരു വെല്‍ഫെയര്‍ ബോര്‍ഡായി മാറുകയാണ്.

"ഈ നീലവാനങ്ങളിലും തഴുകിവരുന്ന ഇളംകാറ്റിലും

കളകളം പാടുന്ന അരുവികളിലും വിഷം തുപ്പുന്ന

മാനേജ്‌മന്റ്‌ അസുരന്മാര്‍.."‍എല്ലാചോദ്യങ്ങള്ക്കും,എല്ലാ നിര്‍വചനങ്ങള്‍ക്കും പോരാട്ടങ്ങള്ക്കും അപ്പുറത്തേക്ക് ഇവര്‍

അതിജീവനം നേടിയിരിക്കുന്നു. ആരുടെ ഇച്ചാശക്തിക്കും

അപ്പുറത്തേക്ക് അതിജീവനം നടത്തിയ ഈ രോഗാണുകള്‍ക്ക് വാക്സിന്‍ നിര്‍മിക്കാന്‍ കഴിയുനില്ല.
കോടതികളുടെ വിധിന്യയങ്ങളെ നിസംഗതയോടുകൂടി നിഷേധിക്കാന്‍ ഇവര്‍ക്ക് ശേഷി നിറച്ചു കൊടുക്കുന്നമൂന്നാംകിട രാഷ്ട്രീയ ഭിക്ഷാമ്ധേഹികള്‍ ഉണ്ടിവിടെ .നിയമം വാക്കുകളില്‍ മരിച്ചുകിടക്കുന്നതിന്റെ അതീവദയനീയ ദുരന്ത കാഴ്ചകളാണ് ഇവിടെ.

പച്ചപ്പും മത്സ്യവും, ഗ്രാമ്യതയും, തകിടംമറിഞ്ഞു ശോഷിച്ചു പോയ ഹൃദയഭേദകമായ ദുരിതങ്ങളാണ് ഇവിടെവിടെയും.ഇവിടെ ആത്യന്തികമായി ജനങ്ങള്‍ക്ക്‌ ആശ്രയിക്കാന്‍ കഴിയുന്നത് നിയമഞരെയും ,നിയമപാലകരെയും ഭരണാധികാരികളെയും ആണ്.നിയമം ജനങ്ങള്‍ കൈയ്യിലെടുക്കുന്നത്

ജനങ്ങള്ക്ക് വേണ്ടി ഇവര്‍ നന്മകള്‍ ചെയ്യാതിരിക്കുമ്പോള്‍ ആണ്. മലിനീകരണം സാന്ദ്രീകരിച്ച ഈ ഭൂമിയിലേക്ക് മേലധികാരികളുടെ ശ്രദ്ധ ഞങ്ങള്‍ ക്ഷണിക്കുന്നു...

Investigative report - by Smitha &;Arya

The Tsunami

2009-10-20T10:41:00.001-07:00

Tsunami is a set of ocean waves caused by any large, abrupt disturbance of the sea-surface. If the disturbance is close to the coastline, local tsunamis can demolish costal communities within minutes. A very large disturbance can cause local devastation and export tsunami destruction thousands of miles away. The word Tsunami is a Japanese word represented by two characters “Tsu” meaning harbor and “nami” meaning wave. Tsunami rank high on the scale of natural disasters.

Since 1850 alone, Tsunamis have been responsible for the loss of over 420000 lives and billions of dollars of damage to coastal structures and habitats. For e.g. The December 26, 2004 Tsunami killed about 130000 people close to the earthquake and about 58000 people on distant shores. Predicting when and where the next Tsunami will strike is currently impossible.

Tsunamis are most commonly generated by earthquakes in marine and coastal regions. Major Tsunamis are produced by large(greater than 7 on the Richter Scale) shallow focus ( < 30 km depth in the Earth) earthquakes associated with the movement of the sea floor produced a Tsunami in the excess of the 30 meters along the adjacent coastline killing more than 240000 people. From this source the Tsunami radiated outward and within 2 hours had claimed 58000 lives in Thailand, Sri Lanka and

India

26^th December, 2004- Kerala experienced the first ever Tsunami in its recorded history. When the phenomenon occurred; people could not gauge the magnitude of the disaster caused by these monstrous waves. The welling up and retreat of the sea initially attracted the curiosity of people. The scene suddenly changed and high amplitude waves invaded the low-lying coastal tracts of the southern districts of Kerala claiming 175 lives, leaving thousands injured and homeless and causing damage to property worth crores of rupees.

The coastal tracts of Kerala on the South-West of Indian peninsula does not come in the direct face of the wave generated at Banda-Aceh. But these waves reached the coast of Kerala, a far- field destination about 2500 km away. Apart from the long distance from the epicenter, this coast was considered as a shadow zone as far as Tsunami hazards are concerned. The wave orthogonal drawn on the mega ripples generated from the epicenter clearly shows that the Kerala coast is far away from the direct impact of the Tsunami.

The effects of Tsunami were felt all along the coast of Kerala. But the impact was not uniform throughout. The intensity drastically changed even in the main disaster zone. This is mainly due to the variations in the coastal geomorphology and the near shore submarine topology.

Regarding the measures of mitigation, the most important factor to be considered is educating people about Tsunami and the cues that nature provides before a Tsunami hits the coast. More bridges are to be constructed across the backwaters for effective evacuation of the people from the densely populated barrier beaches. Preservation of natural coastal dunes and mangrove forests along with coastal afforestation can reduce the impact of the aggressive waves.

-Smitha-

"ലാഭനഷ്ടങ്ങള്‍ "

2009-10-20T03:02:00.000-07:00

ആദ്യം ജനനം എന്ന ലാഭം;

വിടരുന്ന പുഷ്പം പോലെ....

പിന്നെ സുരക്ഷ എന്ന നഷ്ടം;

ഒപ്പം ശൈശവം എന്ന ലാഭം.

കുഞ്ഞുഓളങ്ങളുടെ നിഷ്കളങ്കത പോലെ....

പിന്നെ അമ്മിഞ്ഞ എന്ന നഷ്ടം;

ഒപ്പം ബാല്യം എന്ന ലാഭം

കുപ്പിവളകളുടെ പൊട്ടിച്ചിരികള്‍ പോലെ....

പിന്നെ കുറുമ്പ് കളുടെ നഷ്ടം;

ഒപ്പം കൗമാരം എന്ന ലാഭം

മഴവില്ലിന്‍ വരവര്‍ണ്ണം പോലെ....

പിന്നെ കുസൃതികളുടെ നഷ്ടം;

ഒപ്പം യൗവനം എന്ന ലാഭം

മയില്‍പീലിയുടെ മനോഹാരിത പോലെ....

പിന്നെ മോഹങ്ങളുടെ നഷ്ടം;

ഒപ്പം വാര്‍ദ്ധക്യം എന്ന ലാഭം

സഭലയാഥാര്‍ഥ്യം പോലെ....

പിന്നെ ജീവിതം എന്ന നഷ്ടം;

ഒപ്പം മരണം എന്ന ലാഭം

മഞ്ഞുകണതിന്‍ ആര്‍ദ്രതപോലെ....

ഒടുവില്‍ ലാഭനഷ്ടങ്ങളുടെ കണക്കുകള്‍ ഒരു നീണ്ട പട്ടിക പോലെ...........................

സ്മിത.

എങ്ങനെ വിജയിക്കാം?

2009-10-13T03:00:00.000-07:00

ജീവിതത്തില്‍ എങ്ങനെ വിജയിക്കാം എന്നു പഠിപ്പിക്കാത്ത നമ്മുടെ പാഠശാലകള്‍ നമ്മുടെ വളര്‍ച്ചക്ക്‌ തടസ്സമായി നില്‍ക്കുന്ന മൂരാച്ചി ആണെന്നു പറയാം. ഒരു അദ്ധ്യാപകനും ഒരു വിദ്യാര്‍ഥിയെ എന്തിനു വേണ്ടി പഠിക്കുന്നു എന്നു പഠിപ്പിക്കാറില്ല. പഠിക്കാന്‍ വേണ്ടി പഠിക്കുന്ന പഠിതാക്കളുടെ പാഠശാലകള്‍ കൊണ്ടു നമ്മുടെ നാടു നിറഞ്ഞിരിക്കുന്നു .എന്തിനു വേണ്ടി പഠിക്കുന്നു എന്നറിയാതെ പഠിക്കുന്നതു ആണു ജീവിതത്തില്‍ വിജയിക്കതിരിക്കാനുള്ള പ്രധാനകാരണം .

വിജയം ഒരു നാന്നിയോ അവസാനമോ ഇല്ലാത്ത ഒരു നിരന്തര പ്രക്രീയ ആണു .അന്നുവരെ ചെയ്ത നല്ല കര്‍മങ്ങളുടെ ഫലം ആണു ഒരു നേട്ടം .ഒരു നേട്ടത്തില്‍ നിന്നും പുത്തന്‍ നേട്ടങ്ങളിലേക്ക് അനന്തനേട്ടങ്ങളിലേക്ക് മാനുഷന്റെ അനന്ത സാധ്യതകളെ പ്രയോജനപ്പെടുത്തിപ്പോകുന്ന യാത്രയാണു വിജയം .അത് ചില നേട്ടങ്ങള്‍ കൊണ്ടു ഒടുങ്ങുന്ന യാത്രയല്ല.അനന്തമായ നേട്ടങ്ങള്‍ വാങ്ങിയെടുക്കാന്‍ പ്രതിജ്ഞാ ബന്തമായിരിക്കുന്ന യാത്ര ആണു.
വിജയത്തിനു ലക്ഷ്യങ്ങള്‍ ആവശ്യം ആണു.അടങ്ങാത്ത തീ പൊള്ളിക്കുന്ന ആഗ്രഹങ്ങളാണ് നമ്മുടെ ലക്ഷ്യങ്ങള്‍.ആഗ്രഹങ്ങളില്‍ നിന്നും ലക്ഷ്യങ്ങളുടെ തീവ്രതയിലേക്ക് എത്തി ചേരാന്‍ നമുക്ക് ആഗ്രങ്ങളെ ഉപബോധ മനസില്‍ ഏറി മധിപ്പിച്ചു കോശ കോശാന്തരങ്ങളില്‍ ആഗ്രഹങ്ങളെ സന്നിവേശിപ്പിച്ചു ചുവരെഴുതുകളെക്കാള്‍ ലക്ഷ്യങ്ങളിലേക്ക് ഉള്‍കണ്ണ് പായിച്ചു നമുക്ക് ആഗ്രഹങ്ങളെ ലക്ഷ്യങ്ങള്‍ ആക്കാം.പകല്‍ കിനാവുകളും ഉള്ളില്‍ തട്ടാത്ത ആഗ്രഹങ്ങളും അല്ല മറിച്ച് നാഡീഞരമ്പുകളില്‍ കിനിഞ്ഞിറങ്ങുന്ന അടങ്ങാത്ത ആവേശവും എരിയുന്ന കനലും ആയി തീരുന്ന ആഗ്രഹങ്ങളാണ് ലക്ഷ്യങ്ങള്‍.ലക്ഷ്യങ്ങള്‍ ഉള്ള ആള്‍ അലക്ഷ്യമുള്ള ആള്‍ ആവില്ല .
ലക്ഷ്യങ്ങള്‍ നേടാന്‍ ആസൂത്രണങ്ങള്‍ ആണു ആവശ്യം.ഖട്ടം ഖട്ടം ആയി നേടുന്ന നേട്ടങ്ങളുടെ ഉയര്‍ന്ന പടിയില്‍ ആണു ലക്ഷ്യമിരിക്കുന്നത്.ലക്ഷ്യങ്ങളില്‍ എത്താന്‍ ചെറിയ ചെറിയ നേട്ടങ്ങള്‍ കൊയ്തെടുക്കേണ്ടി വരും.വികേന്ദ്രീകരിക്കപ്പെടുന്ന പ്രവണതകളിലൂടെ ആണു ചെറിയ ചെറിയ നേട്ടങ്ങള്‍ കൊയ്തെടുക്കുന്നത്‌. ലക്‌ഷ്യം നേടാന്‍ ആവശ്യമായ സമയത്തെ ഘട്ടം ഘട്ടമായി വീതിച്ചു ചെറിയ ചെറിയ നേട്ടങ്ങള്‍ നേടാം. വീതിക്കപ്പെടുന്ന സമയം കൃത്യവും ഖണ്ടിതവും ആവുന്നു. കൃത്യ സമയങ്ങിളില്‍ രാജിയില്ലാത്ത നേട്ടങ്ങള്‍ നേടി നിറച്ചാണ് നമ്മള്‍ ലക്ഷങ്ങള്‍ നേടുന്നത്. സമയം ക്ളിപ്തപെടുമ്പോള്‍ അത് കാഴ്ചക്ക് അപ്പുറമോ , കാഴ്ചക്ക് ഇപ്പുറമോ ആകാന്‍ പാടില്ല. അത് യാതാര്ത്യങ്ങളോട് ഇണങ്ങുന്നതും ഇഴ ചേര്‍ന്നിരിക്കുന്നതും ആകുന്നു. ജീവന്‍ ഉണ്ടങ്കില്‍, ഞാന്‍ ഉണ്ടെങ്കില്‍ നടന്നിരിക്കും എന്ന ഉറച്ച തീരുമാനം എടുത്തു ചുവടു വയ്ക്കുന്നവര്‍ സമയക്ലിപ്തതയോടെ നേട്ടങ്ങള്‍ നേടുകയും അവര്‍ ലക്ഷ്യങളില്‍ എത്തിചേരുകയും ച്ചെയ്യുന്നു.
കൃത്യ സമയത്തിനുള്ളില്‍ നേട്ടങ്ങള്‍ നേടാന്‍ ചെയ്തുതീര്കേണ്ട പ്രവര്‍ത്തികള്‍ ആണു സമയബന്ധിത പ്രവര്‍ത്തനങ്ങള്‍. അത് ഫലവത്താകാന്‍ അച്ചടക്കവും നിഷ്ഠയും ആവശ്യം ആണു. നമ്മുടെ ജീവിതത്തിന്റെ മാനേജ്‌മന്റ്‌ നമ്മള്‍ തന്നെ ഏറ്റെടുക്കുകയും, കാര്യങ്ങള്‍ നമ്മള്‍ തന്നെ നടത്തിഎടുക്കുകയും അത് നമ്മള്‍ ആരെയും എല്പിക്കതിരിക്കുകയും ചെയ്യുമ്പോള്‍ ആണു നാം തന്നെ നമ്മുടെ വിധികര്‍ത്താക്കള്‍ ആയിതീരുന്നത്. ഇതു അല്ലാതെ നമുക്ക് വേണ്ടി ആരെങ്ക്കിലും കാര്യങ്ങള്‍ ചെയ്തെടുക്കും എന്നു തീരുമാനിക്കുന്നത്‌ മണ്ടത്തരം ആണു. അതിനാല്‍ വിജയത്തിന്റെ പാത ലക്ഷ്യത്തിലേക്ക് സമയബന്ധിത നേട്ടങ്ങള്‍ നേടിയെടുക്കാന്‍ അച്ചടക്കത്തോടെ നമ്മള്‍ ചെയ്യുന്ന പരിശ്രമത്തിന്റെ പാത ആണു. വിജയിച്ചവരുടെ ഈ പാത തിരഞ്ഞെടുക്കുകയും വിജയിച്ചവര്‍ക്കൊപ്പം നിന്ന് പ്രവര്‍ത്തിക്കുകയും ആണു വിജയത്തിനാവിശ്യം. അത് ആണു വിജയത്തിന്റെ പാത. "എല്ലാവര്ക്കും വിജയം ആശംസിക്കുന്നു......"

സ്മിത.

നീ എവിടെ...?

2009-09-22T02:46:00.000-07:00

നിനകെഴുതണമെന്നു പൊടുന്നനെയാനെനിക്ക് തോന്നിയത് :-

മുറ്റത്തെ മുല്ലയില്‍ കുഞ്ഞു പൂ വിരിഞ്ഞതും,
പളുങ്കുപാത്രത്തില്‍ കുപ്പി വല്ല പൊട്ടുകള്‍ നിറഞ്ഞതും ,
രാവിന്റെ ചില്ലെയിളുടെ..
ഒരു സ്വപ്നം പാഞ്ഞു പോയതുമൊക്കെ
പക്ഷെ പ്രിയനേ...
നീ എവിടെ ആണെന്ന് എനിക്ക്യറിയില്ല...

കടങ്ങള്‍ പെരുകുന്ന ദിനങ്ങള്കൊടുവില്‍
കലഹമായെതുന്ന മുഖങ്ങളില്‍
കാര്‍മേഖങ്ങള്‍ പെയ്തൊഴിയാതെ
കനക്കുന്നതും,കടുത്ത വാക്കുകള്‍ക്കിടയില്‍
എന്റെ കാലിടറുന്നതും,കരുനാദ്രമെന്നോ

പാകിയ സൌഹൃദത്തിന്റെ
വിത്ത് അറ്റ് പോകുന്നതും,
എരിയുന്ന സൂര്യന്റെ
ചൂടേറ്റു ഹൃദയം വേവുന്നതും,
വിഷം തേച്ച അക്ഷരങ്ങള്‍ ഹൃദയത്തിലെയ്ക്
മ്രിതപ്രാണന്‍ ആക്കാന്‍ എത്തുന്ന കളിച്ച മുഖങ്ങള്‍ കാണുമ്പോള്‍..
പൊടുന്നനെ നിന്നക്..
എഴുതണമെന്നു ഒര്കുമെങ്കിലും,
എവിടെആനു നീ എന്ന് എന്നികരിയില്ലെല്ലോ...

- Smitha

"Thaaliyola"

"കേരളം എന്നും ദൈവത്തിന്റെ സ്വന്തം നാട് "

"മറഞ്ഞു പോയ രാജഹംസം"

കെ.കരുണാകരന്‍ വിടവാങ്ങി.........

"ഹിരോഷിമ ദിനം"

"കഥാന്തരം"

"ഈ കുട്ടുവിന്‍റെ ഒരു കാര്യം"

"എന്‍റെ മാധ്യമ പഠനം"

"അടയാളം"

"വിശ്വാസം"

"ഞാന്‍"

*ഇനിമുതല്‍ ജൂലൈ 18 നെല്‍സണ്‍ മണ്ടേലയ്ക്കു സ്വന്തം*

"പ്രതീകാത്മകം"

"അവള്‍ പറഞ്ഞത്................"

"എന്‍റെ മാധ്യമ പഠനം"

"ഒരുപാട് സ്വപ്നങ്ങളുമായി ചിറകടിച്ചുയര്‍ന്നപ്പോള്‍!"

"എന്‍റെ മാധ്യമ പഠനം"

"തിരുനല്ലൂരിന്‍റെ ഓര്‍മയ്ക്ക്"

"കാക്കികള്‍ കൈകോര്‍ത്താല്‍"

"അഭയം തേടുന്നവന്‍"

"എന്‍റെ മാധ്യമ പഠനം"

"ദി സണ്‍ ബീഹൈന്ട് ദി ക്ലൌട്സ്"

ഒരു മഴുവിന്റെ ദൂരം മാത്രം

കനവ്‌

"ദൈര്‍ഘ്യം ഉള്ള ഡോകുമെന്‍ട്രി വിഭാഗത്തില്‍ അക്കിത്തവും.."

IDSFFK

"മാറുന്ന സമരമുഖം"

"അഭയം തേടുന്നവന്‍"

യാത്ര

തലക്കെട്ടില്ലാത്തവള്‍

*ഇരുട്ട്*

"ഉറക്കം"

IFFK 2009

"ദി അതര്‍ ബാങ്ക്"

"സ്വീറ്റ് റഷ്"

"എമ്പ്ടി നെസ്റ്റ്"

"24 സിറ്റി"

"ട്രൂ നൂണ്‍"

"ഷിറിന്‍"

"ആന്‍റിക്രൈസ്റ്റ്"

"വിസ്പര്‍ വിത്ത് ദി വിന്‍ഡ്"

*ഓര്‍മ്മ *

''കാത്തിരിപ്പ്‌ ''

"ഒടുവില്‍ നിന്നെ ഞാന്‍ അറിയുന്നു "

"മനസ്സ് "

''തീവ്രാനുരാഗം''

പ്രകൃതിയെ കാര്‍ന്നുതിന്നുന്ന വിഷച്ചുരുളുകള്‍ .....

The Tsunami

"ലാഭനഷ്ടങ്ങള്‍ "

എങ്ങനെ വിജയിക്കാം?

നീ എവിടെ...?

ഇനിമുതല്‍ ജൂലൈ 18 നെല്‍സണ്‍ മണ്ടേലയ്ക്കു സ്വന്തം

ഇരുട്ട്

ഓര്‍മ്മ